惠英紅兩場戲盡展影后級演技 網民:大台花旦一世都演唔到!
2019年04月11日19:56

最近《鐵探》熱播,劇情緊湊睇得唔少觀眾相當投入,而昨晚該集中,梁競徽被惠英紅怒摑4巴一幕,以及黃智賢與惠英紅當面互相對罵一幕,亦觀眾對呢兩幕表示拍案叫絕!

撰文:東方新地|圖片:電視截圖

延伸閱讀:

張智霖夫婦化身Fans飯聚集郵 袁詠儀:好羨慕發哥發嫂!

張敬軒拆歌迷禮物驚見…「呢單嘢直情要上警訊!」

惠英紅兩場戲盡展影后級演技

噚晚一集,講到惠英紅發現梁競徽與洪永城嘅死有關係,為咗查出真相,紅姐單獨喺口供房盤問梁競徽,二人互相爭論,嗌到面紅耳熱!

紅姐最後忍唔住,一手將梁競徽推倒,並怒摑佢4巴,非常兇狠!據知,紅姐每下都係巴巴真打,而且仲打到梁競徽面都紅晒,不過網民睇完都大讚該幕,逼真打落去都係值得嘅!

雖然梁競徽被怒摑4巴,但高潮又點止得一幕,其後仲有黃智賢與紅姐當面對罵嘅一場戲,據知呢場戲長達3頁紙,只見二人不停互相爭論,疊聲互罵,相當激烈之餘,亦非常有火花!

紅姐講到拍檯一刻,霸氣盡現,完美表現出影后級演技,簡直無得彈!

網民睇完噚晚呢兩幕,個個都留言大讚紅紅演得好,夠壓場又夠霸氣!

即時回顧:

《鐵探》6歲潘姿善演技自然超搶鏡

TVB今年重頭劇之一嘅《鐵探》出街後,成為觀眾們茶餘飯後嘅討論話題。劇中有唔少好戲之人坐陣,演技當然係不用置疑,反而今次想同大家講嘅係劇中嘅童星潘姿善,皆因樣子夠晒可愛,亦唔太造作,非常擔鏡!

鐵探
鐵探
第一集就已經率先登場!
鐵探
鐵探
劇中,潘姿善飾演王君馨及袁偉豪女兒晴晴。

眼仔圓碌碌嘅潘姿善被唔少網民大讚個樣夠晒甜美,而且亦有網民仲覺得佢同飾演其媽媽「楊曉怡」嘅王君馨有幾分相似,大讚劇組選角相當用心及細心。

王君馨同姿善似唔似樣?

另外,更有網民笑稱除咗個鼻似袁偉豪,其他部位都好似王君馨,望落姿善同王君馨嘅合照又真係覺得二人幾似樣,唔知大家又點睇呢?

表情同步都好似樣喎!

除咗同王君馨似之外,作為「小演員」嘅姿善演技絕對唔會輸畀一眾好戲之人,其中一幕講Vincci畀歹徒脅持後驚到瀨尿,但都依然喺媽媽面前扮作鎮定,做得非常自然。

潘姿善
潘姿善

潘姿善
潘姿善
其中一幕講Vincci畀歹徒脅持後驚到瀨尿,但都依然喺媽媽面前扮作鎮定,演得非常自然!

戲外嘅姿善精靈活潑,喺拍攝期間亦備受同劇演員嘅寵愛,例如王君馨及袁偉豪就特登為佢慶祝生日,可見大家相處融洽!而且喺最後一個拍攝日時,姿善更教王君馨跳舞,表現猶如好友!

怕羞變自信演出之路

不過唔好睇姿善喺劇中好似係個活潑開朗嘅女仔,原來佢啱啱讀幼稚園時就曾經唔鍾意同其他小朋友玩、自己坐埋一邊之餘,更因而喊足兩、三個月,令媽咪都擔心囡囡係咪有自閉症!

幸然,姿善媽咪有次無意中發現囡囡對跳舞感到興趣,於是安排佢去學習舞蹈及參加表演,希望籍此建立其自信及改變怕醜性格!

之後,姿善更成為小童星訓練學院嘅合約小童星,更有機會參與唔同類型嘅廣告拍攝,如「必理痛」及「Pizza Hut」等廣告,亦獲得參與歌手泳兒歌曲《騎膊馬》MV拍攝,儲落唔少演出經驗!

據知今次姿善為咗獲得《鐵探》中「晴晴」嘅角色都要過五關斬六將,不過今次姿善獲得大家喜愛,相信都之前幾辛苦都係值得嘅!

《鐵探》10大追劇懶人包率先睇

《鐵探》故事大綱

故事講述警探尚垶(袁偉豪 飾)是警隊的明日之星,但在一次的任務行動中,他為救同袍而被游秉高(姜皓文 飾)錯手從旁開了一槍,傷及頭部而昏迷。甦醒後他患上創傷後遺症,以致半身不遂,隨後更發現患有癌症。但尚垶沒有因此而退縮,反而一邊復健一邊查案,由於屢破大案,故被稱為「鐵探」。

鐵探
鐵探

鐵探
鐵探

1.幕後監制、編審精於創作警匪劇本

無綫重頭劇《鐵探》是由著名監製蘇萬聰、編審朱鏡祺和劉小群聯手打造,三人曾於2014年時合作推出《警界線》,當年大受好評。而蘇萬聰早在做編審時期,便已有份參與《刑事偵緝檔案》四部曲、《潛行狙擊》,而近年的《使徒行者2》、《使徒行者3》均是由他擔任監製,絕對是信心的保證。

鐵探
鐵探
蘇萬聰

2.採用全實景拍攝

劇集全都是實景拍攝,主力放在最為港人熟悉的油尖旺區,務求採用電影手法模式,拍出地道港產片的味道。

鐵探
鐵探

3.惠英紅相隔8年再拍劇

三屆金像影后惠英紅自2010年劇集《巾幗梟雄》後,再次重返無綫拍劇。在戲中飾演總警司萬晞華的紅姐,一直都有野心成為警隊首位「一姐」,但後來因其所屬的臥底游秉高(姜皓文 飾)不滿萬晞華作風,背棄與她的承諾並反目成仇,還一度用槍指向萬晞華,直接大鬧「你為咗上位,仲要幾多人墊你屍底呀」。

4.姜皓文首次參演無綫劇集

1986年入行的姜皓文之前是A記演員,之後又主力拍電影,這次是他首次參演無綫的劇集!在戲中原是一名警察,後來被萬晞華安插到黑幫賊王山狗(林偉 飾)身邊作臥底,角色亦正亦邪,當中他與盧宛茵之間的母子情最為人感動。

5.袁偉豪為劇集激減體重

作為主角的袁偉豪是次為劇集犧牲了不少!皆因他劇中角色尚垶的生活十分坎坷,先有頭部中槍昏迷,後患上創傷後遺症,以致半身不遂,當以為情況好轉時,又驗出有癌症。由於劇中需要,袁偉豪要在三個月內激減20磅,更脫水變成人乾。

鐵探
鐵探

6.每個角色背後都有傷痛故事

除了以上主要角色外,其他演員亦有不同的故事,如由蔡思貝所飾演的招喜悅,因飽受童年陰影而影響人生;黃智賢飾演的程宇森是個下半身不遂的總警司;姜皓文飾演的游秉高因左手神經線損毀而全沒有知覺等。

7.警隊高層角力鬥爭

《鐵探》除了主力講袁偉豪所飾演的尚垶個人故事外,另一推介必定是警隊高層的角力鬥爭、下屬的服從、警隊挑戰司法制度等,都是無綫劇中較為少見的題材。當中紅姐所飾演的萬晞華與許紹雄所飾演的簡國曙為上位暗地裡開戰,為權力拼得你死我活。

鐵探
鐵探

8.低層向高層挑戰

有高必有低!由於萬晞華(惠英紅 飾)為了上位不擇手段,令一眾下屬都大為不滿,欲意向高層挑戰。之不過,在向來講求服從性的警隊之內,要挑戰上級都是一個嚴重的問題。

鐵探
鐵探

9.賊王山狗

近年甚少於幕前露面的林偉今次在劇中飾演賊王山狗,因多年前禁錮和用行刑方式殺害萬晞華的大仔邱勵進(洪永城 飾),而被萬晞華恨之入骨,從而派游秉高(姜皓文 飾)作臥底,潛伏在山狗身旁。

鐵探
鐵探

10.5條感情線

該套劇集中一共有兩條親情線、三條愛情線:

親情線方面:萬晞華分別有邱勵進(洪永城 飾)、邱勵傑(楊明 飾)兩個兒子,但因為賊王山狗(林偉 飾)殺害邱勵進,令萬晞華忍受喪子之痛外,還對山狗恨之入骨。為了幫兒子報仇,特別派游秉高(姜皓文 飾)作臥底,潛伏在山狗身旁。與此同時,游秉高因臥底的身份,而錯失許多與患上腦退化症的媽媽(盧宛茵 飾)的相處時光,可以預料劇中會有不少兩人之間的感人場面。

至於愛情線方面,尚垶(袁偉豪 飾)為做警察,犧牲與未婚妻楊曉怡(王君馨 飾)和女兒的關係,到後來因受槍傷,感受到家庭的重要,所以在康復時用盡方法來挽救家庭;邱勵傑(楊明 飾)和招喜悅(蔡思貝 飾)發展出超越操控員與臥底的關係,但自小受媽媽萬晞華薰陶的邱勵傑,為盡己任而決定將該段感情劃清界線;蘇慧雅(陳敏芝 飾)和半身不遂的程宇森(黃智賢 飾)是一對警司夫婦,但由於蘇慧雅前夫簡國曙(許紹雄 飾)不斷用賤招來離間他們的關係,令三人從高層警隊鬥到私人感情。

鐵探
鐵探

延伸閱讀:

回顧王君馨由花瓶成實力打女之路 曾被彈演技慘批花瓶!

更多新聞