胡鴻鈞傳囂爆遭星夢「雪藏」 網民:睇嚟要削骨求饒!
2019年04月12日17:03

胡鴻鈞(Hubert)2010年參加無綫歌唱選秀節目《超級巨星2》入行,近年佢嘅唔止歌唱事業穩步上揚,仲愈來愈多劇拍,先後主演《降魔的》及《救妻同學會》,不過人紅是非多,今日有報道指胡鴻鈞人氣急升後,恃寵生驕開始變得目中無人,仲自誇勁過林峯,結果遭唱片公司星夢娛樂掟入「雪櫃」,對傳聞星夢CEO何哲圖也有所回應!

撰文:東方新地 圖片:新傳媒圖片、Instagram

延伸閱讀:

【倚天屠龍記】被封「最美滅絕師太」 周海媚不婚不育:我血小板過低!

駱達華17歲女兒被封清純星二代 出水芙蓉照獲激讚!

胡鴻鈞《超級巨星2》出道

胡鴻鈞(Hubert)喺2010年參加無綫歌唱比賽節目《超級巨星2》出道,簽約星夢後發展平平,人氣未及同公司的許廷鏗、鄭俊弘,直至2017年他參演劇集《降魔的》飾演石精靈「石敢當」而人氣急升,連帶他唱的主題曲《到此一遊》爆紅,在樂壇頒奬禮上奪得多個奬項。

其後許廷鏗離巢,而鄭俊弘被爆背未婚妻暗撻何雁詩而被封賤男,Hubert被點名力捧而成「星夢一哥」,而大台再起用佢做《救妻同學會》男主角。

擔正男一

TVB近年罕有拍愛情青春劇,去年開拍《救妻同學會》,由胡鴻鈞和劉佩玥領銜主演。

而早前宣佈開拍《降魔的2.0》,胡鴻鈞都有出席!

喺上一輯演石精靈「石敢當」嘅胡鴻鈞,已經完成使命唔會出現,而喺續集佢會以豪仔身份出現,不過今次都係同馬國明勁多對手戲,。

傳恃寵生驕囂遭星夢「雪藏」

不過今日有報道指,雖然周柏豪加盟星夢,林峯也回歸與星夢合作《使徒行者3》主題曲及拍無綫劇,但以往文靜唔多言的Hubert恃寵生驕,曾經大口氣自言勁過林峯,卒之因為囂張而遭星夢掟入「雪櫃」。

失主題曲 鄭俊弘執雞

報道更指無綫熱播的重頭劇《鐵探》主題曲《鐵石心腸》,原本屬意Hubert主唱,但因為得罪人而改由鄭俊弘唱,間接令坐冷板多時的鄭俊弘「鹹魚翻生」。

Hubert今年唔止冇新歌派台,連《降2.0》的劇集歌都未必有份唱。

何哲圖回應傳聞

有傳媒就傳聞向星夢CEO何哲圖(Herman)求證,佢話純粹因為鄭俊弘把聲啱唱《鐵探》主題曲《鐵石心腸》,講到有傳Hubert自誇勁過林峯,Herman表示「藝人點睇自己佢唔了解,佢哋點睇自己嘅位置好難去Comment。

同場加映:

胡鴻鈞跑步變刀削面

胡鴻鈞2010年於《超級巨聲2》奪得亞軍入行,向來賣歌喉唔賣樣嘅佢歌藝有冇進步就唔知,不過個樣就肯定唔同晒!

睇番8年前嘅相,當年佢個髪型遮住一隻眼,大家係咪覺得依家嘅胡鴻鈞靚仔咗好多!

由2010年嘅 1.0方形面,進化到今時今日嘅V煞面 6.0,被網民戲稱「削骨還父」,同哪吒一樣咁孝順!對此胡生曾經解釋話︰「其實係跑步嘅成果,運動同節食雙管齊下,所以形象有所改變!」

有網民就留言話如果跑步瘦到面,呢個世界就冇大面Bella(林穎彤) 啦!

Bella近年塊招牌包包面又好似真係尖咗喎!邊個敢講跑步冇用?

胡鴻鈞 帶密友做個唱嘉賓

《超級巨聲》出身嘅胡鴻鈞出道後多次為無綫劇集唱主題曲,昨晚喺會展舉辦演唱會,前年佢首洗腦歌《到此一遊》橫掃多個獎項,好似最受歡迎劇集歌曲、微博給力電視劇主題曲、勁歌金曲獎等都畀佢包攬晒。

去年胡鴻鈞在大熱劇集《降魔的》,劇中演精靈「石敢當」一角,又唱埋插曲同主題曲《遙不可及》、《到此一遊》,人氣急升。

個唱
個唱

早排忙完拍攝劇集《救妻同學會》,Hubert就專心搞個唱。每次有男歌手開演唱會總會有歌迷想睇肌肉,Hubert講明唔會除衫騷肌,因為自知自己無嘢好曬。早前好友許廷鏗同吳業坤開騷都有跳下舞,Hubert就話會加倍努力,坤哥做到嘅嘢畀咗好大信心佢!

胡鴻鈞幫部車扮靚

出名貪靚嘅胡鴻鈞,以削面還父名震樂壇,除咗人貪靚,連部車都一樣要靚。換車牌咁小事,都親自同車房職員講完又講,然後人盯人睇住師傅換番個新牌上去裝到靚一靚,終於心滿意足畀錢埋單,臨走前,師傅要求附送集郵,胡鴻鈞亦冇say no,平易近人,呢個態度好抵讚。

雖然戴咗口罩遮咗大半邊面,不過睇吓兩腮,唔難認得出呢位去九龍城整車嘅正是胡鴻鈞本人。

胡鴻鈞愛車愛到出晒面,整車牌咁少事都全程睇到實,人盯人保證師傅做完牌又裝到靚一靚。

開始年尾頒獎禮旺季,又要籌備個人音樂會,忙到甩轆,整個車牌幾個字時間,胡鴻鈞都不停聽電話回短訊。

終於大功告成,胡鴻鈞都好識做,除低口罩同車房師傅玩selfie。

胡鴻鈞出席《全球華語金曲獎頒獎禮》,佢自爆到澳門先發現冇安排梳頭化妝,惟有借老友吳若希澳門屋企廁所一用,順便黐餐。

延伸閱讀:

李偉健感激事業低潮有老婆陪伴 入行10年 憑Terry終發圍!

更多新聞