豪賞妻女買千萬基金 陳展鵬甘願被榨乾
2019年04月13日19:55

陳展鵬與單文柔去年10月舉行海陸婚禮,婚 後唔夠一個月單文柔即報喜陀B,半年內榮升人 夫與人父的煎Pang,近月照顧大肚妻盡顯體貼 一面,按摩搓腳24小時噓寒問暖,更學定換片餵 奶在囡囡出世後幫手做神隊友。 搵到個人如其名的賢妻單文柔,煎Pang直 頭愛是全奉獻,拍拖不久已花過千萬買將軍澳晉 海做愛巢,婚後更雙手奉上財政大權。老公辛苦 搏命拍劇搵錢,單文柔專心打理頭家,早前她陀 住巨肚約保險經紀見面,除了為囡囡買定教育基 金外,更為全家買重健康危疾醫療保險,保額加 埋過千萬。

單文柔識得計數,買基金與保險作為日後保障,從此一身妻女債的煎Pang,現時要供樓、搵奶粉錢、養老婆、阿媽阿爸,賺少個崩都唔掂,不過被榨乾都係心甘情願同享受嘅。

撰文:東方新地 圖片:新傳媒圖片

延伸閱讀:

生三個冇偏心 直擊張栢芝帶隊親子考察

李偉健感激事業低潮有老婆陪伴 入行10年 憑Terry一角終發圍!

陳展鵬甘願被榨乾

拍拖不足兩年,陳展鵬與單文柔去年成婚不久即報喜有B,有指 預產期在今個月底,已變緊張大師的煎Pang,為迎接女兒來臨做足準 備,不過他顧大亦顧細,對老婆單文柔更加呵護備至,除了懷孕期內 監管老婆的飲食,就連產後坐月的細節他都知得一清二楚。煎Pang與 單文柔早前已為BB舉行Baby Shower宣布陀女,而女兒的英文名將會 是二人的英文名Phoebe及Ruco之間的Q字開頭,不過他們要賣關 子,暫且叫囡囡做Baby Q,而中文名則在女兒出世後配合時辰八字才 搵高人去改。

陳展鵬
陳展鵬
上月陳展鵬與單文柔舉行Baby Shower,一次過在親友面前揭曉陀住B女,至於改名呢,煎Pang話英文名就諗咗用Q字頭,是二人的英文字頭P同R嘅中間,所以暫時叫囡囡做「小豬比」或者 「BabyQ」。
谷奶開P

當日單文柔身穿寶藍色連身裙,與好姊妹劉穎鏇合照時,因谷奶而升cup的上圍非常顯眼。煎Pang仲笑言囡囡畀前來到賀的一眾港姐摸過,大個可能都會美貌與智慧並重。

準備入產房陪產

煎Pang早前表示單文柔仍未決定想順產定開刀,雖然已知預產 期,但單文柔陀B已足月,醫生話隨時生得,而正在為趕拍劇集《唐人 街》的煎Pang,亦早已向監製及劇組請定假,一收到老婆作動的電話就會放低工作跑去醫院陪產,第一次做爸爸的煎Pang絕對不容有失,要 為Baby Q親手剪臍帶。至於初為人母的單文柔產前亦非常忙碌,繼早前被影到約外傭中介簽文件外,亦早已為Baby Q買定保險與基金。

日前單文柔現身又一城,已懷孕八個多月的她行得好輕盈,一啲水腫都冇,邊飲果汁邊行街,左手上的鑽石戒指好耀眼。

升Cup急買底

因為懷孕令身材升cup,單文柔要定期買過晒啲內衣及內褲,只見她望住性感內衣雙眼發光,唔知有冇合適佢嘅size呢?

據知情者透露,「其實由結婚一刻開始,幾乎所有決策上嘅嘢都係 由Phoebe(單文柔)去搞,煎Pang覺得Phoebe比實際年齡成熟,依家女都有埋,就更加放心交財政大權畀佢,而且女人始終心思縝密 啲,揀陪月同工人姐姐都係Phoebe決定,因為幫手湊B日對夜 對,最緊要老婆滿意。煎Pang呢排忙拍劇,成日唔錫身拍打 戲,之前仲搞到手指受傷,雖然本身都有買保險,但Phoebe覺得 依家有小朋友,責任大咗唔同以前,以前買落嗰啲保額未必足 夠,所以搵咗個信得過嘅保險經紀再買多幾份保障全家,另外佢 仲幫Baby Q買定教育基金,依家開始供大約廿年,到佢大個咗就有筆錢去外國讀書,Phoebe諗嘢好長遠,雖然保險加基金加埋過 千萬保額,個個月都要供多好多錢,十萬八萬唔少得,但呢啲終 身保障真係唔慳得,煎Pang都好贊成。」

對內衣甚有研究及要求的單文柔,睇啱一條肉色底底即摸上手,同行的化妝師好友亦有畀意見。

買完內衣準備走人,單文柔先打個電話同老公煎Pang報告行蹤,其時可能肚皮痕癢,見她頻頻用手𢱑痕。

為陳家開枝散葉

嫁給煎Pang後的單文柔,由寂寂無聞的落選港姐變成視帝背後的女人,據知煎Pang有意將單文柔私有化,專心為陳家開枝散葉,搵奶粉錢養家就由煎Pang一力承擔,即使被妻女榨乾,都是幸福的負擔。 其實為了成家立室,煎Pang近年花費不少,除了花過百萬搞海陸婚禮外,早於17年,他一擲1,280萬港元在將軍澳買入晉海一個高層的三房海景單位築愛巢,計劃與去年中風後不良於行的母親同住,方便照顧之餘更讓 母親可以弄孫為樂。知情者透露,「煎Pang真係一個極之孝順嘅乖仔,去年睇住媽咪中風後 健康同精神都急轉直下,因為行動已經唔方便,要坐輪椅同埋講嘢都有影響,煎Pang情 緒跌落谷底,不過佢依然成日車出車入同媽咪 去睇醫生做物理治療。因為陳媽媽一直好想睇 到個仔結婚,煎Pang好想媽咪開心同安心,所以同Phoebe拍拖冇耐即講明以結婚生仔為大前提,極速有咗嗱嗱 聲搞婚禮,新屋都係寫佢媽咪個名,打算收樓後一齊住,而 Phoebe亦唔介意,佢覺得屋企有老人家都係好事,可以三代同 堂。」愛屋及烏,又肯配合煎Pang的所有計劃,難怪單文柔深得老 公心,煎Pang錫到老婆燶。

1,280萬買愛巢

煎Pang以母親名義買入的將軍澳晉海高層向海三房單位,將於今年底入伙,據知煎Pang希望與母同住,但若然繼續生B,睇嚟要繼續努力搵錢再買大屋。

婚後的煎Pang變成愛妻號,早前他與單文柔及愛犬包包影了一輯靚相,表示等囡囡出世後,便會變成一家四口。

溫馨孕照

三個願望當獎勵

早前煎Pang公開被問及單文柔產後會否做「全職媽媽」?他表 示沒所謂,即使老婆想繼續工作,都不可以太辛苦,更向單文柔 發表愛的宣言:「冇一樣嘢能夠代替太太喺我心目中嘅地位,尤其 係睇到佢陀B真係好辛苦,付出好多,所以冇嘢能動搖到我對她嘅 愛,只會加,無減。」有事業有家庭的 煎Pang自覺人生美滿,他表示早已送 上三個願望獎勵太太:「一個是『小豬 比』,另一個是情人節禮物,再加埋度 蜜月,遲啲帶佢兩個去旅行,呢三個 願望都夠晒啦!」對於再追仔,煎Pang 笑言男女不拘,看來生完Baby Q,等 單文柔身體狀況回復,煎Pang可以學 陳豪陳茵媺四年抱三。

2017年3月被影到在山頂夜會,煎Pang與單文柔最初唔認拍拖,半年後才承認戀情並愈愛愈高調,甚至在節目上互餵。去年10月突然結婚,當時已升cup的單文柔否認有喜,不過婚後一個月即宣布陀B,B女將於今個月出世,煎Pang結婚生B半年內極速搞掂,好有效率。

有老公呵護備至的單文柔,在懷孕期間仍事事親力親為,未有翹埋雙 手做皇后,對於辛勞拍劇搵錢的煎Pang,她時刻提醒自己要做個稱職的老 婆,早前曾在訪問中表示她屬浪漫主義者,喜歡在節日花心思為另一半炮 製驚喜。婚前曾被本刊記者影到去挑選性感喱士bra及真絲褻衣的單文 柔,看來增加閨房生活樂趣,也就是為煎Pang製造的浪漫驚喜之一。

學定湊B

陳展鵬揚言看到老婆陀 B 非常辛苦,所以早前 趁未開劇,上堂學湊 B 學換尿片,準備就緒等 囡囡出世後分擔單文柔的工作。

婚前褻衣誘惑

單文柔喜歡為煎Pang製造浪漫,婚前曾 被本刊記者影到去內衣店揀性感褻衣, 她對黑色真絲喱士吊帶特別有興趣。

鍾情性感內衣

日前腹大便便的單文柔,與化妝師好友閒逛九龍塘又一城商場,入到 名牌內衣店,單文柔即雙眼發光,見她對手感柔軟的絲質性感內衣褲最感 興趣,不時摸上手,最後當然不會空手而去,看來大肚期間所穿的內衣及 內褲都因谷奶升cup及下圍膨脹而變加大 碼,單文柔要在卸貨前買定靚靚內衣,坐好 月調理好身體,再穿上性感戰衣出擊。28歲 的單文柔今胎陀女冇走樣,將近臨盆仍然手 腳纖瘦冇水腫,狀態咁好,睇嚟產後亦好快 修身,得天獨厚生多幾個都唔成問題。

高調冧老公

單文柔亦在IG出言冧老公,讚揚煎Pang為頭家辛苦工作,而她亦會盡自己本份做個好老婆、好媽媽及好情人。

廿四孝暖男

煎Pang愛妻亦愛母,雖然工作忙,但他仍不時堅持做司機車母親去覆診及做物理治療,而早前更帶單文柔外出食飯慶祝白色情人節,等囡囡出世,又多個前世情人要照顧。

Baby Q踢阿媽

陀住個重十幾廿磅的巨肚行街都咪話唔辛苦,雖然單文柔仲活動自如,但她亦在IG內留言表示肚內的Baby Q非常活潑,成日郁唔停,單文柔笑言想抖吓都唔得。

正在拍攝新劇《唐人街》的煎Pang ,與習武之人伍允龍在劇中由頭打到尾,據知此劇的打鬥場面史無前例之多,煎 Pang 都嗌晒救命。

煎Pang在劇中以真功夫示人,日前拍攝劈竹棚場口時差點被扑中頭,當導演 嗌Roll機,煎Pang一手劈落堆竹棚度,但竹枝又粗又硬,掃落時更有一支差 點扑中他的頭,對住鏡頭扮型扮chok的他,鏡頭後痛到面容扭曲即狂揈手。

竹棚傷手

傷手指老婆心痛

煎Pang最終傷及手指,他在IGpo相笑說:「好彩擋得住!擋唔到又要縫幾針。」 但單文柔就相當心痛,並留言:「你小心啲可以嗎?」傷在老公身,痛在老婆心。

打到去《唐人街》

陳展鵬正趕拍的新劇《唐人街》,有指是繼《城寨英雄》和 《同盟》的第三輯,監製一樣是文偉鴻,演員班底大致上一樣,唯獨是少了女主角胡定欣。2017年《城寨英雄》收視強勁,令胡定欣 與陳展鵬成為熒幕情侶,今次女主角換上唐詩詠,故事講述華人在 泰國曼谷的奮鬥史,以曼谷唐人街作為背景,各男女主角在開拍前 都要學武操肌做好準備,以應付連場打戲,而製作費比《同盟》還要龐大,是一部懷舊動作溫情懸疑電視劇。

劇中除了男主角打到飛起,唐詩詠、王君馨及姚子羚都要在開劇前 跟武指學打,但最估唔到係全劇最 好打竟是唐詩詠。

《唐人街》由陳展鵬、唐詩詠、陳山聰、姚子羚、王君馨、伍允龍及元秋領 銜主演,此劇為2019無綫節目巡禮14部劇集之一,被喻為今年的重頭劇。

陳展鵬在劇中飾演步青雲,唔止個 名跟足,髮型仲抄足步驚雲。

同場加映:

2019喜事多 盤點10位星媽趕生豬年BB

踏入2019年,一眾明星爸媽都努力造人,趕生豬年BB。現在就同大家逐一盤點趕在今年2019豬年生BB的10位星級爸媽,又有10個萌爆星二代即將降臨!

撰文:Anson 、Chloe (原文刊於:Sunday Kiss)| 圖片:Instagram、新傳媒資料庫

1. 53歲郭富城宣佈再做爸爸

53歲郭富城日前出席活動時公佈喜訊,表示太太方媛懷第二胎!城城再度做爸爸難掩興奮,雖然無透露第二胎性別,但佢表示今次會盡量安排入產房。真係恭喜晒!

其實,城城早前為女兒慶祝一歲生日,在生日會上頻頻甜笑,一副慈父的樣子。據消息指,郭富城在生日會上向在場好友分享「雙喜臨門」,雖然未有確實說出是甚麼喜事,不過大部分人都猜想郭富城太太應該是懷上第二胎!

2.鄭嘉穎 陳凱琳 尚未公開預產期

陳凱琳今年11月於個人instagtam宣佈懷孕,49歲鄭嘉穎亦榮升爸爸!鄭嘉穎陳凱琳今年8月係峇里結婚,轉眼間就榮升準父母!不過,他們並沒有公佈BB預產期,究竟係如外界傳言般「未婚懷孕」,還是想保持神秘?

日前,陳凱琳在IG開心宣布BB性別,原來今次Grace係「一索得男」,恭喜晒!小嘉穎 Coming soon!

3.岑麗香 努力造人趕生豬BB

岑麗香於2016年尾與圈外男友Joshua(強強)結婚,粉絲們足足等了兩年,今年終於傳來喜訊!

香香12月出席活動時公布即將成為人母,亦透露當時已懷孕5個月,預產期預計明年4月。香香表示想比驚喜自己,就算產檢都叫醫生遮住BB重要部位,佢笑言希望自己忍得到,但無論是男還是女,都是她的心肝寶貝!

View this post on Instagram

✨B-a-b-y coming 2019!🤗✨

A post shared by Eliza Sam 岑麗香 (@heungheungeliza) on Dec 6, 2018 at 3:02am PST

4. 結婚造人5年 38歲張美妮宣布懷孕

38歲 的張美妮同圈外髮型師老公KK於2013年結婚,去年美妮透露已推了不少幕前工作,全心投入造人計劃。今月她親自於instagram宣布有喜,表示「要做爸爸媽媽喇」,BB預計會在明年6月出世。

5. 33歲楊愛瑾 三年抱兩

33歲藝人楊愛瑾 (Miki)與永安太子爺去年誕下囝囝Luken後,現時以家庭為重,甚少出現於幕前。早前表示會再造人的Miki估唔到咁快有好消息!今年10月Miki於社交網宣布再懷孕 ,三年抱兩真是可喜可賀!

6.再婚樂基兒 預產期明年4月或5月

名模樂基兒(Gaile)去年八月正式與圈外男友Ian在美國結婚後,不時傳出她懷孕的消息。與圈外老公結婚1年多就宣佈有喜,當時Galie聲稱婚後不設防,會順其自然地造人,今年11月她終於宣布她懷孕3個月。預產期是明年4至5月,但未有公開BB性別!

7. 陳展鵬 單文柔 大方承認未婚懷孕

41歲陳展鵬與28歲單文柔拍拖兩年,上個月先拉埋天窗。他們今年11月各自於社交媒體宣布「Baby is coming」!兩人更幫BB改定乳名「陳皮妹」,原來Phoebe喜歡食陳皮,所以話生女就叫陳皮妹,生仔就叫小煎pan,預產期為明年4至5月。

單文柔晒裙仔 暗示陀B女?

之前Phoebe喺社交網曬白色BB裙,仲留言話:「我鍾意白色,好乾淨嘅感覺,唔知道小豬比鍾唔鍾意呢?」難道意有所指,呢胎係生女?一眾網民都估佢哋呢胎係咪陀B女,要生「陳皮妹」!

8.前港姐冠軍 張嘉兒喜懷2胎

現年34歲的張嘉兒於2007年奪得香港小姐冠軍,並於2015年下嫁金融才俊男友,2016年誕下長女Leora。張嘉兒不時會在社交網站上分享跟女兒相處的點滴,又會分享媽媽湊仔的心得和貼士,引起不少新手媽媽的共鳴。

11月1日,張嘉兒在Instagram上正式公佈自己懷有第二胎,並留言指:「踏入11月啦。呢個月份亦都係我嘅生日月份。好想同大家分享一個喜訊就係我再一次懷孕啦。今次陀BB比上一次辛苦同埋攰好多,真係每日淨係想黐住張床,不過係唔可以嘅,因為我仲要照顧我個女。作吐作悶嘅次數亦都多咗,聞到有油煙味都會感到不適。」相信今次陀B養胎都難唔倒呢位育兒達人,預產期將於明年5月,祝BB順利出生吧!

View this post on Instagram

踏入11月啦。呢個月份亦都係我嘅生日月份。好想同大家分享一個喜訊就係我再一次懷孕啦。 今次陀BB比上一次辛苦同埋攰好多,真係每日淨係想黐住張床,不過係唔可以嘅,因為我仲要照顧我個女。作吐作悶嘅次數亦都多咗,聞到有油煙味都會感到不適。 話雖如此,我好感恩同埋好開心上天送一份咁大嘅生日禮物俾我。一諗起將來多一個小朋友會帶比我哋一家人嘅歡樂,所有辛苦都變得值得。 有人話養兒100歲長憂99歲,計我話係長喜99至真。我依家真係好想我嘅energy 快啲返嚟,等我可以計劃我嘅 baby-moon. 你話我去邊好呢意大利,馬爾代夫,定日本? #意大利又驚天氣凍 #馬爾代夫又唔知適唔適合大肚婆 #日本又唔知會唔會啲輻射影響 #大家有咩提議呢 #mamacollege #小寶貝做家姐啦 #希望BB身體健康 #係我個肚入邊健康成長

A post shared by +2 (@misskayicheung) on Oct 31, 2018 at 7:47pm PDT

9.陳嘉寶Anjaylia 暗示陀B半年

今年娛樂圈女星榮升星媽!現年28歲的陳嘉寶Anjaylia去年11月下嫁初戀男友黃頌祈,今年9月於Insatgram 發佈一張同老公的合照,宣佈有咗BB!「最近我身邊的朋友都在說我很奇怪,問我為什麼做了運動之後手腳和臉瘦了這麼多,肚子的肉肉卻好像不減反增…現在謎底要給解開了!因為那不是單純的肉肉啊!那可是一個寶寶呀!」

Anjaylia 亦提到「感謝神的賜予,也要特別感謝我身邊的小天使們在過去半年來貼心的守護,謝謝你們時刻緊盯並照顧着我這個不羈大頭愛自由的人。我會繼續好好努力做好自己,不管是鏡頭前後的那一個身分,都會繼續盡善盡美。」,暗示已經有咗BB半年!恭喜晒呀!

10.三年抱兩 何嘉莉宣佈再懷孕

現年38歲的何嘉莉何嘉莉2015年再婚後,生下1歲女兒Zoe,加上和前夫所生的6歲兒子Jean,一家4口生活幸福美滿。由於過去曾流產過2次,佢以為自身屬於不易懷孕的體質,沒想到今年10月在社交平網上突然發文,寫上「1+1=5」,暗示再做媽咪。

曾2度流產 身心負擔大

何嘉莉透露最初屋企人都唔太接受,因為她身體剛復元,加上要照顧兩個小朋友,怕她身心和財政上負擔大很多。面對突如其來的小生命,她坦言「一度曾考慮過唔要BB」。不過,同老公再三考慮過後,認為是天賜良緣,最後決定要將孩子生下來。

「人體奧妙,謝謝大家的祝福。是的,我又懷孕了!的確這並不是預期之內,因為我上半年的時間一直被些婦女病搞得生理狀況非常混亂,加上在Baby Zoe之前其實嘗試懷孕2年都沒有結果,中間我們試過不同的方法,自然的非自然的也有。坦白說也有過成功可惜最後還是流產過2次,經歷既恐怖又傷心,所以都算是難懷孕的一對。正當我們想放棄停一停讓身心休息一下的時候,很幸運上天就送給我可愛的Baby Zoe了。所以我們都完全沒有想過我們能夠再次懷孕,而且還這麼容易,所以發現的時候實在驚多於喜。沒騙你,比第一次中獎還要怕啊,怎麼辦呢?立刻告訴一兩個好姊妹,她們也替我高興又擔心的。説實話,照顧1個小孩比較容易,還可以有很多私人時間,2個呢,當然變得忙碌很多。安排好的話,還是可以有點點自己的私人時間。但是⋯⋯3個呢?天啊!我真的不敢想像啊。所以當我媽媽妹妹知道後,他們都非常反對的,主要是擔心我身體狀況,而且要照顧3個小孩的精神心血真不是開玩笑!還有財政的問題呢?在香港養育3個小孩的費用也可真大,太多太多的考慮因素了,所以跟老公的確考量了好久好久!最後還是覺得既然自己寵物也不會遺棄,自己的Baby就更有生存權利吧,不過想到女兒才剛滿一歲,她還是baby的時候,媽媽又要照顧另外一個little baby,實在有點不公平啊!嗯!唯有再努力一點再盡力一點,要向所有多孩子的媽媽致敬,我要更加好好學習了」

楊秀惠長腿收服張衞健 盤點大台11位長腿天后

7個明星奢華豪宅大公開!劉嘉玲、王祖藍屋企大到可以踩單車…

【萬千星輝】完整得獎名單 《跳躍生命線》成大贏家

37歲依然仙氣十足!黃翠如 毋懼素顏

17位女星清純校服Look大檢閱!想當年個個都好pure好ture⋯

點止34G麥紫莉收飯局短訊!兩位女星自爆有人開高價邀去飯局…

新版《神鵰俠侶》海報曝光 小龍女驚變盜版劉亦菲!網友:陳妍希有人墊底⋯

缺席台慶頒奬禮 凸肚岑麗香 返加國報喜

【萬千星輝2018】提名16次!馬德鐘首次封視帝

疑搞大國產粉絲個肚!黃子恆被封渣男 娛圈賤男仲有呢10位⋯

拆解10個藝人花名的由來!鐵粉都可能未必知⋯

撻著3個月心急上岸 江嘉敏挾富貴男友同居

細數歷代23位香港男神!《大帥哥》張衞健當年都迷倒不少女生⋯

車震照肺高層施壓 劉穎鏇飛胡㻗保前途

胞兄收曖昧短訊!陳山聰撐大嫂掃狐

騷完優質股 葉玉卿囡囡 再晒火辣三點式

否認阿澤破產要幫手還債!田蕊妮:我未至於好到咁…

係初戀呀!20位女星清純可人校服look逐個捉!

傳為富商誕第三胎!張栢芝面圓圓著樽領出山⋯

8位紅星減肚腩餐單大公開!安仔3週減12磅…

【義不容情】當年遭抹黑轉戰台灣 劉錫明大方原諒倪震

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

住半山獨立屋 揭郭子豪闊少真身

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

延伸閱讀:

家明表哥原來係佢?袁文傑現身《卡拉屋企》做大茄

更多新聞