【香港電影金像獎2019】好爸爸吳鎮宇5度提名 再次與金像獎影帝擦身而過
2019年04月15日18:30

今日就係第38屆香港電影金像獎頒獎典禮,每年獎典禮都引嚟觀眾嘅熱烈討論,到底各大獎項花落誰家。吳鎮宇好戲就係人都知,而今年佢亦憑電影《逆流大叔》陳龍再次被提名「最佳男主角」,唔少人都好期待佢攞獎嘅一刻。不過,今年影帝就由黃秋生奪得,吳鎮宇第5度失落金像獎影帝獎項。

撰文:Kammy|圖片來源:Facebook,Weibo,節目截圖

延伸閱讀:

【80後媽媽】蓮藕章魚綠豆湯

【清熱湯水】魚翅瓜蘋果瑤柱豬骨湯

吳鎮宇5度與金像獎影帝擦身而過

現年57歲嘅吳鎮宇至今已從影36年,佢好戲就係人都知,係香港嘅實力派演員。繼《爆裂刑警》、《茱麗葉與梁山伯》、《無間道II》及《脫皮爸爸》後,今次已經係吳鎮宇被5度提名「最佳男主角」,但可惜最終都未能憑《逆流大叔》榮升影帝。

吳鎮宇
吳鎮宇

《逆流大叔》講述3個中年男人,因公司掀起了裁員風暴,而要參加公司贊助嘅龍舟比賽。吳鎮宇喺戲中飾演阿龍,最後更重新燃起鬥志,去迎接各自人生中嘅逆流。唔少人都大讚吳鎮宇喺戲中嘅演技,但最後都係不敵黃秋生嘅《淪落人》。

吳鎮宇
吳鎮宇

缺席頒獎禮

如果有睇頒獎典禮嘅觀眾,就會發現吳鎮宇缺席頒獎禮。有網友發現,吳鎮宇之所以冇出席,係因為佢同一班工作團隊喺北京唱K,有唔少網民大讚佢好瀟灑,因為唔使用奬去證明自己嘅實力。

吳鎮宇
吳鎮宇

吳鎮宇
吳鎮宇

慈父幫仔大搞生日派對

吳鎮宇喺1998年同太太王麗萍認識,二人拍拖四年後喺夏威夷舉辦浪漫海邊婚禮,更喺2008年誕下兒子(Feynman)。吳鎮宇一直都對囝囝寵愛有加,去年適逢Feynman 10歲生日,吳鎮宇就在微博上Po出幾張生日會的相片,見Feynman已經褪去稚氣,發福了不少,就知他現時生活得非常開心。

吳鎮宇
吳鎮宇
圖片來源:吳鎮宇微博

在相中見到Feynman的生日蛋糕上,印有是模仿《復仇者聯盟》電影海報,但所有超級英雄的臉則換成了Feynman的樣子,相信Feynman必定是《復仇者聯盟》的超級Fans!而當日有份參加生日會的小朋友,同樣穿上印有同款圖案的T-shirt,相當逗趣!

吳鎮宇
吳鎮宇
圖片來源:吳鎮宇微博
吳鎮宇
吳鎮宇
圖片來源:吳鎮宇微博
吳鎮宇
吳鎮宇
圖片來源:吳鎮宇微博

為氹兒子學空手道 吳鎮宇:學完有雪糕食!

吳鎮宇日前出席節目錄影時,坦言每年都會留港跟家人團圓:「中秋、過冬、年三十都會跟家人過」,他又笑言現在過節不像自己以前在屋企跟一大班人玩燈籠般熱鬧,不過他會向兒子Feynman灌輸一些傳統節日的慨念,而兒子也會應節跟小朋友玩一玩。

吳鎮宇
吳鎮宇

提到兒子開學了,他笑言不會管著兒子的功課進度:「因為管了也沒用」。

吳鎮宇
吳鎮宇

鎮宇透露早前放咗幾日假充電,同囝囝Feynman一齊學音樂,而太太為囝囝報讀空手道班,希望讓囝囝學習和其他小朋友相處,學習武德。問到可有和囝囝對打?鎮宇笑說:「我一隻手就搞掂他,希望他有興趣繼續學,可能學完之後有雪糕食,他才繼續。(之前不是要囝囝減肥嗎?)一杯雪糕不會胖很多,雪糕是令他有動力去學習,減肥很容易,但精神層面一定要培養,良好的運動精神會令人質地更好。」

吳鎮宇
吳鎮宇
問到電影《逆流大叔》票房已過千萬是否在中秋節兌現承諾露肌,他笑言:「沒有說露肌,是脫衣服了」,又指如果電影開拍續集,他會看看劇本好不好再決定會否接拍。

吳鎮宇 訓練阿仔獨立

早前有份主演的電影《逆流大叔》上映,吳鎮宇四出宣傳,太太王麗萍就帶埋九歲兒子Feynman低調捧場。相比14年拍《爸爸去哪兒2》,Feynman身形明顯大不同,昔日清秀輪廓變得圓碌碌好飽滿,睇落相當可愛,原來發育階段的Feynman食量驚人,平日嚴肅cool爆的鎮宇,亦曾幽默笑兒子肥到冇頸似雪人:「佢一個人可以食兩人份量,可以食晒成碟意粉同差唔多成罐午餐肉,打機時佢又縮埋條頸,我諗我要帶佢去睇骨科醫生,將條頸拉番出嚟!」

吳鎮宇
吳鎮宇
對家人非常保護的吳鎮宇,14年首次父子檔接拍親子騷《爸爸去哪兒 2》,讓兒子萌樣初次曝光,Feynman更加一鳴驚人成內地親子活動搶手貨,近日又再被內地親子節目睇中。

吳鎮宇:怕照顧唔到個仔咁耐

一直極之重視私隱的吳鎮宇,四年前首度畀兒子萌樣曝光,父子檔參演湖南衛視真人騷《爸爸去哪兒2》,據知情者透露,鎮宇同老婆王麗萍本身非常低調,被打動全因想給兒子留一個珍貴回憶:「咪睇鎮宇好似好嚴好惡,其實佢教仔持開放態度,佢畀好大自由度個仔,唔會迫個仔死讀書,但佢好想訓練個仔快啲獨立,佢成日話,個仔18歲嗰時,佢都快到70歲,怕自己照顧唔到個仔咁耐,所以好想個仔學會獨立,學會面對困難,所以嗰時先肯接拍親子騷;嗰次佢兩父子去咗好多地方拍攝,一齊去體驗同經歷,令佢對個仔性格了解多咗,亦想畀個仔留一個紀念,將來大個可以睇番!」

14年父子檔拍攝《爸爸去哪兒2》,去到尾站新西蘭,一班大人在房開會,小朋友在外邊玩時,五歲兒子Feynman撞落樓梯撞傷左眼角入院縫針,留下永久性創傷,令鎮宇夫婦非常心痛。

拍真人騷出意外

活潑的Feynman,亦因《爸爸2》火速爆紅,轉眼四年,原來近日再有內地親子騷力邀鎮宇父子檔回歸,不過,自從上次拍真人騷出了意外,兒子撞傷眼角受傷,留有永久性疤痕,鎮宇嫂已下令推拍。據知情者透露:「嗰次拍真人騷個仔撞咗落樓梯,撞傷眼角要入醫院縫針,鎮宇同老婆好擔心,雖然個仔最後堅強完成餘下拍攝,但返香港治療,知道係永久性創傷,連視力都有機會受影響,鎮宇真係好心痛,嗰時仲一度搵唔到製作組,冇人肯承擔責任,搞到兩公婆好勞氣,個仔又要捱苦,所以吳太已經講明,以後都唔會畀個仔再拍呢類真人騷!」

吳鎮宇
吳鎮宇
去年吳鎮宇晒出跟兒子的合照,清楚可以看到Feynman左邊眉角仍留有疤痕。

體驗自己工作

外表火爆的鎮宇,原來教仔好有心思,更明白身教最重要,除了拍《爸爸去哪兒2》,16年他亦讓兒子客串電影《脫皮爸爸》,還有由他自導自演的電影《費曼的夏天》,更同兒子父子檔做男主角,就是想兒子可體驗他的工作。據知情者透露:「以前鎮宇已經成日帶囝囝去片場,就係想阿仔可以體驗自己嘅工作,了解爸爸更多,原來呢個係佢切身感受,細個嘅時候,因為佢爸爸係點心師傅主管,半夜就會返工,佢同爸爸好少時間溝通,但有一次佢跟咗爸爸返酒樓,了解咗爸爸嘅工作性質同環境,知道爸爸有幾忙碌同辛苦,父子反而拉近咗距離。」

吳鎮宇
吳鎮宇
去年兒子九歲生日,吳鎮宇在微博激罕晒出一家三口溫馨合照,兩公婆攬實兒子慶生,Feynman擘大口笑顯得相當開心。

鬧市人盯人

近日兒子放暑假,鎮宇拍戲之外亦爭取時間湊仔,日前兩父子鬧市出巡,著住迷彩衫的鎮宇可能怕畀人認到,戴帽又戴口罩將自己包到冚,兒子則似啱啱做完運動,著住短袖T恤後頸上還攝住毛巾吸汗,兩父子一齊行去買珍珠奶茶,Feynman非常活潑,淘氣得邊行邊跑,搞到鎮宇亦要從後追住個仔,兩父子人群中追逐場面相當溫馨!

吳鎮宇
吳鎮宇
吳鎮宇帶仔鬧市出巡,Feynman長高了不少亦胖了不少,仍然 一念稚氣,鎮宇湊仔亦好緊張,全程盯住阿仔一齊行,見兒子忽然 起勢向前跑,跟在後邊的他亦急住追前,兩父子在人群中追逐。

買奶茶氹仔

鎮宇曾經大爆兒子鍾意食嘢,經常食晒佢啲點心,更幽默笑兒子肥到似雪人,但對住乖仔又心軟,專登落車只為去買珍珠奶茶氹阿仔!

吳鎮宇
吳鎮宇

跑了一輪,鎮宇指示囝囝方向。為免被途人認出,戴帽戴口罩的鎮宇包到冚,同兒子相映成趣。

吳鎮宇
吳鎮宇

訓練獨立

入到舖頭,Feynman一馬當先行去買珍珠奶茶,似乎在爸長期訓練下已經非常獨立。

吳鎮宇
吳鎮宇

買完嘢飲兩父子一齊行去 街口上車。

吳鎮宇
吳鎮宇

低調撐爸爸

早前吳鎮宇為電影《逆流大叔》出席宣傳活動,太太王麗萍帶埋兒子混入人群低調捧場,不過最終都被記者發現,早有過唔少演出經驗的Feynman,面對鏡頭亦表現大方唔太抗拒。

吳鎮宇
吳鎮宇

9歲胖嘟嘟

5歲秀氣出位

五歲Feynman首度亮相《爸爸去哪兒2》,外表清秀性格溫柔,火速爆紅吸納唔少粉絲。

吳鎮宇
吳鎮宇

太太退出湊仔

本身是新加坡模特兒的鎮宇太太王麗萍,婚後退出幕前專心湊仔,是鎮宇背後賢內助。

上陣不離父子兵

鎮宇好想兒子體驗其工作,除咗會帶兒子去片場睇拍戲,16年自導自演的《費曼的夏天》就父子檔上陣,後更一齊去東京做宣傳。

吳鎮宇
吳鎮宇

連拍二片

先後拍過兩部電影的Feynman,在《脫皮爸爸》演古天樂童年。

吳鎮宇
吳鎮宇

吳鎮宇帶Feynman到孟加拉 了解失明孩子的生活悲哀

在兩年前的復活節假期,吳鎮宇帶着當時只有8歲的Feynman遠赴孟加拉一些落後醫院和鄉村家庭,為的是探訪當地患有眼疾的初生嬰兒和失明小朋友,為慈善活動出心出力。

吳鎮宇同囝囝隨奧比斯團隊前往孟加拉
吳鎮宇同囝囝隨奧比斯團隊前往孟加拉
二人在香港出發,隨奧比斯團隊,遠赴孟加拉的鄉村地帶,到當地鄉村家庭和落後醫院進行一連串探訪,久未露面的Feynman愈大愈似爸爸,而且發福了不少。(圖片來源:奧比斯)

一向重視身教的鎮宇,相信讀萬卷書不如行萬里路,選擇帶Feynman看另一個世界,他解釋:「父在做,子在看。如果父母願意幫助別人,做有意義的事,小朋友一定會明白及學習的。而且我一直覺得,能在艱難環境中生存的人,擁有最強的生命力,好像街童和蟑螂一樣!自己復活節其實有電影工作在身,但堅持帶Feynman到貧窮的孟加拉村落,幫助奧比斯有意義的工作,我希望Feynman見識落後地區人性的光明一面,從中學會獨立,並為有需要的人伸出援手。」

一向重視身教的鎮宇,復活節假期便專誠帶兒子看另一個世界
一向重視身教的鎮宇,復活節假期便專誠帶兒子看另一個世界
圖片來源:奧比斯

首次參與「救盲之旅」的鎮宇,坦言今次的出發心情非常特別:「Feynman雖然和我一起出遊過很多次,但從未試過一齊入醫院看手術,或者探訪失明人的貧困家庭。因此我在出發前亦做了少許功課,知道當地很多小朋友因為白內障失明,而且求醫也絕不容易。我將這些資訊,一一向Feynman講解,希望他明白今次絕不是一般的旅行,而是非常難得的體驗,讓他可以親身了解失明人的困境。」

鎮宇表示今次是非常難得的體驗,讓他可以親身了解失明人的困境
鎮宇表示今次是非常難得的體驗,讓他可以親身了解失明人的困境
圖片來源:奧比斯
吳鎮宇和囝囝探訪當地患有眼疾的的初生嬰兒
吳鎮宇和囝囝探訪當地患有眼疾的的初生嬰兒
圖片來源:奧比斯

延伸閱讀:

【復活節活動2019】天水圍酒店抵玩2日1夜 3大戶外放電Games+小童免費自助餐

更多新聞