黃心穎累無綫損失逾千萬!《法證先鋒IV》下月重拍 《懿想得到》行程慳住使
2019年05月02日19:07

「安心偷食」醜聞爆出至今已半個月,但餘波未了!黃心穎之前拍好而未播出的劇集,就要抽起唔播變成倉底貨又或是重拍,可謂「累街坊」。早前更有網民於fb發起簽名行動繼續追擊心穎。

撰文:東方新地 圖片:新傳媒圖片、Instagram

延伸閱讀:

黃日華事業高峰選擇淡出原因 原來同女兒有關?!

3位港姐與富豪相戀命運大不同 真愛邊有咁容易!

黃心穎累無綫損失逾千萬

黃心穎被爆偷食人夫許志安,全城插爆佢係小三、姣精,有網民表示心穎影響香港小姐嘅形象,希望無綫褫奪其港姐后冠!不過無綫高層樂易玲說因黃心穎形象插水,其工作及劇集一律要抽起:「商演、出埠登台工作都換了其他藝人取代,幸好客戶很好沒要求賠償。」講到會否解約,樂易玲話公司暫時未有此考慮,但直言黃心穎短時間內唔會復工。

姣Wing 避走美國

安心偷食醜聞後,潛水多日嘅心穎為了掩人耳目,避開傳媒追訪,特地由香港去澳門先飛去菲律賓,再轉機往美國。有指於美國紐約出生,在加拿大大學畢業並在當地擁有物業的心穎,計劃在當地讀短期演藝及導演課程,而公司忙於為她收拾爛攤子⋯⋯

黃心穎
黃心穎
雖然馬國明、黃心穎未有透露目前關係,但隨住心穎飛去美國避世,佢同馬明嘅一段情睇怕凍過水!

《法證先鋒IV》下月重拍

近年升呢做女一嘅黃心穎,之前拍咗4套新劇未出街,包括《堅離地愛堅離地》、《丫鬟大聯盟》、《牛下女高音》和《法證先鋒IV》,原本《堅離地愛堅離地》接棒《鐵探》播出,但目前已被抽起改播《婚姻合伙人》,而TVB年度重頭劇《法證先鋒IV》因為一早跟內地簽合約,於11月中港兩地同步播出,為免影響播放計劃,據悉TVB決定重拍,由於黃心穎在劇中飾演一名記者妹屬第三女主角,與黃浩然以及鄭希怡有三角感情戲份,故戲份唔少,當中包括7日台灣外景,預計損失超過1千萬。

黃心穎
黃心穎
有指黃浩然得悉因黃心穎偷食而要《法證先鋒IV》重拍後,嬲到爆粗!
黃心穎
黃心穎
黃心穎偷食影響甚廣,劇中同佢有對手戲嘅演員都要重拍,真係累街坊!

李施嬅捱義氣「回巢」重拍

劇組已就重拍一事通知了受影響的同劇演員,包括黃浩然、李施嬅、黎燕珊及譚俊彥等,其中早前宣佈離巢的李施嬅也答應回巢幫手重拍劇集,而劇組正物色女演員頂替心穎嘅角色!

黎燕珊補拍喊戲

黃心穎偷食,連累同劇演員的心血白費,當中同佢有對手戲嘅黎燕珊也表示收到通知要重拍,而她與心穎對手場數不自算太多,但都是有很多喊戲,她慶幸重拍未有打亂原本工作計劃。

「安心偷食」爆出的前一星期,黃心穎身在馬來西亞為好友黎諾懿做《懿想得到》嘉寶,而由於節目有有大馬當地的旅遊發展局及不少贊助商參與,有贊助商擔心她品牌形象,所以無綫要自資抽起心穎部分重拍,為減低公司損失,所有行程要慳得就慳及要縮短行程。

黃心穎
黃心穎
黃心穎出事前赴大馬為黎諾懿節目進行拍攝。

至於頂替人選方面,黎諾懿找來好兄弟楊明幫忙,所以二人將再赴大馬重拍節目!

04年楊明和黎諾懿在劇集《十兄弟》中飾演「千里眼」和「高腳七」而成好友,及後06年黎諾懿拍《溏心風暴》期間遇上事業低潮期,一度要靠食麵包當三餐、租住紅磡劏房,幸得好兄弟鄭伊健及楊明幫忙度過難關咋!

延伸閱讀:

8個月爺孫戀玩完!何艷娟同澳博高層老公離婚

更多新聞