【鐵探】「營長」吳廷燁棄豪宅搬回公屋 全力照顧年邁母
2019年05月03日16:08

近日無綫熱播劇集《鐵探》,除咗有 金像影后惠英紅神級演技搶fo,36年後 再回歸TVB演犯罪集團主腦「營長」的吳廷燁,同樣引起網民熱話,甫出場已經 殺氣逼人震懾人心,但現實生活的他卻是個暖男兼孝順仔,更令人意想不到的是,58歲吳廷燁甘為照顧93歲年邁母親, 放棄拍拖約女,由住開的半山豪宅搬返黃大仙狹窄公屋,還拒請工人,堅持一 日三餐以至家務日常都一腳踢,事事親力親為唔怕困身,就連同老死梁朝偉約會都冇時間,全力侍母大過天,其他人惟有靠邊站!

撰文:東方新地 圖片:新傳媒圖片、Instagram、微博

延伸閱讀:

林敬剛感激太太相伴追夢14年 入行25年棄鐵飯碗做茄哩啡

TVB人工低兼職做保鑣!李嘉為崔始源護駕10分鐘袋$x,xxx

吳廷燁 放棄單身自由

同梁朝偉是同屆無綫藝訓班畢業兼係老死的吳廷燁,去年被本刊踢爆 棄住半山豪宅,搬返黃大仙鳳德邨公屋居住,原來大屋搬細屋全為照顧93 歲高齡阿媽,由於吳母年事已高兼有白內障,日常起居需人照顧,乖仔吳 廷燁決定放棄單身自由,回家擔起重責。據知情者透露:「唔撈亞視之 後,壽仔(吳廷燁)有段時間去咗內地發展,工作可以話長做長有,都少咗 返嚟香港,不過,之前佢媽咪心臟出問題住咗一排醫院,壽仔即刻停晒內 地工作撲返香港,阿媽出院之後,為咗照顧老人家,佢仲放棄住開嘅半山 豪宅,搬返去黃大仙公屋陪阿媽住,本來有諗過接阿媽搬去自己屋企 住,不過老人家住咗嗰度幾十年,所有街坊同鄰居都熟晒,佢怕阿媽適應 唔到新環境,最後都打消念頭,寧願遷就老人家,自己搬返公屋。」

吳廷燁
吳廷燁
參演《鐵探》好評如潮,日前吳廷燁就一身白馬王子 look, 為劇集宣傳。
吳廷燁
吳廷燁
出席完《鐵探》宣傳活動,吳廷燁匆忙趕返黃大仙公屋寓所陪母親。

拒請工人照料起居

以往絕少入廚的他,要照顧高齡阿媽一日三餐食得健康一點不容 易,雖然有朋友建議他大可送阿媽去老人院或請工人照顧,但他終究唔放 心,再辛苦都堅持自己親力親為。據知情者透露:「佢阿哥同家姐都結咗婚 有自己家庭,壽仔單身寡佬,同阿媽住可以方便照應,始終人大咗好珍惜 同家人相處嘅時間,佢話以前細個唔識諗,成日都掛住玩忽略咗阿媽,反 而阿媽對佢呢個孻仔就錫到燶,成日都好緊張佢喺外邊夠唔夠湯水飲,會 叫佢返屋企食飯,乜都就晒佢,依家諗番都好內疚,所以佢好想趁自己仲 有能力,辛苦啲都要照顧番老人家,佢仲拒請工人,一來怕阿媽未必同外 人相處到,又怕工人唔夠細心,依家佢一得閒就會陪媽咪落街散步,去行 超市當運動,家陣佢連買餸都好熟行,一日三餐絕對難唔到佢,仲成日會 諗啲啱老人家食嘅食譜,真係好孝順!」

吳廷燁
吳廷燁
事業高低無阻友情,吳廷燁同梁朝偉私交 甚篤,有指偉仔曾引薦好友拍電影。

82年加入第十一期無綫藝員訓練班認識,吳廷燁跟梁朝偉相交 三十多年感情深厚,不時會相約飯敍及行街,早年就被拍到結 伴逛金鐘太古廣場。

冇時間約女

照顧阿媽大過天, 快奔六的吳廷燁即使仍單身寡佬一樣唔心急拍 拖。據知情者透露:「佢成日都話拍拖嘅嘢一切隨緣,但其實約女仔都要時 間,依家每日佢都要照顧好阿媽三餐行先,非必要佢都唔會出街,有嘢做 就要搵家姐幫忙,有時佢出街耐啲都唔放心,要拜託鄰居幫吓眼,咁嘅情況,佢又點會花時間去約女仔呀!」就連跟他傳過緋 聞,至今仍以好朋友相稱的張文慈,亦坦言試過約他被 拒:「有時打畀佢,佢話啱啱煮緊飯唔得閒,都唔肯出 嚟,我知佢好緊張照顧佢媽咪!」

吳廷燁
吳廷燁
搬返公屋住的吳廷燁,生活亦變得樸素,未有再揸車的 他,當日由TVB租用的七人車接載,工作亦沒有助手跟 身,做完嘢自己攞住替換的服裝返屋企。

偉仔請唔郁

緋聞女友請唔郁,就連老死梁朝偉一樣冇面畀。吳 廷燁跟偉仔同是無綫第十一期藝訓班學員,兩人相交 三十多年感情深厚,有指當年事業遇上樽頸位,梁朝偉 更落力引薦好友拍電影,令吳廷燁有唔少演出大片機會,患難兄弟情義盡在不言中。據知 情者透露:「壽仔同偉仔喺訓練班時已經好啱傾,經常約埋出去玩,雖然之後佢兩個共事嘅 機會唔多,但就感情深厚,成日會約出嚟飲紅酒傾心事,就算偉仔事業爆紅仲結埋婚,關 係都冇變過,不過自從壽仔要照顧媽咪,都冇乜時間約老死出嚟玩,上年偉仔約滿王家 衛,大部分時間去旅行享受生活,都試過想約埋死黨一齊出埠玩,但壽仔為咗照顧阿 媽,連偉仔都拒絕!」

吳廷燁
吳廷燁
為照顧阿媽,吳廷燁由昔日租住的半山豪宅,搬返黃大仙鳳德邨公屋,而每次出入他都刻意行後門兼戴口 罩,唔想畀街坊認到。

吳廷燁
吳廷燁

吳廷燁有感請工人唔及自己細心,寧願煮飯家務 一腳踢,買餸亦專揀啱老人家胃口及易咀嚼如豆 腐的食物,堪稱廿四孝好仔!

近日熱播的《鐵探》,原來吳廷燁亦一度怕分心想過唔接。據知情者透露:「依家太困身嘅 工作佢都唔會接,返內地工作更加唔使諗,最 初佢都冇諗過拍《鐵探》,驚拍劇會疏忽咗媽 咪,後尾因為編劇好有誠意不停約佢出嚟傾,睇咗劇本佢又好鍾意,最後先接!」 百善孝為先,今時今日肯將阿媽當女朋友咁 服侍周到,唔係極品都好難做得到!

吳廷燁
吳廷燁
寧願唔請工人,照顧阿媽親力親為的吳廷燁,另一日就一個 人去街市買餸及添置日用品,孭住大個背囊又揪住一大袋嘢 返上樓。
吳廷燁
吳廷燁
出身自無綫第十一期藝員訓練班的吳廷燁,離巢36年才回歸TVB拍劇,近日與同是亞視出身的黑仔(姜皓文)合拍新劇《鐵探》,演幕後大佬「營長」的他,一出場已非常搶鏡。

人緣廣

性格溫和的吳廷燁,圈中人緣甚廣,之前出席張家輝生日會,同大班圈中好友曾志偉、張學友、沈嘉偉及邱淑貞等為壽星公慶祝,表現興奮。

推內地工作

吳廷燁
吳廷燁
一度轉攻內地發展的吳廷燁,經常孖住鄭浩南、吳毅將及張耀揚等返內地工作,不過,近年全力侍母的他,亦將工作基地移返香港,更選擇性工作留更多時間照顧阿媽。

拒絕偉仔

上年約滿王家衛後,至今仍是自由身的梁朝偉享受半退休生活,不時出埠歎世界,更曾相約好友吳廷燁去旅行,不過老死要照顧媽咪冇時間同 行,偉仔就不時被網友捕獲,早前又同老婆去日本觀賞櫻花。

否認係拖友

同張文慈因拍亞視劇集《我和殭屍有個約會》傳緋聞,兩人不時出雙 入對,關係撲朔迷離,不過二人就堅稱只限熒幕情侶及好朋友關 係,未能邁進一步成為真實情侶。

吳廷燁
吳廷燁
雖然唔係拖友,不過吳廷燁就承認跟張文慈,是圈中少有經常聯絡的好朋友,今年四月,兩人又約埋張慧儀一齊飯敍。

偉仔引薦

即使唔係主角,但吳廷燁演出有火,在電影《無間道》飾演張Sir令人印象深刻。

吳廷燁
吳廷燁
有指偉仔引薦吳廷燁加入影圈,好戲之人的他,有 份演出唔少大片。

拍邵氏網劇

食住電影《無間道》角色,16年吳廷燁為邵氏拍攝網 劇《無間道》,演出已備受關注。

延伸閱讀:

回顧52歲周海媚初出道罕見相 不老女神名不虛傳!

更多新聞