罕見病大女玩轉遊樂場 鍾麗淇夫婦貼心護女
2019年05月05日16:25

42歲鍾麗淇06年開始 淡出幕前轉職教瑜伽,10年結婚、 生女成為人母。大女Isabella六個月大不幸確診患上罕見基因病「四號染色體缺損綜合 症」(Wolf-Hirschhorn Syndrome),雖然擔憂過、崩潰過,最終都係為個女站起來,悉心照顧 養育囡囡、成立「BEYOND兒童特殊需要基金」 幫助特殊病童和家庭,還在15年再添多個囡囡 Michela。大女Isabella要讀特殊學校、為抗腦瘤長期食藥、手腳無力說話能力亦有限,不過呢個媽媽堅持要讓女兒可以玩樂、交友享受正常童年,亦都講到做到,日前一家人出發去西貢飲茶 外遊,讓Isabella在兒童遊樂場玩個不亦樂乎!

撰文:東方新地 圖片:新傳媒圖片、Instagram

延伸閱讀:

【鐵探】「營長」吳廷燁棄豪宅搬回公屋 全力照顧年邁母

陳琪離巢後成功轉型做KOL 月賺6位數撼贏葉翠翠!

鍾麗淇夫婦貼心護女

家有特殊兒童,鍾麗淇要顧及的當然比別的媽媽更加多。除了每天送Isabella返學放 學、中午還要親自趕到學校餵藥餵飯,同時教導三歲的細女Michela了解家姐病情、應 對外人眼光,還不辭辛苦做多一點,就是希望讓大女可以像別的孩子一樣融入群體生 活:「我會多啲帶佢出去,同我啲契女、朋友嘅小朋友一齊游水、參加生日派對,其他 小朋友可以走來走去,我咪拖住佢行囉,一方面Isabella可以同人互動,而其他家長同 小朋友都能明白到,有需要嘅小朋友,都係一個鍾意玩嘅小朋友。」

鍾麗淇
鍾麗淇
現場所見,Isabella現時行路已很穩,但不能太快及需要拖實。鍾麗淇夫婦絕無偏心,對兩個女兒一樣呵護備至。

好爸爸夠細心

鍾麗淇
鍾麗淇
盡興玩夠,Nardone負責抱起Isabella,而鍾麗淇則一臉關愛詢問家姐身體狀況。

萬千寵愛盡興放電

鍾麗淇絕對唔係講一套做一套,在個人社交網經常見到她帶著兩個女兒出外遊玩 參加派對,日前又趁著復活節假期,一家四口帶埋嫲嫲約埋友人驅車前往西頁享受家 庭日。一行九人拉大隊在西貢市內中式茶樓食過午飯,就移師到一街之隔的兒童遊樂 場讓小朋友盡情放電。三歲細女Michela活潑好動,有友人子女陪玩,Isabella則全程有 爸爸Nardone跟到實。無得預期、患病機會僅得五萬分之一、香港病例只得三宗,事 實上醫生預期患有「四號染色體缺損綜合症」病童最多活不過兩歲,Isabella在積極有 愛的父母悉心照料下已經八歲大,去年開始學行路、更試過被媽媽帶著去騎術學校學 騎馬,情況遠遠超出預期。呢日身在遊樂場孩子堆中一次又一次玩滑梯,爸爸、妹 妹圍著團團轉,嫲嫲、媽媽則關愛望實笑得安慰,Isabella盡興之餘亦看得出幸福得 盡寵愛!

8歲大女 Isabella 3歲細女 Michela

日前復活節假期,鍾麗淇一家四口 與友人出遊,在西貢飲 完茶醫肚再移師去遊樂場 玩樂。有老公Nardone貼 身照料女兒,鍾麗淇可以放心與友人去買西 貢名物菠蘿包。

一行人食飽玩夠離開遊樂場,繼續由爸爸抱實 Isabella,Michela則蹦蹦跳跳一手捉住媽媽、一手捉住工人姐姐。

行至座駕前,鍾麗淇第一件事當然係安頓好 家姐,先交由工人姐姐看住Michela。

悉心照料好Isabella身體狀況,鍾麗淇亦同時希望讓大女都可以盡情玩樂享受童年,復活節外出前,亦帶埋兩個女參加畫蛋派對。

姊妹情深

細女Michela慢慢長大,鍾麗淇亦開始教妹妹家姐罕見病的名稱、病徵和需要,乖巧的Michela人仔細細,已經識得愛護和照顧家姐。

關懷罕見病

Isabella確診初期,鍾麗淇承認自己備受煎熬情緒崩 潰,一度收埋自己停工又不願見朋友,不過半年後迅 速為了女兒站起來,還因此成立「BEYOND兒童特殊 需要基金」幫助病童和家庭。

自己經歷過所以感受特別深,鍾麗淇亦話 過病童家庭需要放開接受關懷和幫助。

除了為名下基金籌款外,鍾麗淇亦積極參與同類活動 和出席講座,增加市民對罕見病認識,亦都希望大家 對病者減少奇異眼光。

延伸閱讀:

艾威人生低潮花盡積蓄為妻治病 經濟困難仍堅持助養28位兒童!

視頻精選
更多新聞