《全民造星II》網民鬧爆節目組精神虐待參賽者 花姐:你要嬲我冇辦法!
2019年05月06日16:27

上年,ViuTV舉辦嘅選秀節目《全民造星》大受歡迎,捧紅一班「造星囝囝」,今年當然食住個勢添食舉辦《全民造星II》。雖然節目尚於面試階段,但日前就有網民喺網上討論區指自己有朋友參加完《全II》嘅面試後鬧爆製作組!究竟咩事?

撰文:東方新地|圖片:網上圖片、影片截圖

延伸閱讀:

【鐵探】劇透慎入!蔡思貝做餌引兇手現身 王君馨險遭xx辣手摧花

鄧佩儀主動約會送禮物搞曖昧 被指進擊人夫周柏豪

網民鬧爆節目組精神虐待參賽者

話說,日前有網民喺網上討論區貼出朋友參加完《全民造星II》面試後嘅批評,大概有兩大重點,第一係指等候面試時間過長,足足等咗6個幾鐘先有得面試,導致其表現失準;第二係指節目監製兼評審之一嘅花姐(黃慧君)不停揶揄及以批評評語打擊面試者自信!

全民造星
全民造星
網上圖片
全民造星
全民造星
節目監製兼評審之一嘅花姐

然而,當時人嘅花姐接受傳媒訪問時亦承認今年較去年用更多時間去面試參賽者,原因係節目組除拍攝參賽者casting外,亦需要花時間了解面試者嘅性格,但因今年參賽者全部都好文靜,所以用多咗時間。加上今年多咗人參加,故當日已通知參賽者提出改第二日面試,有部分改咗面試日亦有部分堅持於當日進行面試,花組表示當日最夜係cast到凌晨3點幾4點!

另外,對於評判對參賽選手評價嚴苛方面,花姐承認自己說話風格比較「倔」,但強調唔係冇禮貌,而且表示如果該位參賽者有睇之前《全》嘅話,就會知花姐嘅風格係咁樣,並指自己冇諗住傷害任何人,「但我都同啲參賽者講『我哋係咁直接,如果你接受唔到,就唔好參加呢個比賽』。」,所以唔係為節目效果喎!

至於有網民喺網上話花姐不是,花姐反指自己係想點醒班年青人,雖然可能自己用咗一個好重嘅語氣同參加者講,但係心裏面係想教佢哋,「其實你咁樣做,永遠都唔會成功,你要嬲我冇辦法,我只可以道歉,但係我最終個節目係想為一班人好」。

另外,對於網民鬧節目組只重參賽者外表,花姐坦言自己好著重第一眼嘅觀感好唔好,但強調唔係最重要,因為仲會根據參選者唱歌﹑跳舞及性格去衡量選唔選對方入圍。

延伸閱讀:

【安心偷食】吳岱融望《牛下女高音》重見天日 大爆King Sir唔舒服頂硬上拍劇

更多新聞