【鐵探】蔡思貝洗走高八度聲線演技獲讚 網民:耳仔唔使再受罪!
2019年05月07日13:22

無綫重頭劇《鐵探》就嚟大結局,飾演Madam Man嘅惠英紅早前演繹喪子之痛一幕大獲好評,而飾演臥底蔡思貝得悉愛人死去後,喺海邊痛哭一場戲都獲網民讚演技有明顯嘅進步,而且一洗以往刺耳尖叫式嘅聲線,網民都說耳仔終於唔使再受罪!

撰文:東方新地|圖片:電視截圖、新傳媒圖片

延伸閱讀:

【3日2夜.多圖】張曦雯玩賽車緊身白Tee超激盪 巴打:唔使著泳衣都超班!

《全民造星II》網民鬧爆節目組精神虐待參賽者 花姐:你要嬲我冇辦法!

蔡思貝演技獲讚賞

現年28歲嘅蔡思貝因2013年參選香港小姐獲亞軍而入行,未卸任已演出機會不斷,雖然劇接劇,但外界批評佢冇演技而且聲線浮誇又刺耳,加上喺電視台姣名遠播,令唔少人對佢冇咩好感!之不過呢啲都係以前嘅事,佢近年成功洗底,喺TVB新劇《鐵探》中中飾演臥底招喜悅嘅蔡思貝獲網民讚佢畀以前省鏡得多,仲話佢演技比以前進步!

第二集蔡思貝因為吸入過量毒品而身體抽搐,演出相當迫真,更獲唔少觀眾讚賞其演技!

第一集出場時為配合做古惑妹,著上小背心加超短熱褲嘅造型大獲觀眾好評!
以身試毒呢幕,蔡思貝演到額上青筋都凸起晒!

蔡思貝為咗愛人邱勵傑(楊明飾)而加入警隊,點知Matt Sir(楊明飾)遭槍殺,她在垶Sir(袁偉豪飾)和快活谷(梁競徽飾)的陪伴下去碼頭海邊悼念對方,阿招:「到我同佢講我鍾意佢,佢唔理我,再到今日,佢終於捉住我隻手⋯捉住我隻手⋯同我講,佢話佢唔需要其他人,淨係需要我⋯」見佢由起初啜泣到愈講愈激動,喊到成面眼淚鼻涕,睇見都心痛!唔少網民讚佢演技有進步,仲冇咗以前嘅刺耳聲線!

蔡思貝係2013年的港姐亞軍,當選三個月後,就被監製張乾文賞識,出演由萬綺雯、李思捷、梁烈唯聯合主演的時裝愛情喜劇《八卦神探》。

2015年蔡思貝成功升呢做劇集《衝線》的女主角,但係因外形與網絡紅人達哥相似而不受討好,加上觀眾批評她在《衝線》中動作浮誇唔入戲,加上聲線超刺耳,更因而封做「高分貝」。

睇番佢喺《鐵馬戰車》演出,呢幕喊戲得把喊聲冇眼淚,網民話睇到好尷尬咁話!

不過正能量爆燈的蔡思貝未受負面報導影響,卻更識把握機會,最爆的是於《踩過界》中以哨牙造型做麻甩女,毫不介意形象或外表降呢,而且劇中表現亦令人刮目相看!

癲姐一角極之深入民心!

蔡思貝擺脫衝動性格

話說,蔡思貝對上套有份演出嘅劇集《大帥哥》擔演女主角,當時網民就擔心一向冇咩觀眾緣嘅蔡思貝會拖挎劇集收視。

蔡思貝於《大帥哥》中飾演章沅婉,起初係一名革命黨派去暗殺蒙大帥(蔡國慶飾)嘅臥底。

幸然,最後唔少網友指蔡思貝喺《大帥哥》中,明顯喺講對白嘅語氣、聲線和速度下咗一番苦功,實實在在咗演活沉實、穩重又溫婉嘅沅婉。因此,即使與張衛健有對多場對手戲亦未至顯弱。蔡思貝在《大帥哥》的演出,確實比以前進步不少,同時不少網民讚佢愈大愈靚女!

延伸閱讀:

《倚天屠龍記》6位演員舊照曝光 網民:反差太大好崩潰…

更多新聞