【婚姻合伙人】張嘉兒晒餵母乳相:好順利好開心
2019年05月16日21:00

新劇《婚姻合伙人》播出後,其貼地題材隨即吸引唔少人注意,劇中飾演楊明舅姨嘅張嘉兒,其演技大有進步,獲不少網民讚賞!現年35歲嘅香港小姐冠軍張嘉兒,剛剛喺一星期前誕下細女Hannah,當時生產過程相當驚險,好彩最終都平安出世。早前,佢就上載咗張餵哺母乳嘅相,但就惹來走光疑雲。

撰文:Kammy|圖片來源:新傳媒圖片、張嘉兒Instagram張嘉兒Facebook

延伸閱讀:

非常老師亞伯林 成YouTuber搞笑改歌教科學

【親子餐廳】觀塘全新韓燒親子餐廳 親子韓服體驗+超好玩遊戲區

張嘉兒演技大躍進

現年35歲嘅張嘉兒,於2007年勇奪香港小姐冠軍。雖然當年爆冷奪冠,但就因為其包包臉而屢受外界抨擊,更被外界封為「闊面港姐」,但同年佢參選「第57屆世界小姐」,順利晉身十六強,亦成為香港代表喺世姐競選中近廿年來最好成績嘅一位,對上獲名次嘅香港代表為1987年嘅楊寶玲。

張嘉兒
張嘉兒
現年35歲嘅張嘉兒,於2007年勇奪香港小姐冠軍

張嘉兒至今入行12年,雖然發展麻麻,拍劇又冇代表作,但喺近日播出嘅《婚姻合伙人》,其演技就令人眼前一亮。張嘉兒喺戲中飾演李智琪,同楊明及古明華嘅互動每次都為觀眾帶嚟驚喜,一時溫柔一時惡到死,演得相當自然。

張嘉兒
張嘉兒
近日播出嘅《婚姻合伙人》,張嘉兒嘅演技就令人眼前一亮
張嘉兒
張嘉兒
演得相當自然

張嘉兒晒餵母乳相:好順利好開心

張嘉兒喺2015年下嫁金融才俊男友,2016年誕下長女Leora,剛剛上星期(5月7日)再誕下細女Hannah,真係三年抱兩呀!早前,張嘉兒就上載咗餵哺母乳嘅相,雖然唔少網民都擔心佢走光,但嘉兒就大派定心丸,表示已經Check咗好多次,唔會走光,佢仲話今次上奶快過上次好多添!

張嘉兒
張嘉兒
張嘉兒一家四口

張嘉兒留言表示:「第二次做媽咪果然每樣野都容易得多。好快已經上咗奶然後BB已經曾磅。佢瞓又瞓得越嚟越好,食又食得越來越多,好順利好開心呀。最難得嘅就係大女同埋二女佢哋相處得越嚟越融洽,我都慢慢掌握左佢哋兩個嘅時間表。今晚9:30pm呢個時候佢哋已經瞓緊覺,我就睇婚姻合夥人。大家可以留意下,有我份㗎。拍嘅時候我記得啱啱生完大女四個月,成日要係公司pump奶。估唔到而家播出嚟嘅時候,我又係屋企餵完奶。」

張嘉兒
張嘉兒
唔少網民都擔心佢走光,但嘉兒就大派定心丸,表示已經Check咗好多次,唔會走光

《婚姻合伙人》其實係張嘉兒生第一胎後嘅復出作,拍攝時嘉兒只係生完四個月,仲曾喺社交平台上話好掛住囡囡。如今劇集播映,嘉兒亦已經生咗第二胎,時間真係過得好快呀!

張嘉兒
張嘉兒
《婚姻合伙人》其實係張嘉兒生第一胎後嘅復出作,拍攝時嘉兒只係生完四個月,仲曾喺社交平台上話好掛住囡囡。
張嘉兒
張嘉兒
如今劇集播映,嘉兒亦已經生咗第二胎,時間真係過得好快呀

張嘉兒驚險誕第二胎

張嘉兒佗第二胎時,BB已經過咗40週但都仲未生得:「醫生話BB睇落仲未想出嚟,好似好舒服咁,子宮收縮亦都未夠頻密,可以繼續返屋企休息。雖然過咗40週(周),但係醫生話未需要催生,因為胎水仲夠,各樣嘢都好健康。咁我繼續等下(吓)啦,睇埋尋日嗰集權力遊戲先!」

張嘉兒
張嘉兒

點知過咗幾日,BB就出世喇,仲宣佈係女嚟,叫做Hannah!張嘉兒仲喺網上分享幾張BB相,見到張嘉兒攬住B女甜笑,而Hannah仲好可愛添,場面溫馨!

張嘉兒
張嘉兒
張嘉兒就宣佈BB出世喇
張嘉兒
張嘉兒
細女叫做Hannah

不過,張嘉兒就大爆生產過程十分驚險,事關原來BB女被臍帶纏住,仲要纏3個圈添!但好彩醫生都解決咗個問題,最終BB都平安出世,重3.25kg,母女平安。

張嘉兒
張嘉兒
張嘉兒攬住B女甜笑,而Hannah仲好可愛添,場面溫馨!

張嘉兒發文如下:

大家好,同大家介紹我個細女,Hannah Lau. 佢早兩日終於出世啦 。今次好開心都係順產。生第二胎真係快過第一胎好多。入醫院開咗三度然後三個鐘頭後就生得啦。不過唔知點解今次真係痛好多,可能因為醫生話原來個臍帶圍住左係BB女個頸到三個圈,好似帶咗三條頸巾咁。聽落真係有驚無險,好彩我個醫生超級專業,好快就解決咗個問題,完全冇令到我有恐慌嘅感覺。

張嘉兒
張嘉兒

多謝仁安醫院嘅護士同埋醫生悉心嘅照顧!我康復得好快BB亦都好健康。

當然亦都要多謝我老公同埋我家姐一路陪伴着我,係我住院期間照顧我個大女。

張嘉兒
張嘉兒

張嘉兒
張嘉兒

張嘉兒
張嘉兒

張嘉兒
張嘉兒

延伸閱讀:

【濕疹BB啱飲】自家製袪濕定驚茶

更多新聞