姚子羚驚訝被影床照 否認搶好姊妹老公
2019年05月19日23:11

姚子羚自去年三月與坐擁逾億身家的鄭子邦(的士邦)分手後,一直都甚少緋聞,可是在今天(19日)卻被媒體爆料指,與夜店Dragon-i董事之一、好姊妹Sarika老公Raymond Young秘戀8個月,去年十月更同遊泰國,消息指兩人已秘密拍拖一段時間,當中更疑涉及四角關係。不過姚子羚今晚現身否認做小三搶好姊妹老公,更表示驚訝被影床照!

撰文:東方新地、新假期|圖片來源:新傳媒圖片、姚子羚igSarika ig

延伸閱讀:

余思霆嗒歪星朱敏瀚管接送 偷食變正印兼同居!

回顧歷年9位演周芷若女演員 最能演繹由正入邪嘅一位係…

姚子羚戀上好姐妹Sarika老公甘做小三?

繼「安心偷食」事件後,大台又有姐仔出事!今日有報道指姚子羚疑戀上朋友嘅老公Raymond Young,二人秘撻8個月,並甘願做其小三,當中更可能涉及四角關係!

據悉Raymond Young 太太是中印混血模特兒索模蔡宛珊(Sarika),但同時Raymond被指有一名二奶,姚子羚疑是第四者!

姚子羚
姚子羚
索模正印蔡宛珊(Sarika)
姚子羚
姚子羚
Raymond(右)其實是有婦之夫,與Sarika已婚8年

姚子羚否認做小三

姚子羚今晚返將軍澳TVB電視城拍攝劇集《唐人街》,期間接受傳媒訪問及回應疑搶人夫一事,她說:「我想講,我同Raymond一齊時,佢同Sarika(蔡宛珊)已經分開咗。現時為止分開兩年,我同Sarika都認識,Sarika都知我哋拍拖。(記:有冇介入別人婚姻?)我同佢相識時,佢哋已經分開。」佢指依家同Raymond分咗手變朋友關係,但就冇透露拍咗幾耐拖,同埋幾時分開,而她不評論是否遇人不熟。

唔知被影床照

問到點解會有床照相片流出,有冇懷疑任何人?姚子羚表示:「有,但唔想深究,好驚訝兩個人照片外間流出,好驚訝一件事,但冇去諗點解。」問到相片幾多人擁有?她說:「唔應該問我,合照我有,床照係我唔知,好過份行為,我會同公司商量點處理。」問到擔唔擔心有更激嘅相或短片流出?她說:「呢個我唔知,最緊要想澄清番,我同佢相識時,佢同Sarika已分開。(工作有冇受到影響?)冇收到任何通知,目前一刻專心工作,其他嘢唔重要,一切放底,我對感情好認真女仔。」有否跟Raymond聯絡?她坦言:「就呢件事有。(對方有冇同你道歉?)你要問番當事人。」記者問到公司有冇搵佢照肺?子羚說:「要回應已經回應晒。」之後急急離開入廠拍劇。

Sarika視姚子羚為普通朋友

Raymond的正印太太蔡宛珊(Sarika)傳媒訪問,透露與前夫Raymond拍拖4年,結婚至分居6年,一齊都10年,但由於二人價值觀唔同所以選擇離婚,二人於2017年1月開始分居,今年1月正式離婚,Sarika表示認識姚子羚但二人不是深交。雖然兩人已離婚,但由於有一層樓及有養貓,唔係話分就分,期間一直有聯絡,有指Raymond於分居期間一直想復合,令子羚一度感不快,一度說:「唔簽字不如同番你老婆一齊!」

View this post on Instagram

A post shared by Sarika Choy 蔡宛珊 Miss S 🤓 (@sarikachoy) on May 13, 2019 at 6:40am PDT

Sarika入行18年曾為黎明伴舞

現年34歲的Sarika是中印混血兒,貌似周杰倫太太昆凌,原來她已入行18年,由2001年開始做兼職模特兒,曾跟周星馳拍啤酒廣告,亦曾扮兔女郎為黎明伴舞,和在許志安MV演出,Sarika又主持Now TV《電視節目有好多種》、BBC World《The Real Hong Kong》等節目。Sarika一直有進修,曾報讀公開大學語言研究學士(英文)、學位教師文憑(小學)及菲臘牙科醫院手術助理。

View this post on Instagram

Be obsessed with improvement. Upgraded yourself, your mind and your soul…❣️

A post shared by Sarika Choy 蔡宛珊 Miss S 🤓 (@sarikachoy) on Dec 6, 2018 at 4:20am PST

現為林盛斌旗下藝人

Sarika現在是林盛斌(Bob)旗下藝人。對於Sarika前夫同姚子羚流出床照及發生四角戀關係,老闆Bob就表示2015年簽約Sarika後,她的工作表現認真,最近亦有做ViuTV主持,佢又話成件事Sarika同佢都唔知發生咩事,望大家手下留情!

姚子羚
姚子羚

姚子羚
姚子羚
難道今期流行,「朋友夫咪走雞」?

網友鬧爆姚子羚係「黃心穎 2.0」

大台藝人黃心穎被爆偷食人夫許志安後,全城插爆,今日同是大台藝人的姚子羚又爆出疑偷食人夫捲入四角戀,更指佢係「三奶」!大批網民湧入姚子羚社交網留言鬧佢係「黃心穎 2.0」、「三奶」等,令姚子羚關閉留言功能避火頭!

延伸閱讀:

流出情慾短訊仲自拍下體?許紹雄稱被整蠱:係網絡強姦

更多新聞