【降魔的2.0】拍劇高處墮下跌傷頭 胡鴻鈞自爆曾「斷片」:唔記得咁多嘢
2019年05月27日17:54

現年29歲的胡鴻鈞(Hubert)正為無綫劇集《降魔的2.0》埋尾,但一星期前他拍攝一場吊威也戲時,不慎由高處墮下撞傷頭部,劇組立即送他入院接受治療,有指無綫方面將他受傷消息保密,直至有人在醫院影到胡鴻鈞坐輪椅被送往照腦掃描,消息才曝光。留醫多日後,胡鴻鈞今日出院,他接受傳媒簡單訪問,表示跌傷頭後曾「斷片」,至少需要休息數個月才完全康復!

撰文:東方新地 圖片:IG、TVB 娛樂新聞台 FB

胡鴻鈞 拍《降魔的2.0》跌傷頭

胡鴻鈞在一周前為無綫拍新劇《降魔的2.0》吊威吔期間,由高處墮下後腦落地受傷入院,有報道指無綫封鎖消息,要劇組全部封嘴,直至日前有人影到被醫護人員推住坐輪椅去照腦掃描,事件才曝光!胡鴻鈞日前也在IG上載在醫院病牀的照片報平安,他說拍劇時發生了意外,感恩這星期康復進度良好,現階段先繼續好好休息,希望盡快回工作崗位,為受到影響的所有工作單位說聲不好意思。

胡鴻鈞出院自爆曾「斷片」

留院十日後,Hubert今日下午約3時出院,他在經理人陪同下在醫院門外接受傳媒訪問,問到身體情況,Hubert話:「康復進度都幾好,但需要休息,醫生話完全康復的話需要幾個月時間,醫生話好睇個人狀態,不過醫生話我算後生,應該都ok!」問到意外發生的經過,記唔記得出事時撼到個頭邊度?Hubert話:「唔係好記得,都唔記得咁多嘢。(有冇撞穿頭?)冇,只係震傷咗個腦。(有冇休克?)唔記得,問番同事先知情況,已經做晒腦部檢查,因為OK晒,所以先出院。」

圖片來源:TVB娛樂新聞台截圖
圖片來源:TVB娛樂新聞台截圖

記者問個撞完有冇唔記得嘢?佢話:「多多少少都有,依家個人容易眼瞓同有啲暈,醫生話正常。」佢話醫生話如果佢肯聽話多休息就冇事冇後遺症。佢話套劇拍到近尾聲,仲有吊威吔戲未拍,佢希望休息好先再拍,仲話睇公司安排會唔會搵替身。

圖片來源:TVB娛樂新聞台截圖
圖片來源:TVB娛樂新聞台截圖

胡鴻鈞(Hubert)離開時由經理人扶住上車,而他臨上車前也轉身合十感謝!

圖片來源:TVB娛樂新聞台截圖
圖片來源:TVB娛樂新聞台截圖

TVB娛樂新聞台Facebook專頁直播出院片段:

何哲圖回應傳聞

星夢CEO何哲圖(Herman)日前現身醫院探望胡鴻鈞,問到意外發生經過,他表示胡鴻鈞拍劇撞親個頭,沒有表面傷痕,但因為仍有點攰同間中頭暈,要醫生檢查清楚才出院,佢否認傳聞所講下「封嘴令」,表示公司只係想胡鴻鈞好好休息不被打擾才保密,問到今次意外是否吊威吔墮下受傷,何哲圖表示要問劇組,至於有否影響拍攝進度,他同樣話要問劇組。講到有冇否影響拍劇以外的工作,佢就話胡鴻鈞目前主要拍劇,而套劇嘅監製都好關心佢。

吳若希爆響口

身為好友的吳若希表示胡鴻鈞受傷後第二天已去醫院探望,佢話:「始終係跌親個後尾枕,都要時間康復。我都知佢希望大家唔好太擔心佢,畀多啲時間佢休息,我就覺得唔好去打擾佢,因為呢段時間係康復好緊要嘅時間,呢段時間要畀佢抖同埋要瞓好多。我哋知道佢冇事、醒番,就冇話每日特別搵佢。」吳若希又透露下月會跟胡鴻鈞到美國開演唱會,希望對方能早日康復。

謝雪心為胡鴻鈞 暫時戒咖啡

至於喺新劇《降魔的2.0》同胡鴻鈞合演母子的謝雪心,對Hubert受傷令她擔心不已,心姐接受《東張西望》訪問時表示Hubert好乖,開工只要遇到她都會買定咖啡畀佢飲:「我3日之後有短訊畀佢,佢如常用私底下的暱稱稱呼我,所以我都放心,不過我依家唔會飲咖啡住,希望等到佢好返,之後同佢再開工一齊飲。」

謝雪心喺新劇《降魔的2.0》與馬國明和胡鴻鈞合演三母子!

日日請心姐飲啡

心姐話胡鴻鈞好乖好有心,知佢鍾意飲咖啡日日送佢一杯,而胡鴻鈞之前話好幸運一直有心姐提點同教導,能報答佢嘅方法係日日請佢飲咖啡。

《超級巨星2》出道

胡鴻鈞(Hubert)喺2010年參加無綫歌唱比賽節目《超級巨星2》奪亞軍入行,兩年後簽約簽約星煥國際出道,2015年翻唱《化蝶》及《明知故犯》人氣急升,但知名度仍未及同公司的許廷鏗、鄭俊弘,直至2017年他參演劇集《降魔的》飾演石精靈「石敢當」而大受歡迎,連帶他唱的主題曲《到此一遊》爆紅,在樂壇頒奬禮上奪得多個奬項。

擔正男一

TVB近年罕有拍愛情青春劇,去年開拍《救妻同學會》,由胡鴻鈞和劉佩玥領銜主演。其後許廷鏗離巢,而鄭俊弘被爆背未婚妻暗撻何雁詩而被封賤男,Hubert被點名力捧而成「星夢一哥」,而大台再起用佢做《救妻同學會》男主角。

而《降魔的2.0》開拍胡也有份參演喺上一輯演石精靈「石敢當」嘅胡鴻鈞,已經完成使命唔會出現,而喺續集佢會以豪仔身份出現,不過今次都係同馬國明勁多對手戲。

喺上一輯演石精靈「石敢當」嘅胡鴻鈞,已經完成使命唔會出現,而喺續集佢會以豪仔身份出現,不過今次都係同馬國明勁多對手戲。

希望佢快啲好番啦!

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

更多新聞