盤點9位娛圈長髮男星 網民:伊健都唔夠佢咁型!
2019年05月28日21:25

話說最近有網民以「好懷念男人長髮嘅髮型」為題出post指好懷念以前男人留長頭髮嘅時光,仲話唔知男人長髮嘅潮流幾時先會返嚟!的確,以前真係幾興男人長髮,而娛圈亦有唔少男星同樣以長髮造型示人之餘,仲要好型仔!

撰文:東方新地|圖片:新傳媒圖片庫、劇照、影片截圖、ig

盤點9位娛圈長髮男星

|木村拓哉

仲記得,80年到00年由於深受日本潮流文化影響下,唔少男仔都興留長頭髮!講到藝人中嘅表表者,印象最深刻嘅一定走唔甩有日本男神木村拓哉份!當年一頭長髮,加埋木村靚仔嘅外表,真係風摩萬千少女心!

長髮男星
長髮男星

長髮男星
長髮男星

雖然唔知大家鍾意木村長髮定短髮嘅樣多啲,但有樣可以肯定嘅係整個90至00年代有好多潮流都係由木村帶起,其中一個話唔定就係佢極具標誌性嘅長髮!

|F4

至於喺台灣,當然都有男藝人留有標誌性長髮,佢哋就係當年嘅F4!喺F4嘅成名曲流星雨MV當中,四子都以長髮示人,而最令人難忘嘅應該係吳建豪負離子長直髮,吳建豪亦曾自爆去整負離子嘅原因就係因為唔想特登早起set頭!

|金城武

而台灣另一位長髮男神代表一定唔少得金城武,皆因佢英俊嘅外表再加上一頭長髮,同樣於當年俘虜幾多少女心!不過最型仔都係金城武將長髮all back,即時man爆!

|鄭伊健

不過講返喺香港,同樣亦有唔少留長髮都好好睇嘅男星,其中一位就係鄭伊健!多年嚟,伊健都留有一把長髮,而曾經就有傳聞話伊健每逢剪短啲頭髮,星運就會開始唔順,所以佢唔敢再剪短!

雖然唔知係咪真,不過最緊要都係大家都覺得長髮襯伊健多啲!

|吳彥祖

除咗鄭伊健,唔少得一定係男神吳彥祖(Daniel)!有網民就將Daniel喺電影《新紮師妺》入面嘅長髮Look作為例子之一,可見長髮時期嘅佢幾令人有印象!

|張景淳

然而,除咗以上咁多位男神留長髮都咁靚仔外,網民亦都有提起依家喺TVB拍劇嘅張景淳!喺《愛回家之開心速遞》中,觀眾除咗關注佢同長腳蟹嘅感情發展外,亦都留意到佢長髮造型!

對於張景淳嘅長髮,有網民就大讚表示好耐冇見過留長髮而又好睇嘅男藝人出現。

View this post on Instagram

8months no bball la #tvb盃前訓練 #tvb盃2017 #tvb盃

A post shared by 張景淳Stanley Cheung (@cheungstanley) on Aug 2, 2017 at 7:23am PDT

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇

更多新聞