【天天向上】張栢芝被嘲係「大話精」 網民搜證質疑謊話連篇
2019年05月29日19:47

39歲張栢芝06年同謝霆鋒結婚,婚後育有兩子Lucas和Quintus,但2011年「鋒芝」宣布離婚,去年11月栢芝誕下孻仔張禮承(Marcus),Marcus目前六個月大,容貌從未曝光,栢芝也未公開兒子生父身分。早前栢芝擔任大陸綜藝節目《天天向上》做嘉賓分享飲食心得,但自言每日煮飯畀囝囝食嘅栢芝,卻答唔出囝囝喜歡嘅菜名,又話自己天生吃素不吃肉,但有網民搵翻資料就發現栢芝大話連篇,封佢係「大話精」。

撰文:東方新地 圖片 :影片截圖、微博、IG

張栢芝 講唔出兒子愛吃什麽菜

喺最新一期《天天向上》一開始係講粵菜,主持人話張栢芝住香港應該最常接觸粵菜,栢芝話佢爸爸係廚師,自小跟爸爸學懂不少菜式:「因為我自己從小到大都喜歡煮菜,我生小孩之後我兒子他們喜歡的菜都是我自己煮,大兒子就喜歡中餐,第二個就喜歡西餐。」

主持人大張偉就問佢兩個兒子分別喜歡什麼菜?張栢芝唔係知咪聽唔到,輕輕一句帶過:「對,每一天我都要做兩個不一樣的菜。」即係一中餐一西餐!咁但到底兒子食咩菜?栢芝冇講!

主持大張偉仍然不放棄繼續追問兩個兒子最喜歡食咩菜式,而栢芝就東拉西扯話:「你問那個兒子?第三個喜歡奶!」繼續遊花園!

主持窮追猛打再追問兒子喜歡吃什麼菜式,栢芝才說:「謝振軒喜歡白米飯,謝振南他就喜歡漢堡包,我自己就喜歡蔬菜。」網友質疑自認煮嘢食好叻,又日日煮一中一西菜式畀兩個仔食嘅媽媽,點解會講唔出菜名?

從來冇食過肉?

咁都未完,栢芝話:「我自己就喜歡蔬菜,因為我天生喜歡吃素,我是從來沒有吃過肉的。」在場嘅主持、嘉賓們都似乎唔相信。

阿媽打都唔吃肉

嘉賓李湘就問叉燒、乳豬嗰啲全部冇食過?栢芝點頭話:「對因為我天生就喜歡蔬菜。」仲話阿媽打佢都唔食,但海鮮佢係會食嘅!

雖然唔食,但栢芝話佢可以把有肉嘅菜式煮得好好食:「但是我可以把牛排﹑咖喱雞什麼的我都可以弄出來。」

網友搜證 栢芝曾公開大啖吃肉

有網友就找到栢芝以前亮相多個綜藝節目時,曾即場吃肉,其中一次仲食曹格整嘅鍋包肉,大讚好吃!

同塊生牛排溝通

唔止咁,栢芝曾分享過佢煮牛排嘅經驗,話煮之前按摩塊肉,又話塊肉同佢講話OK可以拎去煎,網友質疑佢講大話已經變成習慣!

網民結集浮誇語錄

網民愈揭愈多栢芝嘅驚人語錄,佢曾經話「拍戲3個月不睡覺」、「連睡16天」、「越不洗臉皮膚越好」、「越吃消夜就越瘦」等,網民都話栢芝唔止愛講大話,而且言論好浮誇!

ba哥專用微博圖片

連瞓16日

栢芝自稱試過連續瞓16日不曾醒,佢話自己唔係死而係瞓,又話家人會喺佢瞓覺期間同佢換面膜,真係匪夷所思。

ba哥專用微博圖片

連續三個月唔瞓

有片睇:

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

更多新聞