《白色強人》5大必看原因 馬國明、唐詩詠熒幕兄妹「升呢」演夫妻
2019年05月30日18:25

《白色強人》緊接《婚姻合伙人》6月10日播出,令唔少劇迷有所期待!事關近年無綫經常播外購劇、陸劇,自家製作嘅愈來愈少,而《白色強人》是TVB 2019重頭劇之一,雖然以往大台都多年來拍過唔少以醫療為主題嘅劇集,例如《妙手仁心》、《oncall36小時》、《跳躍生命線》等,但《白色強人》卻是非一般醫療劇,綜合套劇有以下5大因素,都是令劇迷值得追看的原因!

撰文:東方新地 圖片:劇照、《白色強人》預告片截圖

白色強人5大必看原因

1. 話題貼地

由馬國明、郭晉安、李佳芯、唐詩詠等主演的《白色強人》,亦是今年TVB皇牌劇集之一。醫療題材一向有收視保證,而《白色強人》係講述香港公共醫療開支年復一年、幾何級數式膨漲,宛如一顆隨時爆破的計時炸彈。明成北醫院是公營醫院龍頭,副院長楊逸滔決意推行醫改,為制度進行一場「大手術」。院內的天才醫生唐明質疑他的計劃,恐怕醫改實行,會導致有人因為無法支付醫療費用而死亡。

《白色強人》監製羅永賢之前接受訪問透露,劇集雖然會有醫院日常救人和手術場面,但劇集也有觸及觸時事議題和政治話題如不同政黨、政府部門或首長,也有圍繞醫療改革方案和中東呼吸綜合症事件等,雖然故事內容純屬虛構,但內容同香港市民日常生活息息相關,他同時希望觀眾透過《白》劇令大家反思現今的醫療制度,絕對並非只得傳統醫院的仁心仁術題材,相信播出後會有一定話題!

2. 製作認真

《白色強人》部分外景於內地取景,劇組更搭建一個像真度高嘅急症室場景,手術室場面更是用上真實的醫療儀器,而開拍前演員們要上堂學習專業詞語,期間更有醫護人員監場,務求做到最逼真!而喺預告片中,不少手術場面都係有血有肉,真實感十足。

劇集《白色強人》部分景於深圳拍攝,當日有份演出的黃嘉樂說雖然內地天氣炎熱,但大部分都是於室內醫院景拍攝, 所以比較舒服。

3. 美女如雲

喺上年7月已經煞科,今年安排播出,劇中參演嘅女演員包括李佳芯、唐詩詠、張曦雯、馮盈盈、朱智賢等靚女花旦及小花參演,真係唔打得都睇得!

李佳芯飾演心胸科醫生程洛雯,事前特意剪掉長髮配合角色。

3.感情線吸引

馬國明及唐詩詠之前多套劇集合作過都是以「熒幕兄妹」姿態出現,但今次在此劇「升呢」飾演離婚夫妻,二人分開後馬明遇上李佳芯,二人發生微妙感情,從而發展出一段三角關係,馬明同唐詩詠於劇中更會有接場口㖭!

而郭晉安在劇中與馬國明是亦師亦友的關係,郭晉安於劇中不斷提攜李佳芯,二人互相欣賞卻未能擦出愛火花,因為Ali情傾馬明!

去年何廣沛、馮盈盈在《萬千星輝頒獎典禮2018》獲頒「飛躍進步男、女藝員獎」,盈盈和廣沛在《白色強人》中合作飾演一對情侶,拍住上吸金。

而張曦雯就會情傾演她上司的郭晉安。五位演員錯綜複雜的感情線到底最後發展會是怎樣呢?

5. 陣容鼎盛

曾三度奪得tvb視帝郭晉安、視后唐詩詠、李佳芯等演員坐陣主演,此外也有實力派演員姜大衛、蔣志光、鄭子誠參演,淨係睇個演員名單已經相當令人期待呀!

馬國明
馬國明
馬明之前參與《On Call 36小時》都好有口碑,雖然他與視帝之名擦身而過,變成灰足36小時,但他今次再拍醫療劇,未知能否憑此劇而攞視帝呢?!

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

更多新聞