謝婷婷宣布秘密產女3個月 B女生父身份曝光?!
2019年06月02日23:47

謝賢同狄波拉嘅囡囡謝婷婷,今日突然喺社交平台上宣布囡囡出世100日,原來婷婷今年2月秘密產女,對於BB嘅生父有傳係外籍男友,而婷婷母女目前身處英國㖭!

撰文:東方新地|圖片:謝婷婷Instagram謝霆鋒weibo,新傳媒圖片

謝婷婷宣布秘密產女

現年36歲謝婷婷秘密誕女,今日突然喺社交平台上載一張BB小手捉住大人嘅手指,更留言「You are my brightest light.」,並指「happy100days」 、「babygirl」,原來B女出世100日,恭喜哂!

謝婷婷
謝婷婷
藝人謝賢同狄波拉囡囡謝婷婷嘅感情生活一直都受外界關注,今日突然喺社交平台上宣布已做了媽媽。

謝婷婷
謝婷婷
謝婷今日就突然上載一張BB小手捉住大人嘅手指,宣布榮升媽媽。

圈中人留言道賀

而謝婷婷宣布喜訊後,不少圈中人如鄭希怡、周柏豪、鍾嘉欣、丁子高等紛紛留言恭賀。

謝婷婷
謝婷婷

謝婷婷
謝婷婷

謝賢未見外孫女

對於謝婷婷突然誕女,爸爸謝賢表示好開心,佢話女大女世界,最重要係男朋友愛錫佢就得,四哥仲話暫時未親眼見孫女一面。而謝婷婷宣布喜訊後,不少圈中人留言恭賀。婷婷最後一次在港現身,係上年5月出席一個品牌晚宴,之後婷婷未有在香港露面,而今年新年哥哥霆鋒上載的家族新年飯相片中,亦未見婷婷現身。

You are my brightest light. 💫 . . . . . . #loveofmylife #happy100days #babygirl

A post shared by Jennifer Tse 謝婷婷 (@jennifertsetingting) on Jun 1, 2019 at 8:59pm PDT

一年未有露面 大褸遮孕肚

不過睇翻去年8月婷婷上載與欣宜的合照,當時二人身處加拿大,當時婷婷用手袋遮肚;及至10月,她再分享近照,身穿鬆身長褸的她也只是分享側面照,大褸完全遮住腹部。

BB生父疑是外國人 神秘男友叫Mr. Francois?

有報道指婷婷於去年認識外籍男友,母女目前身在英國。而睇翻1月婷婷分享同狗仔合照都係得半邊面咋,上半身仲完全畀狗仔遮住,而婷婷嘅愛犬疑似係佢關注嘅「mr.francois604」IG賬戶同一隻狗狗,唔知Mr.Francois係咪婷婷嘅男友名或是愛犬的名字呢?

婷婷嘅戀情為外界關注,早年佢同安志杰拍過拖,可惜二人於2013年分手收場。之後有傳婷婷同荷李活影星「鷹眼」謝洛美維納(Jeremy Renner)暗撻,但男方否認戀情。

謝賢激罕談風流史

四哥謝賢早年曾在《天下第一Friend》接受主持鄭紹康訪問,逐一講佢同五位生命中最重要女人嘅故事。講得最多一定係第二任老婆拉姑狄波拉。拉姑同四哥生咗一對仔女霆鋒同婷婷,二人婚姻維持咗25年,但最後都係離婚。佢哋再見仍然係好朋友,感情上亦各自各精采。四哥分享二人離婚簽紙當日,離開律師樓後,兩個人喺街上擁抱,「因為我哋太開心!」四哥笑稱當時抱住拉姑轉咗三個圈,在場雙方律師都呆咗。

四哥
四哥

四哥
四哥

謝賢 慨歎霆鋒步後塵

自嘲係「不知所謂」嘅爸爸,四哥感激拉姑擔起管教霆同婷婷嘅責任。被問到自己同拉姑離場收場,對霆鋒有冇影響,四哥覺得影響不大,離婚前有問仔女意見,而霆鋒好瀟灑,好贊成父母做番朋友。

謝賢
謝賢
謝賢與狄波拉

謝賢
謝賢
謝賢與狄波拉

不過,四哥對於霆鋒同張柏芝一樣離婚感到可惜,估唔到自己個仔行同一條路,更一度眼泛淚光。佢好感激柏芝生咗兩個乖孫Lucas同Quintus,亦話自己好鐘意依個新抱。

謝賢
謝賢

謝賢
謝賢

謝賢
謝賢

四哥
四哥

四哥第一任女友嘉玲係一名息影女星,佢直認當年自己太貪玩又無錢,後來有錢就出去玩,最後嘉玲選擇嫁去泰國。之後,四哥讚第二任女友蕭芳芳係乖女、係好女仔,表示最後係自己主動要求離開蕭芳芳。四哥開玩笑話:「我唔好害人啦,我覺得自己做咗件好偉大嘅事!」

謝賢
謝賢
謝賢 與嘉玲

謝賢
謝賢
謝賢 與嘉玲

謝賢
謝賢
謝賢 與蕭芳芳

謝賢
謝賢
謝賢 與蕭芳芳

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

之後到四哥第一任老婆甄珍,二人結婚一年就分開,四哥瀟灑咁話:「簽咗離婚紙,我揸車上山頂喊咗15分鐘,然後我同自己講『過咗去啦,唔好再諗』,然後就放低咗!」而第五個女人、現任女友CoCo細四哥49年。這對爺孫戀已經拍咗12年,感情好穩定,但四哥話無打算結婚,兩次離婚,已經唔信名分。四哥亦自嘲自己「80後」(80多歲),更祝福對方若遇到更好的人,Coco應該離開佢。四哥咁多年後,好似終於定性。

謝賢
謝賢
謝賢 與甄珍

謝賢
謝賢
謝賢 與甄珍

謝賢
謝賢
謝賢 與CoCo

謝賢
謝賢
謝賢 與CoCo

延伸閱讀:

兼任樓面倒垃圾!27歲林秀怡慳盡養癌母

更多新聞