被嘲大話精遭向太狠批!張栢芝關閉IG留言以四字真言反擊
2019年06月04日17:25

張栢芝早前擔任大陸綜藝節目《天天向上》做嘉賓,栢芝喺節目中多次強調自己天生吃素,從來不吃肉只吃海鮮,但有網民搵到栢芝多次食肉嘅證據仲封佢係「大話精」,而跟栢芝反面嘅向華強太太陳嵐亦在微博發文,暗寸栢芝說謊成癮。沉默多時嘅栢芝前晚在IG寫上四個字,疑似回應近日是非。

撰文:東方新地 圖片 :影片截圖、微博IG

張栢芝 講唔出兒子愛吃什麽菜

喺最新一期《天天向上》一開始係講粵菜,主持人話張栢芝住香港應該最常接觸粵菜,栢芝話佢爸爸係廚師,自小跟爸爸學懂不少菜式:「因為我自己從小到大都喜歡煮菜,我生小孩之後我兒子他們喜歡的菜都是我自己煮,大兒子就喜歡中餐,第二個就喜歡西餐。」主持人大張偉就問佢兩個兒子分別喜歡什麼菜?張栢芝唔係知咪聽唔到,輕輕一句帶過:「對,每一天我都要做兩個不一樣的菜。」即係一中餐一西餐!咁但到底兒子食咩菜?栢芝冇講!

主持大張偉仍然不放棄繼續追問兩個兒子最喜歡食咩菜式,而栢芝就東拉西扯話:「你問那個兒子?第三個喜歡奶!」繼續遊花園!

主持再追問兒子喜歡吃什麼菜式,栢芝才說:「謝振軒喜歡白米飯,謝振南他就喜歡漢堡包,我自己就喜歡蔬菜。」網友質疑嘢食好叻日日煮一中一西菜式畀兩個仔食嘅媽媽,點解會講唔出菜名?

從來冇食過肉?

咁都未完,栢芝話:「我自己就喜歡蔬菜,因為我天生喜歡吃素,我是從來沒有吃過肉的。」在場嘅主持、嘉賓們都似乎唔相信。嘉賓李湘就問叉燒、乳豬嗰啲全部冇食過?栢芝點頭話:「對因為我天生就喜歡蔬菜。」仲話阿媽打佢都唔食,但海鮮佢係會食嘅!雖然唔食,但栢芝話佢可以把有肉嘅菜式煮得好好食:「但是我可以把牛排﹑咖喱雞什麼的我都可以弄出來。」

網友搜證 栢芝曾公開大啖吃肉

有網友就找到栢芝以前亮相多個綜藝節目時,曾即場吃肉,其中一次仲食曹格整嘅鍋包肉,大讚好吃!

同塊生牛排溝通

唔止咁,栢芝曾分享過佢煮牛排嘅經驗,話煮之前按摩塊肉,又話塊肉同佢講話OK可以拎去煎,網友質疑佢講大話已經變成習慣!而網民愈揭愈多,發現佢曾經公開話過「拍戲3個月不睡覺」、「連睡16天」、「越不洗臉皮膚越好」、「越吃消夜就越瘦」等,話栢芝唔止講大話,而且言論浮誇!

向太狠批栢芝 其後刪Post

向太陳嵐在6月2日於微博發文,指栢芝:「在說胡話這個領域她也算是得到高人了」、「感覺她就是說大話張口就來,完全不經過大腦,自己吹牛吹到爽為止」等,向太又表示栢芝有這種情形可能因為跟栢芝成長背景有關:「從小單親,後來離婚,心理有點扭曲,身世也坎坷,說謊成癮了自己都相信了。」向太更列出三大精神病症狀,呼籲網民發現及早治療。帖子一出引起網民熱烈討論,有人支持向太,也有人撐栢芝,反插向太毒舌,而向太其後也刪除了該Post。

張栢芝
張栢芝
向太與張栢芝早年關係曾經友好,但二人其後鬧翻,向太更對外宣稱永不錄用栢芝。

四字回應

栢芝在IG貼上「人言可畏」四個大字,似是回應她被指謊話連篇的說法!之後栢芝再貼紅裙戴藍手套照留言:「正能量。」

栢芝曬餸藝

栢芝分享她為兒子煮食的影片及照片,當中更有四餸一湯,相當豐富!栢芝留言話:「每一天想着每一樣不一樣的餐譜,非常滿足感,沒有小孩子的人可能不明白,總有一天有小孩子的朋友們就會明白是一種多麼喜悅的樂趣!」力證她在節目中說日日都為兒子下廚。

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

更多新聞