39歲胡杏兒獨力養三頭家 臨盆前繼續衝刺中港搵錢
2019年06月05日19:34

胡杏兒老公李乘德(Philip)是客家圍村人, 出嫁時曾在「李家祠堂」豪言一年抱三,當然冇可能神奇女俠上身神速生三個,不過第二胎Baby Lee 2七月便出世,三年抱兩的她,成功幫「李氏農場」再添一員,更計劃好生完唔封肚,繼續生夠四個為止,全速為李家開枝散葉,不過養個仔女使費唔少,杏兒唔單止要養兩個B,更一人獨養三頭家(自己一家四口、父母及夫家),擔挑真係唔細,不過賺錢能力高又相當捱得的杏兒,臨盆在即工作無停手,又忙於拍片宣傳吸客,已接定唔少Job等生完坐完月火速復工,賺錢永不言休;日前,勞碌杏兒又出動,陪老公到養和醫院探長輩,仲一人拎住幾袋嘢行上斜路,仆心仆命頻撲照顧家人毫 無怨言,娶得如此萬能老婆一妻當關,Philip真係好福氣!

編輯:Sunday Kiss|原文:東方新地|圖片來源:新傳媒圖片、胡杏兒@Instagram胡杏兒微博

胡杏兒再陀B仔

15年底同開獵頭公司才俊李乘德(Philip)拉埋天窗,前年杏兒已幫夫家繼後香燈,一索得男為老公誕下得意可愛的Brendan(李奕霆),現時又為老公陀住第二胎。早前,胡杏兒同老公雙雙在生產倒數最後一個月公布BB的性別,宣布再次陀男B!杏兒更表示:「Brendan你好快做哥哥,一定要和弟弟相親相愛喔!」

杏兒表示:「Brendan你好快做哥哥,一定要和弟弟相親相愛喔!」

胡杏兒改變主意生四個

胡杏兒曾承諾要生夠三個,自從得意仔Brendan出世後,完全被愛子可愛融化母愛瘋狂氾濫,見到精靈兒子成萬人迷,杏兒已經覺得生三個都唔夠,改變主意決定生夠四個,將「李氏農場」發揚光大。知情者透露:「杏兒一路都好鍾意小朋友,而且老公係圍村人,生仔有丁權,老爺奶奶講到明生愈多愈好,杏兒結婚時已經諗定生夠三個,點知囝囝出世之後, Cute爆人人爭住錫,杏兒一見個仔就心都甜埋,母愛愈嚟愈氾濫,已經決定生多幾個,成功陀豬BB佢不知幾開心,仲幫屋企改 咗名叫『李氏農場』,咁農場成員點可以少,依家佢話要生夠四個, 十一月佢就滿40歲,為咗全速生B,上次順產生完Brendan,今胎都諗 住順產,等身體可以快啲復原,就可以盡快再陀B。」

胡杏兒
胡杏兒

胡杏兒
胡杏兒
日前鄭嘉穎為乖仔鄭承悅舉行百日宴,11年同嘉穎拍《怒火街頭》結緣的胡杏兒,陀住8個月B一家四口到賀,更揚言叫嘉穎快啲生個女同佢對親家。

陀B照飛開工

順產除咗可以全速生B,事業心重的杏兒亦可迅速回復狀態加快 復工。婚後依然做到冇停手的她,就算陀B都照開工,上次陀住Brendan杏兒唔怕辛苦照飛內地拍劇集《那年花開月正圓》,又同好姊妹 到澳洲拍《胡說八道真情假期》,之後再頻撲跑內地宣傳劇集,雖然已是高齡產婦,但今胎杏兒一樣繼續忙,一月隻身飛橫店逗留兩個月拍 古裝劇《末代廚娘》,近日又開通微博Vlog頻道,挺住巨肚拍片宣傳吸客,繼續狂吸人仔,雖然已經手持過億物業,但杏兒未有諗過偷懶做少奶奶享受生活,即使預產期在七月,也揚言會做到生前一個月才停 工,但原來杏兒咁博有原因,除了要儲備銀彈為小朋友鋪最好成長 路,一妻當關的她,還要獨養三頭家,每月開支龐大。

胡杏兒
胡杏兒

挺8個月肚抽重嘢

日前杏兒由司機接送,聯同老公表姐Janet到養和醫院探病,只見Philip表姐Janet負責抱住兒子Brendan,打扮隨意又素顏的杏兒則一 人抽住幾袋嘢,又要攞住手機,顯得有點狼狽。

胡杏兒
胡杏兒
七人車停泊在街口,杏兒要攞住幾袋嘢行一段路先到達醫院,挺住巨肚攞到成手重嘢的她,邊行邊睇手機。

出賣白髮增點擊

據知情人士透露:「杏兒父母喺佢好細個嘅時候已經離婚,爸爸獨力養大佢三姊妹,仲供杏兒去愛爾蘭讀書,佢同 日籍後母感情仲好好,依家父母年事已高,杏兒都想畀老人家享吓福,每月畀父母唔少家用,佢真係好孝順,連夫家重 擔都孭上,三頭家加埋使費唔少,不過,佢覺得可以勤力啲賺錢,多啲嚟密啲手就得,所以就算陀住BB,佢都唔介意照樣做嘢,佢喺內地好有人氣,一路都有唔少工作,不過,就嚟又養多個,為咗增加市場吸引力,佢啱啱仲開通咗Vlog頻道,撐住巨肚繼續拍片宣傳,連滿頭白髮個樣都唔介意大特寫曝光,就知佢想吸納更多客戶關注。」

胡杏兒
胡杏兒

胡杏兒
胡杏兒
Janet抱住BB快步行入醫院,原來杏兒老公Philip已在內 等候, Philip第一時間抱回兒子Brendan,反而未有意識 幫杏兒攞嘢,真係唔夠細心嘞!

升呢人母的杏兒不單自己有市場,歲半寶貝仔Brendan擁有米芝蓮身形,肥嘟嘟超可愛,一路有唔少廣告商同電視台睇中得意Brendan,成日想搵杏兒母子檔上陣。據知情人士透露:「佢兩公婆每次放囝囝啲相出嚟都好多人like,杏兒依家態度都放開咗,唔介意畀個仔曝光,不過如果要母子檔演出,佢都想等個仔再大啲先,始終細路仔難控制,不過如果係拍吓硬照,啱小朋友形象嘅,佢都會考慮畀Brendan試吓!」

胡杏兒
胡杏兒

胡杏兒
胡杏兒
一家三口聯同奶奶及表姐一同乘𨋢上病房探長輩,等𨋢期間表姐仲不停逗孫仔玩,對Brendan錫到燶!

奶奶同住湊孫

老公係沙頭角禾坑村圍村人,生仔有丁權,火速一索得男的杏兒,第 二胎又快出世,個肚明顯好爭氣,當然深得老爺奶奶歡心,不過除咗好生 養,呢個新抱還有體貼長輩必殺技。知情者說:「本來杏兒性格好強,不過 佢嫁咗Philip之後,對老公千依百順,好小鳥依人乜都會畀老公話事,為咗 要做好新抱,佢明白要同老人家相處必須忍讓遷就,特別係同奶奶相處,佢好多嘢都放下身段讓咗步先,唔會同奶奶硬碰硬,之前生Brendan ,奶奶專登喺英國飛返嚟幫手湊B,佢仲安排奶奶搬入屋企住埋一齊,不過 佢咁識做,奶奶亦好錫佢,主理晒全家一日三餐同湯水,照顧得杏兒好周 到,兩公婆工作好忙,奶奶出咗唔少力湊B,為咗方便湊孫,佢依家仲畀奶 奶喺屋企長住,同奶奶乜都有商有量,等老公萬事唔使操心,杏兒為咗頭 家真係好細心!」

胡杏兒
胡杏兒
賺錢父母享福

胡杏兒
胡杏兒
杏兒自小父母離異,跟隨爸爸生活長大的她,同爸爸及日籍後母感情要好,唔單止畀錢家人享福,亦不時陪爸爸食飯!

陪老公養和探病

雖然預產期在七月,不過杏兒今胎就未如上次生Brendan時,請齊好友 及老公親友大搞Baby Shower,只簡單同胡說八道幾個好姊妹開迎B派對,據 悉杏兒因夫家有長輩入院,得體新抱事事低調。日前,本刊就拍到孝順杏兒,陪同老公及奶奶去養和探病,當日下午 二時許,杏兒和老公的表姐Janet,由七人車司機接載到養和醫院外街街口,由於老公同奶奶早在醫院等候,只見Janet抱住Brendan落車,隨後落車的杏兒,一個人抽住幾袋嘢相當狼狽,之後她索性一手抽住幾袋嘢,邊行 邊睇手機,唔知係咪同緊在醫院等候她的老公聯絡,話晒去醫院細菌多,杏兒同Brendan及親友都做足預防措施戴上口罩,著住啡色鬆身衫的她,斜孭住個腰包,個肚睇落已經相當大,嫁作人妻的杏兒,事事以家人行先,勞碌攞重嘢,亦唔會詐型要老公落嚟幫手,自己攞住幾袋嘢行上斜 路入醫院會合老公,相反老公Philip一見個仔立即搶住抱,卻未有意識要幫 杏兒攞嘢。

胡杏兒
胡杏兒
嫁入李家後,杏兒對老爺奶 奶照顧有加,除咗讓奶奶遷 入同住方便湊孫,亦不時陪 老爺奶奶外出家庭樂。
胡杏兒
胡杏兒
婆媳關係好

胡杏兒
胡杏兒

探病個多小時後,眾人離開醫院乘車到灣仔食飯醫肚,老公先去撳錢,杏兒就一直孖住孭住Brendan的奶奶慢慢行,等埋老公撳完錢,一齊搭𨋢上麵館。 為三頭家任勞任怨的杏兒,絕對係人妻人母典範!

胡杏兒
胡杏兒
Philip落車後極速入銀行撳錢,相信是攞 定錢準備埋單請客。
胡杏兒
胡杏兒
撳完錢會合老婆及家人,一齊乘𨋢上麵館醫肚。

嫲嫲照顧孫仔

Brendan得意活潑,食嘢期間蹦蹦跳,身旁的嫲嫲細心照顧孫仔食麵,杏兒則同老公並排而坐。

胡杏兒
胡杏兒

陀第二胎開工

之前陀著Brendan,杏兒仍 冇停手繼續工作,至臨生前 兩三個月才停工,今次陀住 第二胎,杏兒還去了橫店拍古裝劇《末代廚娘》,更唔怕 辛苦戴著誇張頭飾兼穿上厚 疊疊戲服開工。劇集3月6日才殺青,在內地開工多時掛住個仔的杏兒,一度安排媽媽帶 Brendan 到橫店探班,她趁休息空檔,拖住 Brendan在影視城散步。

胡杏兒
胡杏兒

囝囝橫店探班

老公法國歎酒

胡杏兒
胡杏兒
杏兒到上海拍劇兩個月,完成劇集回港,同日老公又飛法國,各有各忙要輪流留港湊仔。

Brendan賺奶粉錢

Brendan得意爆燈,一直被唔少廣告商虎視眈眈,近 期杏兒亦開放態度,唔介意同囝囝一齊賺錢,歲半 Brendan唔使露面已經成功賺奶粉錢。

胡杏兒
胡杏兒
乖仔Brendan人見人愛,杏兒攬 住佢已經甜入心,更被兒子打 動,決定生夠四個。

胡杏兒
胡杏兒

同囝囝拍大肚寫真

四月初杏兒一家到泰國出席 友人婚禮,陀住七個月肚的 杏兒,乘機拍大肚寫真,身 穿泳衣同囝囝在水中合照。

胡杏兒
胡杏兒

出賣白髪增點擊

養一個小朋友使費唔少,講 明要生夠四個的杏兒,梗要落 力賺奶粉錢,頻撲中港兩地工作 的她,早前在微博開通Vlog頻 道,以孕婦日記拍片宣傳,除咗 挺巨肚行超市,仲唔介意公開大 特寫自己滿頭白髮孕樣,為吸客 賺錢博到盡。

胡杏兒
胡杏兒

胡杏兒
胡杏兒

胡杏兒
胡杏兒

胡杏兒
胡杏兒

姊妹迎B

臨盆在即的杏兒,未有大搞BabyShower,反 而係好姊妹李施嬅率領 「胡說八道」姊妹為佢搞 小型BabyShower迎B。

胡杏兒
胡杏兒

胡杏兒
胡杏兒

延伸閱讀:

【如果這樣生活】9位藝人遊歷世界 分享自己的故事

【小一叩門】心理、實際準備要做足!趙Sir教你叩門面試3大必殺技

更多新聞