麥明詩形容後備對象做垃圾同屎 27歲之約慘變離婚人選
2019年06月06日19:44

現時27歲嘅麥明詩(Louisa)自從同林作分手後,曾與何浩文、余德丞和吳業坤等圈中藝人傳出緋聞,但無個係真命天子。日前,Louisa竟然喺節目爆出原來單身嘅自己一早已經計劃好搵大學同學要咗自己?!

撰文:辛娛樂|圖片:電視截圖、ig

麥明詩形容後備對象做垃圾同屎

話說今年年初,麥明詩為拍攝TVB節目《單車遊學團》而與香港前奧運單車選手胡健燊出雙入對,當時二人日日見面之餘,仲一件練車背心兩份穿,相當親密!當時Louisa亦都不忙大讚對方為人,又公開表示唔排除踩出愛火花!

View this post on Instagram

【踩單車去柬埔寨】Day 16 🇻🇳 Hai Hoa to Vinh 我上番單車喇!今日教練 @kinsan_54 黎到越南,就係要逼,吖唔係,係鼓勵我克服肌肉痛楚同埋心裡陰影。 我其實都好想踩番車,但係講真,我本身係諗住唔著lock鞋,因為我仲好記得炒車時隻腳卡咗喺個腳踏嘅感覺,好驚如果再次失控隻腳又卡住咗落唔到腳。 不過冇偈喇,被「鼓勵」,之下都要硬著頭皮上lock踏。 第一日復出,hip位仲係有啲痛,教練話我應循序漸進,所以雖然今日嘅路程係96km,但係佢建議我踩60km就唔好再踩,等身體適應番。好彩今日嘅路大致上都唔難踩,路況幾好,等我可以順利完成今日嘅目標。而隊友都好好,成日都好留意我踩嘅進度,成日都等埋我(始終hip痛令到速度低咗)。 明天,我就會完全歸隊,踩足全程!特別鳴謝教練長途跋涉黎到呢度join我地,確保我安全同埋可以漸漸完全康復。 ps #latergram

A post shared by Louisa Mak 麥明詩 (@louisa_mak) on Jan 29, 2019 at 10:47pm PST

日前《後生仔傾吓偈》搵嚟有份拍攝TVB新節目《單車遊學團》嘅潘梓鋒(Bryan)、王德志(Danny)和龔朗賢(Lawrence)分享早前跨國「單車旅行」嘅經歷,不過就偏偏無胡健燊份。

節目一開波,正當嘉賓王德志(Danny)自我介紹完後,馮盈盈就突然叫停大家,向住Louisa爆出一句:「你曾經講過有個好friend嘅同學,話如果你到幾歲都無人要就會啃咗你,係未就係佢?」

結果引嚟全場哄動,而Louisa同Danny亦非常尷尬,當冷靜落嚟之後Danny就率先解話:「係有個咁嘅人,如果佢27歲……」,可能Louisa驚對方講錯說話,故亦隨即打斷Danny:「其實我係搵咗幾個,最唔想嗰個排40歲、想啲啲嘅排38歲……」

Danny曾經答應過麥明詩27歲無人要的話,會要咗佢。

至於Danny排喺幾多歲,Louisa說話:「佢係排到我離婚之後架啦~」由約定慘淪為再婚人選嘅Danny都只好講句:「不過唔知佢離婚時間,同我時間係未一樣。」,聽落好似有啲酸味~

原來Danny實際喺被女方排到咁後~

就連盈盈都忍唔住指時下年輕人嘅感情觀好複雜,點知呢個時候Louisa突然話:「既然去到嗰個歲數都都搵唔到,你寧願要垃圾定要屎?」認真陰公囉,在坐嘅Danny仲要變埋垃圾或者屎,唔知當時Danny有咩感覺呢?

最後,Danny以一句:「好似周星馳咁講,一條底褲同廁紙都有佢嘅作用」完咗呢個topic,認真陰公豬囉!

延伸閱讀:

【復仇者聯盟4】美國隊長要讓位? Marvel男英雄美臀排行榜|新蚊娛樂|

【復仇者聯盟4】Loki艷福無邊?! 盤點曾與Tom Hiddleston拍戲的Marvel女星|新蚊娛樂|

更多新聞