【好日子】簡淑兒簽約無綫做親生女!揭「仙氣女神」七年變臉進化史
2019年06月25日19:45

女大十八變,即刻變靚又得,隔返幾年先至變靚亦得,得咗!講緊嘅係無綫開播新劇《好日子》有份演出嘅簡淑兒(Jessica),唔講唔知,近日佢正式簽約無綫做親生女,仲分分鐘會加入星夢做歌手,錢途無限!睇番簡淑兒早喺2012年美國回流選港姐,當時因其貌不揚頭圈已經被淘汰。不過隨住時間洗禮,今時今日嘅Jessica變得鼻高、眼大、面又尖咗、連人都後生埋,以一對腰果笑眼被封「仙氣女神」!

撰文:東方新地 圖片:新傳媒圖片、ig

簡淑兒簽約無綫做親生女

《好日子》緊接內地劇《倚天屠龍記》播出,簡淑兒都有份主演呢套新劇,去年底Jessica和經理人公司的合約問題被無綫雪藏,所以即使有份演《大帥哥》及《救妻同學會》都冇得出席宣傳活動,不過Jessica早前約滿經理人公司,佢簽約無綫成為「親生女」。

簡淑兒
簡淑兒
出道時曾是女子組合「少女標本」的簡淑兒曾單飛出歌,之後做咗親生女後會加入星夢,做吳若希和菊梓喬師妹。

在劇集《好日子》中翟威廉是飾演黃智賢的養子,他在劇中更吸引了簡淑兒和余思霆兩個女仔的傾慕和追求。

簡淑兒《平安谷》演淼淼

回顧簡淑兒喺大台都算多演出機會,而且都係演鄰家女孩嘅角色。佢喺劇集《迷》扮田蕊妮女兒,學生妹look又pure又true。而喺《平安谷之詭谷傳說》飾演一個天真可愛的小女孩淼淼,不過就有個獸父鄭子誠,仲差啲被侵犯!紥一對孖辮、楚楚可憐的樣子,簡淑兒真係無得輸!

《波士早晨》

喺《波士早晨》簡淑兒飾演一個初級秘書仔,怕怕醜又驚青咁,由佢演繹就適合不過!

簡淑兒會同張致恆有感情線。
簡淑兒仲有激罕著泳衣濕身鏡頭~
簡淑兒仲有激罕著泳衣濕身鏡頭~
簡淑兒仲有激罕著泳衣濕身鏡頭~

簡淑兒:我以前只係黑同肥

現年29歲的簡淑兒雖然佢出名樣子甜美,但其實整容傳聞停不了,由佢16年加入《愛回家之八時入席》出演秘書仔時已經傳到㷫烚烚。當時簡淑兒經已反客為主,自post 11年回流前美國留學舊照,自嘲曾經又肥又黑、再自嘲EQ差、話傳媒專揀妝頭出事的相片對比,水蛇春咁長hashtags,曲線自辯係女大十八變唔係整容囉!

真面目判若兩人

對於簡淑兒的變臉疑雲,本刊曾獲得一批2012年香港小姐競選官方照,當年簡淑兒20強不入,一早做咗炮灰。係同屆黃心穎、朱千雪、湯洛雯等太高質,還是簡淑兒方面、細眼、扁鼻實力差太遠?雖然話女大十八變啫,點解事隔多年冇人話心穎BB同千雪BB唔同晒樣嘅?又點解可以變變吓變咗撞埋Baby樣呢?

簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

簡淑兒愈大愈靚

事隔七年,面目全非,愈大愈靚,簡淑兒就曾經解釋係當初官方妝頭出事喎!

簡淑兒進化史

12年:面型尖咗,個鼻直咗,不過本來輪廓仲喺度,當年仲有小小似張慧儀。

13年:明顯下巴更尖,鼻型筆直,對眼都比選港姐時圓咗又深咗。

14年 多咗大眼仔美化對眼,不過明顯雙眼又大又圓,已見腰果眼初型。

16年:間尺鼻成型、嘴唇突然飽滿,角度突登低抄,其實拍埋一齊邊個係Baby,邊個係簡淑兒已經好難分!

16年:進化成功再加埋全新化妝,簡淑兒連pose表情都有意無意以Baby為藍本,正式變身成為新一代女神。

17 – 19年:新一代女神地位奠定,腰果眼笑臉已成招牌,整體樣貌都無咩改變,最多都係齊陰髮型有時會變吓。

所以話變變變生命力,真係好神奇呀!

原來係富家女

由美國回流返港的簡淑兒,入行以來都甚少談及自己的家庭背景,只知道佢有6兄弟姊妹,但原來佢家境相當不俗!簡淑兒父母經營珠寶生意,在上水及將軍澳都有專門店。另外喺紅磡一幢工業大廈亦購入兩個單位作寫字樓,生意規模唔算細。簡淑兒亦曾經幫屋企生意做生招牌,擔任代言人兼模特兒,甚至贊助過TVB及亞視藝人鑽石首飾出席活動。

富貴
富貴
簡淑兒家族經營珠寶店生意,由佢做代言人最適合不過!

強調自己純天然

簡淑兒之前出席活動,被問到疑似變樣的傳聞,佢就話用人生最核突的舊照同現時相比,分別當然大,所以點講都冇用。之後佢強調自己係純天然,自己選美後就去拍劇,如果有整大家都會留意到。但問題係,依家真係好多人留意你唔同咗樣喎……

富貴
富貴
簡淑兒最愛自拍!

富貴
富貴
簡淑兒呢個Look,清純到加零一!

提到被爆係有錢女,佢就話屋企只係做一啲小生意,自己出入唔會有司機接送,平時返電視城或者出席活動都係搭巴士。另外又稱自己雖然同家姐住,但就唔係住凱旋門,絕對唔係有錢女。

富貴
富貴
被指同選港姐時個樣好大分別,簡淑兒受訪時強調自己純天然!

延伸閱讀:

《奸人堅》第四次重播 盤點黃子華32句劇中抵死、絕核金句!

更多新聞