邊生得出咁大個仔?9大熟齡女星「升級」做阿媽
2019年06月30日22:00

最近TVB正播放《好日子》,劇中故事主要圍繞齊家村嘅事宜。不過,相信唔少人都會對劇中嘅人物設定有所疑問,包括黃淑儀同王綺琴演兩母女?車婉婉同朱敏瀚竟然演兩母子?若要論市場、題材,薪酬同待遇,男女演員真係好難相比!男演員好多時就愈成熟愈吃香,女演員開始上年紀,戲路就好似愈嚟愈窄,往往只有向「媽媽級」進發,就算現實中冇可能生得出咁大個仔,本住專業精神,都要盡力做好台戲!以下呢9位熟齡女星,既係好戲之人,亦都係專業嘅好演員!

撰文:Sunday Kiss|圖片來源:Youtube截圖myTVsuper截圖,新傳媒資料室

延伸閱讀:

【親子好去處】香港6大靚景沙灘推介| 一級水質 游龍舟水必去!

7大增高食物 蛋白質好重要!

9大熟齡女星「升級」做阿媽

黃淑儀 王綺琴 – 2019年《好日子》

最近播放嘅《好日子》,首集就先介紹黃淑儀(飾演蔡如玉)一家嘅事宜。黃淑儀喺劇中飾演五子女之母,當中飾演齊瑂嘅王綺琴喺第一集中叫黃淑儀做媽媽,相信唔少觀眾都會喺度諗究竟自己有冇聽錯,但佢哋就真係演兩母女!現實中,黃淑儀現年69歲,而王綺琴就54歲,兩人只係相差15年,實際年齡相差唔太遠,似兩姐妹多過母女。

熟齡女星
熟齡女星

車婉婉 朱敏瀚– 2019年《好日子》

《好日子》中,另一對最離譜嘅莫過於車婉婉同朱敏瀚。現年44歲嘅車婉婉喺實中育有2歲大嘅囝囝BBQ,但係喺戲入面就係育有27歲嘅朱敏瀚,即係17歲就誕下對方,都尚算合理。不過,劇中飾演車婉婉老公嘅張達倫,現時只有41歲,同朱敏瀚只係相差13年…

熟齡女星
熟齡女星

熟齡女星
熟齡女星

惠英紅 陳小春 – 2007年《鐵咀銀牙》

呢部08年出街嘅古裝劇,係小紅姐同陳小春喺電視螢幕上嘅首次合作。陳小春飾演狀王陳夢吉,而小紅姐就飾演陳夢吉嘅娘親潘白鳳。同劇演員仲有視后級嘅佘詩曼,同謝天華、元華等。

熟齡女星
熟齡女星

現實中,小紅姐係1960年出世,而陳小春就係1967年,二人年紀只係相差6年。喺個劇拍攝中嘅時候,小紅姐都曾經有表示過「委屈」,話自己生唔出咁大個仔!

熟齡女星
熟齡女星

1999年,小紅姐拍《創世紀》嗰陣,係飾演馬德鐘嘅太太,而馬德鐘只係細陳小春一年。

熟齡女星
熟齡女星

估唔到8年之後,已經「升級」做陳小春阿媽!

熟齡女星
熟齡女星

而馬德鐘喺《跳躍生命線》,就有35歲嘅李佳芯做佢太太。

熟齡女星
熟齡女星

仲同28歲嘅張曦雯有感情線!

熟齡女星
熟齡女星

商天娥 郭晉安 《隔世追兇》

1964年出世嘅郭晉安,出晒名有張童顏,做咗幾廿年男一,做過佢媽媽嘅女演員都唔少!但係「媽媽」嘅實際年齡,就同佢愈來愈相近!最最最離譜嘅,就係2004年嘅《隔世追兇》,1962年出生,只係大郭晉安2年嘅商天娥,就喺劇中飾演佢媽媽!

熟齡女星
熟齡女星

雖然個劇情係講安仔可以用一部舊手提電話,同20年前嘅爸爸溝通,合作破案,娥姐都會喺20年前,同20年後出現,但係要飾演細自己兩年嘅安仔嘅媽媽,呢個心理關口應該都唔易過!

熟齡女星
熟齡女星

盧宛茵 郭晉安 《戇夫成龍》+《阿旺新傳》

盧宛茵喺80年代尾復出之後,就一直開始做「媽媽級」嘅角色。2002年嘅《戇夫成龍》同2005年嘅《阿旺新傳》,盧宛茵都係飾演阿旺嘅媽媽!

熟齡女星
熟齡女星

實際上,盧宛茵係1953年出世,今年66歲,比起今年55歲嘅郭晉安,只係大11年⋯⋯ 差距唔算好誇張,但係都係生唔出咁大個仔啦!

熟齡女星
熟齡女星

韓馬利 郭晉安 《創世紀》

1999年嘅《創世紀》,有成百集,支線極多,演員都用得好盡吓!三大男主角之一,飾演馬志強嘅郭晉安,就有羅樂林同韓馬利飾演佢父母!

熟齡女星
熟齡女星

Mary姐係1954年出世,今年65歲,大過安仔10年,拍埋真係似家姐多過阿媽啦!

熟齡女星
熟齡女星

苑瓊丹 陳浩民 《封神榜》

呢部2000年嘅《封神榜》,應該係好多8-90後心目中嘅經典,尤其係殷十娘同哪吒呢段母子情,實在令觀眾流咗唔少眼淚。

熟齡女星
熟齡女星

苑瓊丹喺劇中表現突破,有別過往純搞笑嘅演出。

熟齡女星
熟齡女星

現實中,陳浩民雖然都有一張童顏,但係1969年出世嘅佢,今年都已經50歲,1963年出世嘅苑瓊丹,只係相差6年!不過兩個人合作絕對擦出唔少火花,默契十足!

熟齡女星
熟齡女星

劇中殷十娘仲有金吒、木吒兩個仔,飾演金吒嘅鄧兆尊,今年都52歲喇!只係細苑瓊丹4年!

熟齡女星
熟齡女星

朱咪咪 歐陽振華《醉打金枝》

朱咪咪同歐陽振華呢個組合,當年真係老是常出現!1997年嘅《醉打金枝》,二人首次演兩母子,不過佢哋實質只係相差5歲。

熟齡女星
熟齡女星

過兩年佢哋再合作拍《陀槍師姐》,咪咪姐就變咗歐陽振華大嫂喇!

熟齡女星
熟齡女星

薛家燕 呂良偉《富貴門》

家燕媽媽做「媽媽」當然好合理!出道60年嘅家燕媽媽,今年69歲,8歲就出嚟打滾!2009年嘅《富貴門》家燕姐就要做呂良偉同袁詠儀媽媽。

熟齡女星
熟齡女星

但係呂良偉其實只係細家燕姐7年,聽佢口口聲聲嗌家燕姐做阿媽,都咪話冇違和感啦!

熟齡女星
熟齡女星

延伸閱讀:

【親子好去處】精選8大Party Room |玩盡生日會百日宴

更多新聞