【法證先鋒4】頂替黃心穎壓力爆煲!湯洛雯 失調暴肥片場喪喊
2019年07月03日00:14

「安心偷食」一個累全家的黃心穎,搞散重頭劇 《法證先鋒4》全盤大計,因為要重拍令劇集趕唔切 做今年台慶劇,被迫調到明年一月檔期播出,令監製及演員大失預算,臨時受命頂替姣心穎的湯洛 雯,更因要減肥演出加上突然插入劇組身心壓力超 大,不但愈減愈肥,更因壓力搞到面上狂爆瘡,要 化濃妝遮掩先出到鏡,拍攝半個月已經壓力爆 煲,不停NG試過喺片場崩潰喪喊,受好姊妹姣心穎所累有份擔演的劇集《丫鬟大聯盟》變倉底,為 《法證4》執手尾又搞到情緒失控,身心疲累的湯洛雯真係有排捱!

撰文:東方新地 圖片:新傳媒圖片

《法證先鋒4》湯洛雯頂替黃心穎壓力爆煲

無綫重頭劇《法證先鋒4》監製梅小青為補飛打埋人情牌,努力游 說黃翠如頂替姣心穎角色演出,卻因為蕭太趕生仔大過天拒接,最後 角色落到新紮姐仔湯洛雯身上,知道執到好籌可以拍重頭劇,湯即承 諾減肥10磅入劇組。據知情者透露:「因為劇入面有場戲,佢要同朱晨 麗一齊著bra top打boxing,所以小青姐一定要靚湯(湯洛雯)減 肥,為咗演好角色,佢已經盡晒力,五月去歐洲旅行,本來係好開心 去玩但全程都唔敢食嘢,又帶埋跑鞋過去日日跑步,點知又拗柴,真 係禍不單行,返到香港仲去做機同通淋巴,偏偏就因為失調減極唔 瘦,六月初開拍嗰陣塊面仲出晒粒粒,要化濃妝出鏡,依家場boxing 戲,可能要喺bra top外加件外套先拍到,佢心情點會好?」

本來答應監製梅小青減肥10磅拍《法證先鋒4》的湯洛雯,好似中咗不瘦降咁減極唔瘦。日前劇組到跑馬地墳場拍攝,湯洛雯臉頰和身軀都相當浮腫,一臉憔悴。當日所見,幾個鏡頭她都不時NG,據知她試過在拍 攝現場因不斷NG而崩潰爆喊,情況的確令人憂心!

狂爆粒粒

化上濃妝的湯洛雯面上長滿暗粒,兩隻手臂更現紅點。

難入戲狂NG

似中咗不瘦降減極唔瘦狀態大跌,投入拍攝《法證4》半個 月,湯洛雯已經壓力爆煲。據知情人說:「靚湯條件同演技唔比心穎 差,但因為臨時臨急入劇,同一班已經拍過一次嘅演員相比,始終會 慢熱啲,而且好多戲都係跳住咁拍,佢好難入戲成日NG,因為驚影響 到人又覺得自己做得唔好,佢真係好大壓力,再加上為咗連戲,要著 冬天衫,靚湯喺劇中演記者有好多外景,大熱天時真係幾辛苦,積積 埋埋已經壓力爆煲,試過喺片場拍拍吓突然爆喊,班演員同工作人員 見到都好擔心,知佢為演出好大壓力,都勸佢放鬆啲!」

《法證先鋒4》開拍時正值冬天,如今撞正夏天重拍,為咗連戲,一 班演員要著上厚疊疊戲服拍攝,三十幾度拍外景咪話唔辛苦,黃 浩然同李施嬅要吹風扇散熱,不停來回跑的湯洛雯,熱到眼耳口 鼻乸埋晒,真係多得姣心穎好帶挈!

搵姊妹傾訴

6月11日,《法證4》到跑馬地墳場拍攝,湯洛雯和黃浩然、李施嬅 拍一場在墓前的戲,但湯卻頻頻NG,每拍完一個鏡頭就不停補妝,深 怕滿臉暗粒在鏡頭前出現,又緊張地跟監製相討拍攝細節,等埋位時 卻未有跟兩位對手交流,湯洛雯坐埋一邊沉思及背對白。相反黃浩然 及李施嬅因已拍過一次,表現輕鬆不時在打牙骹。早於劇集開拍前本 刊便拍到湯洛雯約齊好姊妹朱千雪、蔣家旻、岑杏賢同張嘉兒飯局狂 呻減壓。睇嚟拍劇壓力爆煲的她,又係時候搵好妹妹抒發情緒!

除下外套,湯洛雯虎背熊腰現形。

失調走晒樣,湯洛雯連信心都冇埋,要靠美圖先敢放相上個人社交網,見佢留言叫大家給予鼓 勵,似乎真係因拍《法證4》帶來極大壓力!

約姊妹狂呻

頂替心穎拍《法證先鋒4》,湯洛雯未拍已經好大壓力,早前就約齊好姊妹朱千雪、岑杏賢、蔣家旻同張嘉兒飯局狂 呻,一班好姊妹更聽到皺晒眉。

12年索爆

32歲的湯洛雯,父親湯鎮宗同 阿叔湯鎮業都是資深演員,12 年參加香港小姐選舉,雖然六強止步,但卻被公認靚樣索過冠軍張名雅,更有「靚湯」之稱,睇番 參選時的她,身材fit爆。

感情失意

近日播出的《3日2夜》中,分手男女湯洛雯同羅天宇在鏡頭前故作老友,分手還要孖住到挪威開工,真係有苦自己知。

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《Stranger Things 3》開播前必知3大重點 再次回到Upside Down世界

更多新聞