盤點21位傳統名校畢業港姐
2019年07月07日12:00

一年一度嘅選美盛會「香港小姐競選」即將舉行,今年入圍嘅港姐邊個最啱你心水呢?其實唔少選港姐入行嘅藝人,都係名校出身㗎,雖然唔係個個都係女狀元,但係都有自己嘅成就!

撰文:Sunday Kiss|圖片來源:陳曉華Instagram馮盈盈Instagram,新傳媒資料室,節目截圖

盤點21位傳統名校畢業港姐

真光女書院

陳曉華(2018年 – 冠軍)

陳曉華於位於油麻地的真光女書院畢業,阿G.E.M.鄧紫棋亦是該校校友,在第二屆中學文憑試中,真光女書院亦出了一名女狀元!陳曉華2013年入讀香港中文大學醫學院那打素護理學院,並於2016至2017學年第一學期因其學業成績優異而獲頒發「鄭棟材獎學金」,而陳曉華今年除了當選港姐冠軍外,亦獲頒發註冊護士證明書,成位一名註冊護士。

港姐
港姐

港島中學

雷莊𠒇(2017年 – 冠軍)

2017年度香港小姐冠軍雷莊𠒇,雖然喺加拿大出世,但係7歲就回流香港,曾經就讀法國國際學校同港島中學。港島中學建校超過半個世紀,末代港督彭定康嘅細女彭雅思,仲有港產王妃文雅麗,都同雷莊𠒇一樣,係呢間國際學校嘅校友。

雷莊𠒇後來入讀多倫多大學,主修僱傭關係,副修英文寫作修辭及法文。雖然以選美入行,但對娛樂圈亦毫不留戀,出席早前已公開宣佈話自己卸任後,就會返回加拿大生活及尋求工作機會,決心離開香港。

港姐
港姐

寶血會上智英文書院

馮盈盈(2016年 – 冠軍)

2016年度,由大熱的馮盈盈(Crystal)奪得后冠,Crystal畢業於香港大學食物及營養系就人人都知啦,原來佢都係讀地區名校㗎!Crystal中學時就讀深水埗寶血會上智英文書院,雖然就同名牌中學女拔嗰啲無得比,不過佢讀書都好叻,入到港大㗎!

港姐 fNN
港姐 fNN

寶血會上智英文書院是一間天主教女子中學,以英文為教學語言,其他校友包括歐陽妙芝及魏綺珊等。畢業後,入讀港大營養學系。真係美貌與智慧並重啦!

港姐 60
港姐 60

拔萃女書院

麥明詩(2015年 – 冠軍)

「狀元港姐」麥明詩除咗親身引證咗咩叫「美貌與智慧並重」之外,亦證明咗「女大十八變」都係堅㗎!唔明?下面嗰張就係麥明詩當年榮登女狀元嗰陣嘅訪問相啦! 睇完會唔會明啲?

港姐
港姐

港姐
港姐

龐卓欣(2015年 – 亞軍)

2015年亞軍龐卓欣,都係女拔代表嚟㗎!同麥明詩一樣都係1991年出世,兩個仲係同學仔,畢業之後升讀美國曼哈頓音樂學院。喺名校Secrets仲有校友爆佢哋兩個原來係由細到鬥到大㗎!不過一世人流流長,呢round鬥完咪再鬥多round囉!一日未瞇埋眼都未知邊個先係最後勝利!

港姐
港姐

孫泳恩(1973年 – 冠軍)

女拔一次出兩個港姐,其實都唔叫最威!要數最威,梗係港姐史上嘅第一人啦!1973年,第一屆港姐冠軍孫泳恩,亦係女拔嘅畢業生!試問有咩犀利得過,創造咗一個冇人打得破嘅紀錄呀!

港姐
港姐

楊寶玲 (1987年 – 冠軍)

1987年嘅港姐 冠軍楊寶玲,喺女拔中學畢業之後,就去咗英國升學,返嚟再選 港姐 。佢當選之後,仲代表香港參加過兩大國際性選美活動,而且都攞到獎㗎!分別係世界小姐嘅「亞洲皇后」,同埋環球小姐嘅第五名。而家楊寶玲已息影,移居咗去美國,仲做埋媽媽添!

港姐
港姐

嘉諾撒聖瑪利書院

女拔出咗3個港姐 冠軍,係好厲害!不過另一間好低調嘅傳統名女校 – 嘉諾撒聖瑪利書院,其實都唔輸蝕㗎!咁多年嚟,出咗兩個 港姐 冠軍、一個季軍,仲有兩個最上鏡小姐,同一個視后,比起上嚟,一啲都唔遜色㗎!

郭羨妮 (1999年 – 冠軍)

郭羨妮喺港姐 史上都係一位具代表性嘅人物,本身係中英混血兒,喺聖瑪利一條龍由小學讀到上中學,之後去咗英國讀書,其後當選1999年香港小姐,同2000年國際華裔小姐冠軍,歷史性成為20世紀最後一位 港姐 ,同21世紀首位華姐,亦都係第二位同時獲得 港姐 同華姐冠軍嘅佳麗。

港姐
港姐

曹敏莉(2003年 – 冠軍)

平時談吐都好優雅嘅曹敏莉,唔止係當年嘅冠軍人馬,仲同時得到「國際親善小姐」、「鑽石肌膚獎」、「芙蓉美態獎」及「完美組合獎」,係「5料冠軍」嚟㗎!依家呢,就已經係3個小朋友嘅媽媽喇!

港姐
港姐

張可頤 (1994年 – 最具演藝潛質獎)

1993年,港姐新增咗個最具演藝潛質獎,不過只係搞咗兩屆,第一屆嘅得主係郭可盈,第二屆嘅得主就係張可頤,兩個選完美之後,都分別成為咗大台嘅當家花旦。畢業自聖瑪利嘅張可頤,仲喺2003年,榮登視后添! 演藝成就比同屆嘅冠軍譚小環高得多!

港姐
港姐

港姐
港姐

黃瑩同張可頤唔止係同屆佳麗,亦都係同學仔,係當年嘅最上鏡小姐得主。選完美之後,佢就留喺大台做主持同拍劇,不過多數都係做配角,最令人難忘嘅,就係佢係古天樂至今唯一承認嘅女朋友,而家已經淡出娛樂圈。

港姐
港姐

吳忻熹(1998年 – 季軍)

本來叫做吳文忻嘅吳忻熹,係98年嘅港姐季軍,而當年嘅冠軍就係已經轉投商界發展嘅向海嵐。選得 港姐 ,個樣冇理由唔睇得,但係喺2006年,吳文忻就接受咗100萬嘅酬勞,成為咗香港首位整容明星代言人,只少進行過6次整容手術,至於整完之後有冇再靚咗,就等大家自己判斷喇!

港姐
港姐

樊亦敏(1991年 – 最上鏡小姐)

久聞聖瑪利校風純樸,好鼓勵學生參與社會服務,學生出名心地好。1991年嘅最上鏡小姐 – 樊亦敏,就具備哂聖瑪利學生嘅俠義心腸喇! 早年劉家輝師傅中風之後, 被妻兒置之不顧,又被助手扣起收入及存款,孤立無援之際,唯一伸出援手就係一個交情唔算深嘅樊亦敏。當街攔截遞傳票,搵義務律師,照顧飲食,做咁多嘢,只係出於一個義字。

港姐
港姐

嘉諾撒聖心書院

郭藹明(1991年 – 冠軍)

90年代,高學歷嘅港姐只屬少數,91年嘅冠軍得主郭藹明就係其中一位。佢擁有美國南加州大學機械工程學碩士學位,仲係美國太空總署嘅兼職見習工程師,後嚟番咗香港選美,贏咗就順理成章入咗娛樂圈,第一套拍嘅劇,就係神劇《大時代》,識咗老公劉青雲,就連美國太空總署嘅正式聘請都放棄埋,1998年,就正式成為劉太。呢個有姿色,有知識嘅影帝背後的女人,就係聖心嘅畢業生喇!

港姐
港姐

潘芝莉(1996年 – 亞軍)

潘芝莉喺聖心由小學讀到上中學,畢咗業就去咗考空姐,喺1996年就參選港姐,同屆冠軍係高頭大馬嘅李珊珊。潘芝莉喺大台都拍過幾年劇,可惜都未做過主角,99年提前解約淡出。而家佢已經嫁咗人,仲生咗一仔一女,移咗民去澳洲。

01200000346324116689662264125
01200000346324116689662264125

協恩中學

佘詩曼(1997年 – 季軍)

佘詩曼喺協恩讀完中六,就去咗瑞士讀酒店管理,1997年畢業返嚟香港就即刻去咗選港姐,當年嘅港姐冠軍同亞軍,翁嘉穗同李明慧因為掛住爭老公,對娛樂圈無心戀戰,所以攞季軍嘅佘詩曼一卸任就被大台力捧,出道以來,幾乎拍親劇都係女主角,由畀觀眾踩佢唔識做戲兼雞仔聲,到成為有收視保證嘅視后,足見呢個協恩妹既有耐力又有有實力。而家佘詩曼,已經係大中華地區最叫好叫座嘅女演員之一。

港姐
港姐

陳淑蘭 (1988年 – 亞軍)

而家改咗名叫陳道然嘅蘭子,係1988年嘅港姐亞軍,兼最上鏡小姐得主,同屆冠軍係李嘉欣;同年蘭子代表香港參加世界大學小姐競選,獲亞洲大學小姐榮譽。卸任之後,蘭子完全拋開 港姐 包袱,轉型成為喜劇演員,90年代拍咗唔少經典喜劇,好似《家有囍事》同《霸王花》系列等。

港姐
港姐

聖保祿中學

蔡思貝 (2013年 – 亞軍)

蔡思貝曾就讀傳統修女學校 – 聖保祿中學,不過13歲就去咗紐西蘭升學,所以自細已經好獨立,之後再去德國讀大學,講到一口流利嘅德文。蔡思貝同同屆冠軍陳凱琳一樣,受到大台力捧,一卸任就一劇接一劇,係新一代嘅花旦接班人。

港姐
港姐

劉倩婷(2009年 – 冠軍)

劉倩婷都係跑馬地聖保祿中學嘅校友,喺英國倫敦大學經濟系畢業,之後喺國際知名嘅投資銀行做過分析員。當選港姐之後,做過主持拍過劇,2013年嫁咗畀著名堪輿學家李丞責,之後就以照顧家庭為理由,淡出娛樂圈。

港姐
港姐

瑪利諾修院學校

李嘉欣 (1988年 – 冠軍)

李嘉欣係中葡混血兒,亦係出咗名嘅大美人。選港姐之前,有傳李嘉欣係以2A(英文,聖經)7B 的會考成績,喺九龍塘瑪利諾畢業,成績一啲都唔失禮!出道以來,一直都係廣告商嘅寵兒,亦都拍過唔少大導演執導嘅電影。2008年,同商人許晉亨拉埋天窗,做咗豪門新抱;2011年,以41歲高齡生咗囝囝Jayden。

港姐
港姐

瑪利曼中學

李美鳳(1987年 – 亞軍)

當年有「電眼美人」之稱嘅李美鳳,曾經就讀灣仔名女校瑪利曼,不過15歲就移民咗去加拿大,直至大學畢業先返嚟香港選美,幾年間拍咗唔少劇集同電影,仲出過唱片。90年同林敏驄喺加拿大秘密註冊結婚,婚姻維持咗5年。96年改嫁鄭姓台商,生咗一對龍鳳胎,過住少奶奶生活。

港姐
港姐

延伸閱讀:

40日幼兒食譜大集合 媽媽又有新煮意

【升中派位2019】專家分享面試portfolio準備 全面叩門資訊

更多新聞