謝婷婷秘密產女後首度現身 V臉自拍完全睇唔出已做人母
2019年07月10日16:26

藝人謝賢之女謝婷婷嘅感情生活一直都受外界關注,上月初突然喺社交平台上宣布,已秘密產女3個月。其後一直「神隱」不露面,直至今日終於現身!謝婷婷上載數張相片,只見謝婷婷生完到而家已經變返面尖尖,完全睇唔出已做人母!

撰文:KM | 圖片:謝婷婷Instagram謝霆鋒weibo,新傳媒圖片庫

謝婷婷秘密產女後首度現身

謝婷婷上月初突然喺社交平台上宣布已做了媽媽,中間嘅時間謝婷婷都只係間唔中post囡囡嘅手仔、腳仔相,自己嘅相片就好耐無見!今日罕有地貼出自己相片,從相片中可以見到謝婷婷好似同未生b之前一樣,繼續面尖尖,一樣咁靚!

36歲謝婷婷宣布秘密產女

藝人謝賢同狄波拉囡囡謝婷婷嘅感情生活一直都受外界關注,以前曾高調同安志杰拍拖,可惜二人於2013年分手。其後,又盛傳同荷李活影星「鷹眼」謝洛美維納(Jeremy Renner)相戀,但男方最終否認戀情。近年已甚少在港現身的謝婷婷,自去年5月公開出席珠寶活動後,就未有再露面。今日,謝婷婷突然喺社交平台上宣布已做了媽媽,為不少人大為震驚!

謝婷婷
謝婷婷
藝人謝賢同狄波拉囡囡謝婷婷嘅感情生活一直都受外界關注,今日突然喺社交平台上宣布已做了媽媽

BB出世100日

謝婷婷「失蹤」近一年,今日就突然上載一張BB小手捉住大人嘅手指,更留言「You are my brightest light.」,並指「happy100days」 、「babygirl」,可見BB已出世3個月,更係女嚟,真係恭喜哂!

謝婷婷
謝婷婷
謝婷婷「失蹤」近一年,今日就突然上載一張BB小手捉住大人嘅手指,宣布已做了媽媽

謝賢:總之開心啦

對於謝婷婷突然誕女,其經理人表示要了解生B一事,而謝婷婷爸爸謝賢就表示「總之開心啦」。另外,謝婷婷分享相片冇耐,就有唔少藝人留言恭賀,包括丁子高、鍾嘉欣等。

謝婷婷
謝婷婷

謝婷婷
謝婷婷

延伸閱讀:

【湯水藥方】中醫爸爸治療女兒手足口病經驗分享

【白色強人】朱智賢自爆曾被胞兄打 望與對方互相尊重

謝賢獲頒「終身成就獎」

早前《第38屆香港電影金像奬頒奬典禮》,大會就率先揭曉今屆「終身成就獎」得主為謝賢。藝人謝賢雖然已82歲,但一直為香港電影及電視界默默耕耘,從1956年《遺腹子》飾演受盡後父欺凌,淒慘可憐嘅仔、1980年《千王之王》嘅「南神眼」羅四海、到前年喺電視劇《賭城群英會》中飾演向無名一角等,至今已從影67年,如今獲頒最高榮譽終身成就獎,可見佢喺香港電影及電視發展上有重大貢獻,恭喜晒謝賢!

謝賢
謝賢
謝賢獲頒「終身成就獎」

最成功嘅「代表作」–謝霆鋒

提起金像獎,好自然會諗起曾經攞過「最佳男主角」、謝賢大仔謝霆鋒。1979年謝賢同同為藝人嘅狄波拉結婚,先後生咗謝霆鋒同謝婷婷,不過二人最終都離婚收場。謝賢同狄波拉對仔女家教甚嚴,但偏偏霆鋒年輕時較為反叛,曾因「頂包案」而要入獄14日。雖然如此,但隨著霆鋒逐漸懂事,喺各方面都有唔同嘅出色嘅成就。

謝霆鋒17歲開始出道,憑著自己喺音樂方面嘅才華,喺香港樂壇打出一片天。除此之外,霆鋒喺影視領域同樣成就斐然,多次喺香港電影金像獎中獲獎。近年,霆鋒亦成功打造咗《鋒味》呢個品牌,更喺全球廚藝大賽中獲得冠軍。謝賢培育出咁優秀嘅仔,可謂係佢一生中最值得驕傲嘅事!

近年,霆鋒亦成功打造咗《鋒味》呢個品牌

謝霆鋒:爸爸係心中嘅「最佳男主角」

2010年霆鋒奪最佳男主角,感言中提及自己細個嘅時候,謝賢喺身邊不斷講自己拍過幾百小時嘅電視劇,幾百部電影。直到18歲時,霆鋒獲頒「金像獎最佳新演員」,當時佢放咗個獎喺枱面,反問謝賢「你有冇攞過金像獎?」點知呢番說話一直哽喺霆鋒心入面十幾年,霆鋒自知自己不知天高地厚,更對住鏡頭講:「希望佢原諒呢個不知天高地厚、無禮貌嘅小朋友,要湊大一個咁難教嘅細路、每日笑面迎人,你至係最佳男主角。老豆,對唔住。」

謝賢
謝賢

從前父子關係 不太親密

睇返謝賢嘅家庭生活,雖然當年佢同狄波拉離異,但離婚後一直保持友好關係;而謝賢由於多年來忙於工作,對一對子女謝霆鋒同謝婷婷相處嘅時間少,關係既遠且近。

謝賢
謝賢
謝賢由於多年來忙於工作,對一對子女謝霆鋒同謝婷婷相處嘅時間少,關係既遠且近

謝賢
謝賢

霆鋒同謝賢曾經喺節目中透露,兩仔爺嘅關係不太密切,問到謝賢有多了解兒子霆鋒時,佢指:「呢個好難講,因為我同跟佢真係唔係好熟,因為各自有工作,佢日日飛嚟飛去拍戲,有時候三、四個月都唔會見上一面,連電話都冇。」

謝賢
謝賢
謝賢曾經喺節目中透露,兩仔爺嘅關係不太密切

謝賢
謝賢

隱藏的父愛

到霆鋒返港時,其他人經常畀謝賢問點解唔同霆鋒一齊見面,謝賢答:「佢返到香港,當然係同佢朋友見面,年輕啲,成日跟著老人家冇意思,我從來唔會去麻煩佢。」兩人雖然不常碰面,甚至連對方嘅行蹤都要透過別人口中先知,但從字裡行間卻隱藏著滿滿嘅父愛。

謝賢
謝賢
謝賢其實好錫霆鋒

謝賢
謝賢

更加愛護爸爸

霆鋒曾透露,謝賢近年仍會親自收集有關自己嘅新聞:「最近這幾年,他一直覺得自己是我的負擔,幫不了我甚麼東西。可能是當了一輩子的明星,到現在覺得自己起不了甚麼作用,所以特別的沮喪、特別的不知道自己還活著幹嘛。」

謝賢
謝賢
霆鋒曾孖爸爸拍片講解獨特Fing蕉法源自童年回憶。

霆鋒表示,睇住爸爸一點一點變老,有好大嘅感受,「我是一個比較獨立的人,所以跟父母表達愛意那方面是很差的,但是爸真的老了,那我知道不應該等到一個人真的老了才對他好,所以希望這幾年有開始改變。」

謝賢
謝賢

謝賢疼愛兒子和孫兒

另外,謝賢表示,其實父子兩人自霆鋒5歲開始讀書時,都好少講嘢,冇咩家庭樂。「從他讀書至進入電影圈,我都是讓他自由發展。」問到謝賢認為霆鋒發生過咩事情,令佢感到遺憾或可惜時,謝賢更忍不住感觸落淚,謂:「 霆鋒真的很愛他的孩子,每次分開時,兩個孩子都不捨得跟爸爸說再見。」可見謝賢不但非常疼愛霆鋒 ,同時亦很愛護兩個孫子。

謝賢
謝賢
問到謝賢認為霆鋒發生過咩事情,令佢感到遺憾或可惜時,謝賢更忍不住感觸落淚
謝賢
謝賢
謝賢不但非常疼愛霆鋒 ,同時亦很愛護兩個孫子

送八千萬豪宅 作父親節禮物

霆鋒與謝賢兩父子感情要好,之前父親節前夕霆鋒為爸爸送上驚喜,以8,500萬購入淺水灣道怡峰低層海景單位送給爸爸,實用面積約1,939呎,呎價達4.3萬元,登記買家是謝家鈺 ( 謝賢 的原名),其實早年霆鋒曾送上價值500萬的勞斯萊斯名車予四哥。很多影迷大讚霆鋒的舉動超窩心,絕對是孝順星二代。

謝賢
謝賢

謝霆鋒謝賢父子Chok住爆笑鬥嘴

早前,由謝霆鋒主持嘅《鋒味》第二季中,霆鋒邀請老竇同契媽汪明荃擔任嘉賓,一齊煮飯仔兼傾吓計。節目中,呢對好勝父子不時互寸鬥嘴,場面非常搞笑。

謝賢
謝賢

節目中,霆鋒同老豆、契媽、內地影星張一山,一齊下廚煮飯俾「順德自梳女」。煮餸期間,謝賢同阿姐講起當年合作拍《千王之王》時霆鋒出世嘅情況。謝賢憶述,當時接到電話就即刻除低戲服撲去醫院,趕到醫院等咗15分鐘霆鋒已經出世。

謝賢
謝賢

不過,第一眼見到霆鋒後,謝賢第一句話竟然係:「咁醜嘅。」

謝賢
謝賢
第一次做爸爸,謝賢都難得感性透露:「但嗰日我一抱住佢,眼淚都出來了。」

一旁嘅嘅霆鋒即刻唔服氣大嗌:「似你囉。」連同場嘅阿姐都笑咗出聲。

謝賢
謝賢

謝賢
謝賢

之後,張一山踢爆霆鋒話謝賢認為他「唔夠型格」,謝賢聞言即刻話:「沒有,他,慢慢來。」霆鋒又話自細就聽太多老竇的「穿衣原則」,阿姐都忍唔住幫口:「那你肯定要聽他的(謝賢),他穿衣服很講究。」

謝賢
謝賢

謝賢
謝賢

另一邊廂,阿姐透露謝賢嚟緊又做演員,婆婆聞言大讚霆鋒與謝賢都好紅。謝賢就「彈」霆鋒只是「一般般啦」,一旁嘅阿姐都開口讚:「一代勝一代。」

謝賢
謝賢

好勝老竇聞言,就九秒九回答:「我唔識聽呢句話」,認真爆笑。

謝賢
謝賢

最後,霆鋒趁喺拍緊節目,但粗粗質疑老竇「一直戴著太陽眼鏡究竟睇唔睇到嘢」。謝賢二話不說脫下眼鏡,霆鋒就將太陽眼鏡拿到鏡頭前,讓觀眾一嘗老竇嘅視角。然後話:「今天的不算黑,平時戴那麼黑能不能看到?」謝賢見阿仔質疑佢多年不變嘅造型,直言:「(因為)我不想看到你!」

謝賢
謝賢

謝賢
謝賢

霆鋒聞言已無還擊之力,直接舉手投降,仲話老竇:「真係好百厭」,眼見呢對父子爆笑鬥嘴,連阿姐都忍唔住笑謝賢係「老頑童」

謝賢
謝賢

謝賢
謝賢

延伸閱讀:

FDA揭防曬品化學物可滲入血液 嚴選16款不含類雌激素安全防曬霜

更多新聞