全港首間!大快活電競登陸九龍灣E-MAX 打機兼飲啤酒食焗豬扒飯+直播房
2019年07月12日16:18

想一路打機一路食飯?九龍電競館同大快活聯手打造全港首間電競快餐綜合館,「大快活電競」已經登九龍灣E-MAX,佔地13,000呎,一共分為6大區域,包括電競區、直播區等,各位熱愛電競嘅玩家一定要試呀。

撰文:SL|來源:新傳媒資料庫、大快活電競

佔地13,000呎嘅「大快活電競」登陸E-Max

全港首間「大快活電競」由九龍電競館同大快活聯手打造,呢間電競餐廳已經登陸九龍灣國際展貿中心E-Max!「大快活電競」最特別嘅係可以喺打機途中,利用QR code落單,玩家就算唔使離開座位,都享受到美食。

佔地萬三呎嘅「大快活電競」設有六大區域,超過100個用餐座位同47個電腦位。

「大快活電競」六大區域

1.電競區

坐喺配備完善嘅電競區打機,打到肚餓,仲可以邊食邊玩。玩家利用QR code網上落單,就算唔使離開座位,都享受到美食。

電競區單人位置每小時只需$15 (金會員價)或$20(普通會員價)
玩到肚飯可以立即點餐

「網上點餐」服務,只需三個步驟:掃描座位上 QR code、網頁即時落單再以電子付款方式結帳,坐定定等待美食送上,搞掂!

掃描座位上 QR code、網頁即時落單
揀選自己想食嘅嘢
以電子付款方式結帳
阿活皇牌美食
阿活焗豬扒飯呀!

2.主舞台

主舞台設有10台電競對戰電腦同設置配備,對戰台前更裝咗10部LED高清電視播放比賽畫面。各位選手可以喺呢個專業嘅電競比賽場地進行交流。

3.用餐區

就算唔打機,都可以坐喺用餐區一路食嘢一路睇住人哋比賽。用餐區同主舞台相連,設有多部高清大電視,在比賽中能夠讓用餐者一同感受比賽嘅刺激。

非賽事時段可以睇重播賽事同電競新聞。

4.競吧 KE Bar

喺「大快活電競」入面仲有一個好特別嘅地方「競吧」。「競吧」由下午五點開到午夜12點,提供六款「黑鳶」本地手工啤酒!

提供六款「黑鳶」本地手工啤酒
下午五時營業至午夜12時的競吧
放咗工又有地方去啦!

5.直播區

「大快活電競」直播區設有三間唔同大小、配備自助直播設備嘅房間,入面仲有高質攝影器材。大家可以同朋友一齊直播,一嘗開Live嘅滋味。

小型房收費為每小時$200(金會員價)或$250(普通會員價);而大型房收費為每小時$350(金會員價)或$400(普通會員價)。

6.多用途房間

「大快活電競」入面仲有一間充滿未來科技感嘅多用途房間,可容納超過50人。客人可以喺呢度舉辦唔同嘅私人活動。

場地只需$2,888/天(會員價或非會員價)即可以於中午12時至午夜12點期間租用。

食客同玩家喺「大快活電競」的只要連上場內20GB高速wifi,就可即場參與場內定期舉行的電競比賽,同其他在場玩家一決高下。

「大快活電競」

營業時間:早上7時30分至晚上9時

地址:九龍灣國際展覽中心地庫1樓

延伸閱讀:

【韓劇推薦2019】上半年煲劇清單 5套必看韓劇精選|高質情節 粉紅CP 應有盡有

中環The ThirtySix Bar & Co $500周末調酒班+獨家餐單 |非常餐單

更多新聞