唐詩詠結婚先帶男友見家長
2019年07月24日03:00
唐詩詠感情事好謹慎,認定對方是結婚對象,才會介紹給家人。

【星島日報報道】身為「仁濟關愛大使」的唐詩詠(Natalie),昨日聯同一眾仁濟董事局成員於沙田區探訪獨居及隱蔽長者,大派愛心福袋。Natalie透露長者們會給予戀愛經驗,教路相處之道,反而家人唔夠膽畀意見,而自己認定為結婚對象前亦不會輕易帶男友見家長。

唐詩詠表示試過探訪長者及到訪外地的老人院獻唱粵曲,雖然自己不太懂唱粵曲,但知道長者喜歡聽,所以也會唱粵曲,更自嘲唱得難聽,她說:「他們見到我好似見到孫女,會叫我食多啲野,又問我呢排點呀?」唐詩詠笑指一班長者沒有問及她感情事,但會給予意見,又建議要少拗撬同多多包容,反而擇偶條件最重要心地善良、孝順。談到家人可有給予意見?Natalie坦言家人不夠膽講,爸爸好少出聲,她說:「哥哥同我講話爸爸好擔心我,但不敢跟我講,我都好少講,怕他擔心,自己都唔知點講。」當建議她有男友的話,帶同與家人見面,Natalie坦言有意結婚才會帶同男友跟家人見面,不想家人開心完後,變得不開心。對於被影到跟英識教育創辨人兼董事陳思銘約會,有指兩人一起逛超市又同居試婚,對此Natalie否認其事,她表示:「講咗好多次!張相冬天影,唔想再講!係一個朋友,當日有聚會,希望大家畀啲時間同空間我哋。如果個個響我身邊出現就係我男友,做我朋友會好大壓力。」談到報道指兩人買新居築愛巢,她說:「響我隔離就會話係我男友,被人影到在超市買餸就會話整燭光晚餐,但我都唔識煮野食。」對於陳思銘可會介意被指兩人拍拖?Natalie直言未有談論此話題。

問到可會相約馬國明?她說:「點解要約佢?啲人問我點解唔約馬明去街,佢哋唔好咁投入套劇啦。(馬國明有冇機會?)可能我唔啱佢呢。(兩人識太耐而無機會?)我無諗過。」

更多新聞