【大醬園】升呢女一 朱晨麗大支嘢辣㷫龔嘉欣
2019年07月25日10:53

打份電視台工辛苦就梗!更何況係上位小生花旦?捱更抵夜、廠景接外景、冇得沖涼冇得瞓覺、 請假都唔敢怕連累劇組是常識吧?不過凡事都有例外,據悉近年升呢做女一,朱晨麗恃寵生驕有鋪甩底請假癮,惹來《大醬園》台前幕後怨聲載道事實勝於雄辯,同劇的龔嘉欣在私人FACEBOOK出PO呻完再秒刪,一句「怕辛苦就唔好做演員」擺明抗議有人接連請病假唔專業累街坊!

撰文:東方新地 圖片:新傳媒圖片、IG

拍《大醬園》朱晨麗大支嘢 辣㷫龔嘉欣

入行十一年,一向直腸直肚有嗰句講嗰句,龔嘉欣近月大熱 天時趕拍三十集長劇《大醬園》,三十幾度要穿三層戲服頂硬上、 又自爆過勞耳水不平衡搞到入院,疑似身心俱疲卻見有人拍劇拍得疏肝隨時請假,終於爆煲,日前在私人FB帳號發表感言,抱怨有人拍劇唔捱得辛苦、暗示別人請假搞到自己捱義氣頂上,矛頭疑似指向早傳不和的女主角朱晨麗。

大醬園
大醬園
上位快是非多,去年攞埋台慶最佳 女配角獎,有傳朱晨麗恃寵生驕, 開劇做女一條件同阿姐級看齊,一 樣唔捱得經常臨場請假甩底。

大醬園
大醬園
拍完《大醬園》疑似終於捱完一肚冤屈氣,龔嘉欣在私人帳號fb呻完又秒刪,事後回應記者:「唔想呢件事再繼續發酵,我呢十年嚟都係咁捱,到依家冇變過,其他嘢唔講太多,唔想咁多是是非非。」

女一收買人心

雖然是個人帳戶、發文亦已經秒刪,嘉欣表示不願事情發酵拒絕評論,不過據知情人士透露,嘉欣指控絕無冤枉女主角、而同劇亦唔止嘉欣一個有怨言:「朱晨麗同龔嘉欣拍咗兩個月劇,一直冇乜偈傾,煞科慶功宴女主角朱朱做咗女主人,龔嘉欣就唔到個個都知發生咩事。其實唔怪得嘉欣,人拍劇佢拍劇,朱晨麗規矩多過人又成日請假。接劇之前已經好似阿姐咁講明唔接早唔接夜,要有足夠休息。拍拍吓又自己搵PA改期,全組人就佢一個,係得朱朱唔使入組白等;成日臨開工前唔夠一個鐘突然話請假,聽講因為大小姐有習慣一定要瞓晏覺,最離譜係有一次夜晚唔開廠話日頭拍劇中咗暑,但係PA睇過期表,嗰朝根本冇佢份囉!唔止嘉欣,根本台前幕後所有演員都被佢連累,但係啲前輩知佢上緊位無謂出聲、crew同PA就 成日畀佢萬歲請飲啤酒同食嘢,側側膊又就晒佢,最後咪得嘉欣一個夠guts表達講不滿囉!」正所謂雞髀打人牙骹軟,之唔係呢種。同人唔同命,其實龔嘉欣入行早過朱晨麗,憑自身努力奮鬥多年,16年終憑《幕後玩家》勇奪「最佳女配角》,論演技同資歷,絕不在朱朱之下,又難怪嘉欣睇唔過眼不吐不快。

大醬園
大醬園
日前龔嘉欣出 Po 指摘有演員唔捱得請 病假又累街坊,湊巧與工作人員外傳朱晨麗罪狀相符。

大醬園
大醬園
刪完個人帳戶怨氣PO,龔嘉欣再於公開帳戶發放正能量,順手講多一次「演員生活不容易」,有苦自己知。

大醬園
大醬園
朱晨麗雖然被指廣東話依然未 講得正,但去年憑《超時空男 臣》套「最佳女配角」,之後套套 劇都做女一,勢不可擋。

大醬園
大醬園
對足兩個月不和兩個月,上周《大醬園》慶功全體演 員都有出席,唯獨唔見與女一傳不和的龔嘉欣。

大醬園
大醬園

真 ‧ 入院

有指朱晨麗藉口中暑甩底入廠 拍劇,實情被踢爆與事實不相 符。反而龔嘉欣捱更抵夜日前 因為耳水不平衡入院。

大醬園
大醬園

大醬園
大醬園

捱病嘉欣獲得無綫多個小生花旦包括胡定欣、黃智雯、黃翠如等留言慰問,唯獨合作新劇的朱晨麗不聞不問。

贏民心

是非唔少好在朋友都多,龔嘉欣除咗幫少婦聯盟成員陳凱琳慶祝生日獲得好姊妹安慰完,好彩拍《大醬園》都同同姓三分親的龔慈恩啱嘴形。

大醬園
大醬園

延伸閱讀:

5個《反斗奇兵》不為人知的都市傳說 原來胡迪係鬼魂?

《Stranger Things 3》開播前必知3大重點 再次回到Upside Down世界

更多新聞