何廣沛生日 朱晨麗唔記得
2019年08月02日03:00
《8月星晨》生日派對於昨日舉行。

【星島日報報道】無線藝人部《8月星晨》生日派對於昨日舉行,眾壽星仔女包括劉江、何廣沛、譚嘉儀及林凱恩等等都有出席。明天就是何廣沛的31歲生日,他稱當日要開工拍新劇《愛美麗狂想曲》,整日都會對着李佳蕊。問緋聞女友朱晨麗可有表示?何廣沛透露昨晚會跟《大醬園》同劇的8月壽星食飯慶祝,朱朱竟叫他負責買生日蛋糕。他笑說:「我諗佢應該唔記得喇!我話生日自己買蛋糕,會唔會有點兒那過。佢仲反問我係導演生日,最後佢話自己負責番。」問到是否已習慣朱朱如此大頭蝦?他笑說:「佢係有自己一套,需要啲時間摸透。(佢願意畀你摸透?)嘩,咁露骨,我唔識答,要時間互相了解。」談到有傳朱朱跟龔嘉欣不和,他表示不知道,只知道早前《大醬園》煞科宴龔嘉欣因有事未能出席。此外,談到生日願望,他希望能夠儲夠首期買樓。

另外,譚嘉儀同樣是31歲生日,8月13日正日會跟朋友食飯慶祝,亦會與fans聚會慶祝生日。談到生日願望,她希望家人身體健康,開開心心,更希望今年能夠開小型音樂會。

更多新聞