湯洛雯敬業 贏拍檔激讚
2019年08月02日03:00
靚湯投入演出,獲黃浩然封為「一Take湯」。

【星島日報報道】湯洛雯(靚湯)臨危受命重拍《法證先鋒IV》,靚湯差不多連開20多日,雖然起初都因緊張過度不時NG,謙虛認真的「靚湯」其後愈演愈好大獲好評!就連對手黃浩然亦指其狀態大勇,更封她綽號為「一Take湯」!

因「安心事件」令黃心穎被即時叮走,連帶有她戲分的劇集《法證先鋒IV》亦要重拍,最終由上位花旦靚湯臨危受命頂上,靚湯早前在社交網宣布在一個月內已火速完成戲分,更留言指:「雖然過程其實真的是蠻辛苦,但有人跟我說成功須苦幹。」雖然早前有報道指靚湯壓力大而頻頻NG,還自嘲為「NG王」,不過拍攝中途她已成功洗脫污名,還被對手黃浩然大讚所有鏡頭已經是一Take過,封她綽號為「一Take湯」!

事實證明靚湯這次下了不少苦功,好像之前她跟陸詩韻拍攝一場外景戲,劇情講述飾演名媛的陸詩韻以調虎離山計避開記者追訪,因此飾演記者的靚湯需要追車,只見在鏡頭前跑來跑去的她亦毫無怨言。她說:「感受到做記者都真係幾攰,因為好多時都是走在最前線,我覺得係有少少危險。」拍攝初期靚湯的身形一度成為熱話,更有報道指她患上「不瘦降」。她笑說:「我睇到『不瘦降』覺得好搞笑,咁樣都食到字,犀利!好多外景都要跑,呢段時間當減肥囉。」

演技大躍進而獲好評的她感激拍檔黃浩然及譚俊彥,教曉她用方法記住冗長對白,所以減少一點壓力。由於補拍戲分都聚焦在她身上,問可有足夠時間休息?她說:「其實都唔會唔夠瞓,因為每一日開一組,大概12至16個鐘,仲有8個鐘私人時間。通常我用3至4個鐘睇劇本,咁我就有4個鐘瞓。」而當日拍檔陸詩韻也大讚靚湯表現相當不錯,很快進入狀態。問到是次重拍可會另有酬勞?陸詩韻說:「我都唔知,自己亦無理到。收到通知就盡量配合,最緊要套劇出到街,唔好白費台前幕後嘅努力。」問到再次拍劇會否戲癮大作?她笑說:「都會啊!如果有機會,希望可以做奸角,愈奸愈好!」

更多新聞