成世流流長真係總會愛上人渣?細數各種渣男特徵俾你帶眼識人
2019年08月02日00:00

唔好將對方渣嘅特徵 仲當成對方有個性

感情呢啲嘢,有時可以好純粹,有時又真係好複雜,人心要變起來,無嘢可以控制到。有時候感情最唏噓嘅,莫過於熱戀嘅時候幾乎成為對方嘅一切,但係隨著時間過去,總有一方開始變得無咁熱絡。如果呢個時候你都仲各種自我安慰,搵藉口來開脫對方嘅唔在乎,咁你就真係too young too simple啦!今日DailyView用網路大數據話你知,網友們都經歷過嘅渣男事蹟,至少你可以提前睇出唔對路,唔使等到對方係IG公佈婚訊,你先知道新娘不是你啊!

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

10. 行蹤不明又飄忽

明明話要喺公司熬夜開會,第日發現你西裝褸有張酒店餐廳嘅信用卡簽單,問你又話同個客去應酬食飯。你可以怪我多疑咩?轉過頭,你又話返屋企,返成三個鐘都未返到去,飛轉台灣都得啦!我點知你係出咗意外,俾人綁架咗架?現代人手機不離身,又點會真係幾個鐘無睇過訊息。當訊息覆都唔覆,當男友行蹤成謎,你真係要好好諗下會唔會係一個警訊。

image source:freepik

9. 覺得食軟飯好正常

喺呢個追求男女地位平等嘅社會,唔少獨立自強嘅女性都表示請過男友食飯,如果交往嘅係年下男,難免就由經濟能力較高嘅女方俾錢。係財力低潮嘅時候,由對方互相扶持當然係加深彼此嘅依賴。不過當一個男人長期由女人埋單,就顯得無擔當又無心。尤其如果對方仲為此感到非常驕傲,一啲都無打算發奮上進來照顧你,姐妹們,係時候睇清楚你嘅枕邊人啦!

image source:Youtube/TVB USA Official

8. 慣性射波又無擔當

男人最緊要有膊頭,可以擋得風雨,擔得起責任。所以當你留意到自己男友經常性射波,你就要謹慎評估同呢個人嘅未來。用個最實際嘅例子,萬一無端端搞大咗個肚,佢又會唔會勇於承擔責任,同你一齊面對呢個意外呢?唔係想俾男人咁大壓力,不過如果佢一有事發生,諗到嘅只有自己,想要馬上撇清關係,就真係建議盡快同呢類渣男斷纜啦。

image source:instagram/whatsticker.online

7. 對女人動拳頭

令娛樂圈「恆」字輩渣男正式留名嘅周永恆,之所以俾人非議除咗因為佢偷食,更大罪名係佢打·女·人!基本上會動手嘅男人,就代表性格上有某程度嘅缺陷。無論係鬧交鬧到惱羞成怒,定還是要用拳頭嚇阻自己女朋友,男人動手就係唔啱。當然除非女方有練開防禦術,普遍而言,男方係體能同力量上都有相對優勢,用傷害女人嘅方式來爭取主導權,簡直可恥!

image source:weibo/周永恆

6. 有女朋友仲到處flirt

有女朋友嘅男仔最忌同異性關係過好,偶爾為之嘅舉手之勞都仲可以體諒下,不過私底下仲會經常text,互send去玩嘅照片,咁會唔會太過唔尊重自己女朋友呢?如果你男朋友本身異性緣已經超好,係你明示暗示提過幾次情況下,都仲唔改變下情況,反而繼續好享受同異性朋友來往嘅曖昧關係,基本上就等同額頭鑿住個渣男兩個字,完。

image source:YouTube/ Man The Fvck Up

5. 基本上就係一隻行走嘅小木偶

跟住落來個五點就真係渣男起手式,基本上真心想同你一齊有未來嘅男仔,都唔會出現呢啲特徵。兩個人係埋一齊,信任係絕對關鍵。如果你發現對方講大話,或細或大嘅謊言,無論係善意嘅定還是有隱瞞成分嘅,你都要留心。因為講好聽啲,「唔話你知係唔想你胡思亂想」,但其實大家都知道,令女人胡思亂想嘅正正係點解你可以講大話講得咁自然。

image source:youtube/disneymovie

4. 人要自愛,而佢只愛佢自己!

網路上成日都話港女有公主病,但其實唔少男仔都有王子病,尤其嗰啲本身比較有自信嘅男仔,拍拖其實就係想搵嗰女人對佢死心塌地,對女朋友呼之則來揮之則去,根底上就係最愛自己。呢嗰特徵最難睇得出,小事上譬如平時出街做咩是咩都好就得女朋友,但係大事上就一定以自己為先,甚至會用糖衣來包裝自己嘅用意,姐妹們記住擦亮自己雙眼啊!

image source:pixabay.com

3. 拍拖嘅目的都係為咗一齊...訓

如果你地拍拖行為僅限於對方屋企、如果你地出街最後嘅結尾一定係上床、如果對方一啲都唔積極參與你嘅生活,如果你開始懷疑自己似對方SP多過對方女友,咁十之八九,你男朋友口中嘅拍拖,其實就係為咗搵個人上床。講真,呢啲嘢你點會feel唔到?對方係咪用心對你,你一定知道。最重要嘅係唔好自己呃自己,趁早清醒過來做正確嘅決定啊!

image source:freepik

2. 成日都覺得:千錯萬錯都唔係我嘅錯

俗語有云:「錯就要認,打就要企定」,係男朋友心目中,有種錯叫千錯萬錯都唔係佢嘅錯,小事諸如:遲到都是因為塞車啊、會放你飛機都是因為啊邊個邊個太臨時約,甚至大事上:我地曖昧都係因為嗰女仔自己貼埋來,如果你都證據確鑿你男朋友做錯事,你就唔好再曬時間聽佢辯駁啦,及早放生佢,還自己自由吧啦。

image source:image source:youtube/Rainie Yang's Official Channel認清渣男面目就盡快分手啦!

「贈你八字箴言:及早斷纜 回頭是岸」

S.H.E都唱過「人無法決定會為誰動心 但至少可以決定放不放棄」,喺情場上黑仔嘅除咗遇到錯的人,最怕就係你當局者迷,明明呢段感情都已經著曬紅燈,你都可以視若無睹,仲一味向前衝。再加上女孩子都有某程度嘅母性,好容易激發性格上嘅救世主精神,覺得自己可以導一個渣男向善,但最後往往都係流著淚離開。唔好咁傻啦,及早抽身,回頭是岸啊施主。

分析說明:

本研究資料由《KEYPO大數據關鍵引擎》提供,分析時間範圍為2019年05月03日至2019年07月31日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『渣男特徵』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

更多新聞