北角馬來菜:【北角抵食南洋風味小店!必食叻沙湯麵!】- 南洋麵屋
2019年08月06日14:42

北角抵食南洋風味小店!必食叻沙湯麵!

就算住港島都可以食到高質抵食南洋菜,呢間小店座位都坐得幾寬敞唔會話太逼,餐牌上食物種類好多,又可以自己配搭粉麵,揀起食物上黎都幾頭痛。呢間餐牌上價錢都親民,加上晚市唔洗比加一,所以價錢吸引唔少街市去食。呢間菜式款式好多,有泰式、越式、馬來西亞菜,例如有生蝦、蒜蓉雞翼、肉骨菜等,諗唔到食咩菜黎呢間多國亞洲菜餐廳就岩晒啦!

▲小食拼盤($108):諗唔到揀咩小食,樣樣都想試啲呢個拉盤就岩日啦!有炸蝦餅、炸雲吞都不錯、春卷同雞翼各4件。

▲自選大蝦叻沙摻摻($68):湯底有特別,食落有雞湯味同啖啖椰香味,唔會話好辣,而配料都豐富有豆卜、蛋、厚切魚片、生菜。

▲馬沙文咖喱牛腩配白飯($68): 除左白飯之外,客人仲可以揀要薄餅唔要飯,咖喱味香濃而且牛腩好軟身,最緊要係多薯仔!

▲南洋肉骨茶配油麵($68):肉骨茶湯底好香濃,食落有淡淡既藥材味,而且肉質容易咀嚼,可以揀配白飯或者油麵一齊食。

▲大蝦撈麵($68):客人可以揀配油麵或者檬粉,撈麵份量好多,配埋小店特別調出黎既醬汁,食落甜甜地好開胃!

▲泰式豬肉碎生菜包($58):肉碎、洋蔥加椒一齊炒香,食落去好香口,客人可以揀辣或者唔辣,而提供既生菜量最少包到10件。

南洋麵屋

地址:北角渣華道90號地下

營業時間:11:00 23:00

電話:39973391

文字來源:香港人.遊香港/圖片來源:@imfoodie_diary、@bbbigs、@im_kk401、@we_eat.it

更多新聞