家輝曬太陽同古仔鬥黑
2019年08月08日03:00
張家輝、吳鎮宇、古天樂三大影帝新戲鬥演技。

【星島日報報道】由三大影帝古天樂、張家輝及吳鎮宇主演的電影《使徒行者2諜影行動》前晚舉行首映禮,三位主角聯同一眾演員馬德鐘、王君馨、袁偉豪、張寶兒等齊出席,英皇集團主席楊受成博士與太太陸小曼也現身支持。

張家輝和古天樂為了電影曾到緬甸取景拍攝動作戲,二人均表示不辛苦,古仔大讚動作導演錢嘉樂事前安排得好,但拍攝最後一場爆炸戲時右手受傷,他說:「隻手㩒咗落去玻璃碎度,係咁流血,因為驚傷到神經線,就縫了三針。」在旁的吳鎮宇搞笑謂:「三針?唔好講啦!我拍鋸扒戲傷手指尾都縫兩針,我唔放心響元朗,所以要去瑪嘉烈醫院睇,仲要坐直升機。」

家輝則笑謂自己只有跳樓梯戲,曾揚言拍該片曬黑不少的他,笑言為了跟古仔膚色相近,所以在西班牙取景拍攝期間不停曬太陽,但始終膚色低過古仔兩度。古仔聞言即說:「我怕打燈人員打得辛苦,我唔曬燈就番佢,不停狂敷面膜。」

提到謝安琪開個唱,但不少觀眾揚言只會買他做嘉賓的場次門票,古仔說:「我唔知,有特別野做。」身旁的經理人亦表示未知,仍洽談中。談到田蕊妮開個唱也想邀請他任嘉賓,古仔亦表示真的不知道,不過吳鎮宇又搭嘴笑指自己有個音樂劇,也會叫古仔演一、兩場。問到古仔演甚麼角色?吳鎮宇說:「唔知㗎!睇下是日餐單,所以謝安琪、田蕊妮唔好問住,音樂上都有明爭暗鬥。」

更多新聞