黃子恆自爆病毒纏身險死 網民:係咪生x病?
2019年08月14日17:50

黃子恆(Hugo)去年被爆偷食內地女fans發生性 行為,捲入桃色風波後導致形象插水,經過短暫「雪藏」,黃子恆今年6月「復出」拍攝新劇《愛美麗狂想曲》。不過日前佢自爆健康響起警號,喺IG自爆透露月前飽受病毒困擾,一度出現睡眠呼吸困難,更說係有生以來感覺離死亡最近嘅一次⋯⋯留言出街後,不少藝人及fans都留言問候,但也有網民睇到不禁問「係咪生x病?」

撰文:東方新地 圖片:新傳媒圖片、IG

黃子恆 捲入桃色事件

黃子恆去年年尾被爆搭上內地女粉絲Michelle,二人兩度發生性 行為後,女方自稱懷孕及要墮 胎,而黃子恆卻一直玩失蹤。女方無奈下向傳媒爆料,揭發黃子恆的渣男行徑,令其形象跌入插水。黃子恆事業受挫之餘,健康亦響起警號。日前佢喺社交網發文,透露月前飽受病毒困擾:「數月前開始,身心均受病毒纏繞,久治未愈,期間有次睡眠中呼吸困難,不得不打999求助,這是37年來感覺最接近死亡的一次,期(其)後只好開始服用鎮定劑紓緩。」佢話唔需要富貴榮華,只求身體健康,並表示現時會更注重健康飲食,及保持運動習慣。

留言出街後,不少藝人好似洪永城、龔嘉欣、何廣沛以及不少fans都留言問候。

睇返黃子恆近月IG,雖然未見暴瘦或病容,但就見佢勤力做運動,不時約朋友朋友行山、踢足球、打網球,生活好健康。

今年6月,陳豪、李佳芯、蕭正楠、曹永廉等為新劇《愛美麗狂想曲》試造型 ,被雪藏多時的黃子恆都有份出席,正式復工!

之不過有報道指《愛美麗狂想曲》已開工,但從演員們的IG Post未見黃子恆的蹤影,未知黃子恆是否被飛出劇組,抑或受健康影響而未有開工。

現年36歲的無綫藝人黃子恆係近年大台力捧小生之一,先後於兩大重頭劇《降魔的》(2017)和《飛虎之潛行極戰》(2018) 飾演奸角,演技備受讚賞,加上本來外型不俗,令佢多了不少粉絲!

桃色事件男星
桃色事件男星

桃色事件男星
桃色事件男星
劇中黃子恆與麥明詩呢一對十分討好。

內地女粉絲爆料 黃子恆送禮物兼發生關係

不過去年有報道指,一位名為Michelle的28歲內地女子,自稱係黃子恆的忠實粉絲,透露前年4月在廣州粉絲聚會中,首次與偶像見面,之後二人一直透過微博聯絡。Michelle稱一星期後有禮物送俾黃子恆,所以相約於深圳一酒店式住宅會面。Michelle向傳媒爆料時表示,當時她認為黃子恆係一個公眾人物,覺得對方不是壞人,所以放心前去。最後兩人先後洗澡後,在床上發生關係。不過在發生關係後,黃子恆半年來都未有同佢見面,只係間中閒聊幾句,亦未提及二人關係。

內地女粉絲Michelle爆黃子恆大鑊!

回復朋友關係 再發生性行為

報道稱,Michelle與偶像發生關係後卻被冷待,傷心得足不出戶、茶飯不思,後來事件在粉絲群組爆出,黃子恆為平息事件,承認雙方是好朋友,不過中間發生了誤會。Michelle聲稱去年1月時二人回復朋友關係,7月又再相約在深圳見面,並發生了第二次性行為!

兩人第二次見面即發生關係……

粉絲鬧爆「渣男」揚言要黃子恆失業

發生第二次性行為後,黃子恆再次玩失蹤,但Michelle不久後卻發現自己懷有身孕,但男方至今都未再有任何回覆。Michelle直斥黃子恆是一個「渣男」,誓要把事情鬧大,揚言要影響男方事業!Michelle表示手握對方做錯事而哭訴的語音檔案及留言,又稱將會選擇墮胎。

曾聲淚俱下道歉

Michelle又大爆黃子恆的語音檔,原來兩人玩facetime時,黃子恆曾以普通話及廣東話喊晒口道歉,內容大致上是道歉、好抱歉做出傷害對方之事,他不知道怎樣面對,怎樣去彌補。

黃子恆認曾發生關係:做足安全措施!

事件曝光後,男主角黃子恆接受傳媒訪問時,承認的確曾與Michelle發生性行為,但就只有一次,而且有做足安全措施,不介意去驗DNA以證明自己的清白。黃子恆又謂控制不了對方的行為,只希望謠言不要再散佈。

黃子恆只承認兩人發生過一次性行為,且有做足安全措施!

黃子恆現身回應 稱會負責任

黃子恆之後為新劇《機場特警》開工,被大批傳媒追訪,黃子恆稱與該女粉絲已經年半冇見面,不過如果對方所說的事真係有發生,佢會負責任。又會如果有需要驗DNA,佢亦都會配合。

另外有報道指無綫高層樂易玲已叫黃子恆暫時先冷靜及專心工作,《機場特警》劇監製陳耀全亦表示唔會刻意刪減其戲份,但兩年前佢介入歌手裕美婚姻,如今又再爆出負面新聞,無綫方面隨時唔再容忍,黃子恆演藝生涯危危乎!

迪子鬧爆黃子恆:「唔係男人! 」

黃子恆的桃色新聞爆出後,一直餘波未了,有指佢曾經睇中過擁有35E火辣身材的歌手迪子,曾經喺半年內先後約過迪子三次,氹對方去佢屋企「提供服務」!雖然迪子拒絕,但不久後黃子恆又搵新藉口,話邀迪子上佢屋企喺Big Big Channel開live,不過迪子再次拒絕。

黃子恆第一次話要服務,第二次話上佢屋企飲酒,第三次就話唱歌開live……
迪子接受傳媒訪問時承認此事,嬲爆話黃子恆冇風度又唔尊重人,「佢唔係男人」。

2016年被指介入裕美婚姻

其實黃子恆都唔係第一次出現負面新聞了,2016年時佢被指介入裕美與老公林恩浩的婚姻,兩人被拍到一齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,猶如新婚夫妻般甜蜜,最後裕美更留低過夜!

桃色事件男星
桃色事件男星

桃色事件男星
桃色事件男星

延伸閱讀:

OVERLAB季度大減價 新蚊獨家半價掃Supreme!

鬼節唔想撞鬼? 絕對不能犯的「鬼節20禁忌」|新蚊生活百科|

更多新聞