譚俊彥曾被狄龍罰困狗籠 拒做嚴父家庭至上
2019年08月19日17:51

提起譚俊彥(Shaun),大家都會加上「狄龍個仔」呢4個字。貴為星二代、現年38歲嘅譚俊彥入行19年,自早年簽約TVB做親生仔,套套劇都孭重飛,包括正在播放嘅《包青天之再起風雲》,一嘗相隔24年、與父親挑戰同一角色!不過,譚俊彥直言曾聽到不少冷言冷語,有人認為他憑什麼擔正做男主角,但他會更努力去工作,證明自己是肯做、有實力的演員,而不是靠父蔭上位。Shaun成長經歷加多年演員生涯認清目標、希望把家庭和兒 女放在第一位!

撰文:東方新地 圖片:新傳媒圖片、微博IG影片截圖

譚俊彥入行19年拒靠父上位

譚俊彥4年前與內地舞台劇演員任祉妍結婚,先後誕下女兒 Renee同囝囝Rex湊成好字,為爭取更多家庭相聚時間、亦都為父母狄龍、 陶敏明更多機會享受湊孫樂,譚俊彥決定簽約無綫回港拍劇。頭頂星二代光 環、又被指機會多靠父蔭,譚俊彥否認之餘,亦曾在訪問中表示個人事業發 展父親從來沒有插手,相反父母都是圈中人、成長經歷父親經常缺席,錄影 無綫節目《爸爸的告白》更透露年幼時,狄龍為教仔曾經把他與惡犬共囚狗 籠半粒鐘做懲罰,經過多年,對兩父子來說依然是心中一道疤痕。

譚俊彥
譚俊彥
《包青天再起風雲》熱播中, 另有兩劇剛剛煞科, 難得放假幾日,譚俊彥日日黐實老婆仔女, 日前放低1歲細仔在家帶4歲大女出街。

譚俊彥攬實老婆、老婆拖實囡囡,兩公婆目光同 樣放在四歲大女Renee身上,幸福 就係咁簡單。

譚俊彥童年被狄龍困狗籠

去年父親節譚俊彥孖父親狄龍上節目《爸爸的告白》互訴父子情,講到小時候譚俊彥因太百厭被狄龍罰困狗籠,譚俊彥話當年佢同隻都柏文困埋一齊,驚到發燒,而狄龍就指呢件事亦係佢心中嘅一道疤痕,更向譚俊彥道歉謂︰「係爸爸唔啱!其實我後來都了解到用呢類壓力式方法去改變一個人,只會令佢驚,但唔會令佢了解到事情嘅真相。」兩父子借機冰釋前嫌。

譚俊彥
譚俊彥

譚俊彥
譚俊彥

謝絕應酬家庭至上

如今譚俊彥長大成人,育有一對兒女,狄龍大哥從嚴父嚴父變成溺孫爺爺, 而譚俊彥就經常話要對一對仔女愛護有加、因才施教、不過度縱容以外,最 緊要都係教養親力親為,盡可能陪在兒女身邊長大。近日未有新劇開工,有 個短假放的譚俊彥就幾乎謝絕所有應酬,全天候留在旺角家中陪在家人身 邊。日前與太太計劃女兒Renee專屬日,更提早叫定父母來到家中幫手照顧 幼子才放心外出。兩公婆帶住囡囡先遊尖沙咀、再食個蘭州拉麵做晚餐,大 半日雖然消費不高睇多過買,不過見到Shaun一手搭住老婆慈愛目光則離不 開女兒,4歲Renee就去到邊都黐實爸爸笑逐顏開,溫馨又幸福。

譚俊彥自爆成長父母忙於工作、少見少溝通更試過被困入狗籠,成家立室後立志不會缺席兒女成長,每年又會帶埋父母一家六口外遊旅行,盡量彌補家庭時光。

有仔又有女,依然希望兒女 各有父母專屬日,所以日前 譚俊彥計劃帶老婆同囡囡外 出,就叫定爸爸狄龍及媽媽 陶敏明上門幫手湊細仔 Rex 。

狄龍上門一粒鐘後便見 Shaun一家三口出動,一家人買完飲 品上車再去尖沙咀行街,然後簡簡單單食餐拉麵做晚餐。

日前放假在家,連日來譚俊彥除了跑步健身就係陪 老婆同湊女。兩公婆外出用膳,囡囡全程黐實爸爸,譚俊彥無不耐煩之餘亦樂於讓老婆安心用餐。

烈日喪跑

除咗家庭樂時間,每日譚俊彥指定動 作係在寓所附近練跑,其中一日無懼 正午12點烈日當空,照跑成粒鐘。

與太太當年在內地拍劇相 識,拍拖結婚多年都係咁 恩愛,兩公婆背後仲有形 狀近似疑似定情紋身。

延伸閱讀:

82歲謝賢有助手貼身陪健身 孝順仔謝霆鋒親自物色

親子共讀助幼童認知發展 專家教你挑選合適圖書

更多新聞