【她她她的少女時代】姚嘉妮陳年亞姐舊照出土 網民:係咪整過嚟?
2019年08月21日17:02

無綫劇二十集愛情小品劇《她她她的少女時代》剛開播,劇中無論係田蕊妮嘅失婚中女、曹永廉嘅軟弱偷食男都演得入木三分,不過仲有一位相當搶眼的女角就係姚嘉妮。唔講大家未必記得,嘉嘉其實係1998年亞洲小姐季軍,雖然入行以來星運平平,但勝在有樣有身材。嘉嘉仲愈大愈靚,依家嘅佢身兼多職,唔止係一名演員,仲係索媽媽、KOL及童裝店嘅老闆娘。好啦唔講咁多,即刻送上大量姚嘉妮長腿靚相俾大家欣賞!

撰文:東方新地|圖片:劇照、電視截圖、新傳媒圖片

姚嘉妮《她她她的少女時代》演知性美女

姚嘉妮(嘉嘉)在《她她她的少女時代》飾演張智強胞妹張智靈,是位時尚又有錢嘅女人,與方迎風(田蕊妮 飾)是姑嫂關係也是好友,之後會同健身室老闆董學弘(羅天宇 飾)有感情線。

羅天宇飾演一對

羅天宇在新劇《她她她的少女時代》中,飾演一名有錢、靚仔兼成熟的健身公司老闆,劇中他一直喜歡姚嘉妮,卻被誤會喜歡田蕊妮,結果鬧出不少笑話。

泳裝上陣

嘉嘉在之後有場戲講佢在泳池中來回游水,上水後鄭啟泰輕吻她臉頰,據知,當日拍攝時只有17度,落水好凍,不過嘉嘉拍攝前幾日勤做sit up同控制飲飯,大騷fit爆身形同馬甲線﹐故出來效果都好靚,觀眾一定要留意喇!

98年亞姐季軍

回到那些年,姚嘉妮1998年參加亞洲小姐獲得季軍,之後成為亞視旗下藝人,至2001年轉投無綫。

當年冠軍羅麗莎、亞軍黃敏燁。

姚嘉妮
姚嘉妮
當年好似仲係單眼皮?

那些年泳衣照出土

姚嘉妮出道後星途平平,不過勝在樣貌身材出眾,年輕時拍唔少性感照,其中更唔介意拍含雪條意淫相,可以話係含雪條女星始祖!

姚嘉妮一雙美腿確係最煞食!大家慢慢繼續睇相,但記得睇到最後!

激罕性感照重溫

姚嘉妮早年曾為本刊拍過一輯性感照,漁網絲褲肉搏男模,當時嚟講都算大膽……

肉搏男模

2006年同林祖輝拉埋天窗

嘉妮接受傳媒訪問時,表示當時喜歡作風相對低調、給人感覺穩重成熟的林祖輝,當時林祖輝三十出頭,比嘉妮年長十幾年,當然能夠俾到呢位小妹妹莫大安全感!

姚嘉妮被林祖輝的成熟穩重吸引,而林祖輝據稱當年喺太太選亞姐時已對其一見鍾情,之後力追伊人。嘉嘉又大讚老公為人忠直,所以有唔少關係好長久的朋友,就好似黃子華咁。兩人拍拖七年後,於2006年拉埋天窗。

育有一子一女

姚嘉妮與林祖輝婚後育有一子一女,現時姚嘉妮除了幕前演出外,嘉嘉同老公林祖輝喺2013年合力搞童裝生意,而家已經有六間分店,其中一間分店仲超過一千呎!有指早前更加透露有意上市,一邊做藝人一邊做老闆娘,真係豬籠入水。

擁大量男性fans

姚嘉妮今年8月就踏入41歲,不過樣貌身材都keep得非常好,聲線比較嬌嗲,另外一雙修長美腿更是老中青觀眾通殺!雖然多年來星途平平、發展一般,不過吸納大量男性fans!

姚嘉妮當年由亞視轉過去無綫,主要係拍劇同埋做主持,自2013年開始入加《都市閒情》。姚嘉妮樣靚身材正,不過近年拍劇唔算多,幸好每次演出都成功令觀眾關注,2017年在《超時空男臣》的演出亦獲激讚!

姚嘉妮
姚嘉妮
姚嘉妮在《超時空男臣》飾演財團老闆娘郭鳳嬌

40歲演MK妹冇違和感

而去年40歲的姚嘉妮喺《BB來了》飾演過氣MK妹陪月員朗朗,性格開朗跳脫、外形窈窕亮麗,一身青春打扮完全冇違和感,令人留下深刻形象!

《BB來了》演長腿MK妹

《BB來了》講述一對新手父母面對湊B的種種困難、應付長輩等的故事,勝在情節夠貼地,觀眾們都勁有共鳴!當中劇情講到盧苑茵為Ali請陪月員,點知姚嘉妮飾演的陪月員一出場,大家都睇到O晒嘴…

姚嘉妮
姚嘉妮

啡金長髮、魚網上衣、熱褲、拖鞋…

姚嘉妮一頭啡金長髮、魚網上衣、熱褲加拖鞋打扮,完全似一個典型「MK妹」,邊度似陪月員呀?

姚嘉妮
姚嘉妮
姚嘉妮就話自己個角色會一路去到尾,而且有一啲複雜背景同不可告人的秘密,唔知係咪同吳家樂有關?

姚嘉妮
姚嘉妮

扮學生妹一樣無問題!

《都市閒情》長腿吸睛

無綫節目《都市閒情》觀眾以為家庭主婦,但近年都吸納不少男觀眾,佢哋為嘅係睇一眾索女主持,除了大家熟悉的彭慧中,姚嘉妮亦吸引唔少男觀眾追捧!

姚嘉妮
姚嘉妮
姚嘉妮集集長腿高踭鞋上陣,非常吸睛,節目內容反而係其次!

延伸閱讀:

湯洛雯發愁爆相 舊情人羅天宇留曖昧密碼惹復合傳言

35E莊端兒DeepV泳衣迫爆北半球 巴打:大到夾死蟻!

更多新聞