葵涌西餐:【葵涌價錢平民超高質西餐!打工仔Lunch之選! 】- Elephant Kitchen
2019年09月28日13:29

葵涌價錢平民超高質西餐店!打工仔Lunch之選!

呢間餐廳好細間,只可以容納到大約20個人,而餐廳是開放式廚房,客人可以睇到廚師煮食。呢間西餐小店野食質素好高質,價錢又好抵食,所以都好多人排隊嫁!午餐包餐飲或湯,而晚餐套餐包沙律加餐湯加飲品,餐湯和沙律是每人一小碗。呢度建議大家揀餐湯呀,比起出面啲西餐好濃味同埋落足材料!午餐價錢大約$50-$90,而晚餐價錢大約$65-$190。

▲原隻海蝦龍蝦汁意大利粉($95晚餐價,可加$20升級套餐):龍蝦味汁好濃味又多汁,意粉食落唔會太乾。蝦有成2大隻,每隻都啖啖肉!

▲黑椒美國Prime半熟牛肉意大利粉($90晚餐價,可加$20升級套餐): 忌廉汁意粉係呢家店最好食既意粉汁,半熟牛肉份量都好多!

▲德國咸豬手($140 晚餐套餐價):豬手皮好脆,亦都好多肉,另外仲有好多配菜,例如紫薯蓉。大份到個份量一個人食會食唔晒!

▲卡邦尼($85晚餐價,可加$20升級套餐):卡邦尼醬汁唔會太多或者太少,完全夠撈晒成碟意粉,醬汁超creamy同埋意粉唔會太硬太軟,另外會有隻蛋比客人自己撈,可以自己選擇落唔落蛋落個意粉度。

▲燒刺身級三文魚排($140 晚餐套餐價):三文魚個魚皮煎到好脆,但三文魚肉唔會好乾,可以鎖住到本身既三文魚汁,廚師煎到不老但入面又全熟!

Elephant Kitchen

地址:葵涌梨木道102-116號葵寶大廈地舖

營業時間:11:30 15:00/18:00 22:00

電話:23253113

文字來源:香港人.遊香港/圖片來源:@betbetmo、@kennethtt00、@malei、@arbich

這篇文章 葵涌西餐:【葵涌價錢平民超高質西餐!打工仔Lunch之選! 】- Elephant Kitchen 最早出現於 香港人遊香港

更多新聞