聖誕活動2019:【MegaBox Melody聖誕燈飾!陪你過一個粉紅聖誕!】- MegaBox
2019年11月08日14:18

就嚟到聖誕節,好多商場都已經籌備緊唔同嘅聖誕活動,其中九龍灣嘅MegaBox就同日本公司Sanrio合作,準備將商場打造成一個以「My Melody」為主題嘅聖誕城。其中聖誕樹就當然唔少得,一棵逾25呎高嘅紅粉雙色聖誕樹會座落喺L5嘅中庭,上面掛滿My Melody嘅造型燈飾。另外Melody嗰頂粉紅色嘅帽相信大家都好熟悉,到時商場入面就會有一間帽子店,喺櫥窗入面展示多款唔同嘅My Melody帽,仲會展出埋故事手稿,My Meloday嘅fans絕對唔可以錯過呀!

▲My Melody浪漫閃亮聖誕機動裝置,分有紅色同粉紅色兩邊區域。

▲粉紅小鎮入面,會有12呎高粉色My Melody造型帽子店,展示多款My Melody帽同埋故事手稿。

▲紅色小鎮入面,會有My Melody聖誕夢幻雪橇,係個打卡好地方,隔離仲有My Melody珍藏品店,展出經典My Melody精品。

▲My Melody唯美閃亮聖誕燈飾,到時正門兩邊會有8呎高嘅聖誕樹同埋可愛Meloday燈飾,唔打卡都對唔住自己。

▲一邊嘅My Melody戴住紅色帽,另一邊嘅就戴住粉紅色帽。

▲每日黃昏之後就會亮起高密度嘅燈飾。

▲聖誕一到,My Melody就會包圍成個商場。

▲My Melody戶外浪漫燈影花園,同商場入面嘅聖誕機動裝置一樣分有紅色同粉紅色兩邊,絕對會成為打卡熱點。

▲心形長廊再加上喺夜晚嘅燈飾,同伴侶企喺入面,真係諗下都覺得浪漫。

全港首個MY MELODY 浪漫閃亮聖誕機動裝置

日期:2019年11月8日至2020年1月1日

地點:MegaBox L5中庭

MegaBoxMY MELODY戶外浪漫燈影花園

日期:2019年11月8日至2020年1月1日

地點:MegaBox L5戶外平台

MY MELODY唯美閃亮聖誕燈飾

日期:2019年11月8日至2020年1月1日

地點:MegaBox 戶外正門、東門及東西冀地下

MY MELODY繽紛派對攝影區

日期:2019年11月8日至2020年1月1日

地點:MegaBox L9 MegaKids Bazaar

文字來源:香港人遊香港/ 圖片來源:MegaBox

這篇文章 聖誕活動2019:【MegaBox Melody聖誕燈飾!陪你過一個粉紅聖誕!】- MegaBox 最早出現於 香港人遊香港

視頻精選
更多新聞