盤點網民最愛十大女團門面,周子瑜遠遠拋離穩坐第一!
2019年11月08日00:00

女團十大門面 有無你心水嗰個?

有留意開韓團都應該知道近排韓國女團比賽節目Queendom好紅,話就話係比賽,不過其實大家重點都唔係放最終結果,而係好開心有機會俾呢幾個女團表現唔同嘅風格俾大家睇,韓團競爭咁大,要喺芸芸團體入面突圍而出,真係唔容易。呢個節目入面唔少舞台令人眼前一亮,可以話係再次吹起一股女團熱潮。相信大家都知道韓團每個成員都有明確定位,例如主唱、舞蹈擔當,門面等等。雖然每個人眼光同標準都唔一樣,不過可以被公司選做門面,都唔會差得去邊。今日等我哋用網路大數據分析吓,喺最近5年出道兼且仲有活動嘅女團門面入面,香港網民最愛嘅係邊十大門面啦!

DV小教室:網路溫度計透過《KEYPO大數據關鍵引擎》,觀測、爬梳港澳地區近萬個網站、頻道,其中包括新聞頻道、各大討論區、FB、IG以及Blog,從中取得資料樣本數,並以AI語意程式作數據分析。「網路熱度」為主題項目相關的網路posts和comments ,數值愈大代表主題項目的討論度愈高。

10 (G)I-DLE 舒華(104筆)

Queendom其中一隊參賽女團(G)I-DLE入面有三個外國成員,舒華就係其中一個。來自台灣嘅舒華唔少神級飯拍被喻為「非粉存系列」,就算唔係fans都忍唔住收藏佢嘅靚相,睇落仙女嘅氣質,其實私底下好活潑。喺Queendom最後一個演出,舒華擔大旗開場,外面有氣質,跳起舞都好有氣勢!相信今次呢個舞台又會變成(G)I-DLE 其中一個經典之作。

image source:Youtube/ Mnet K-POP

9 Oh My Girl 祉呼(108筆)

同樣有參加Queendom嘅Oh My Girl,喺今次節目都大受好評。祉呼因為台上台下形象差好大,而被Fans封為「反轉女王」,喺舞台上走高冷路線,台下就好做自己,食嘢豪邁又古靈精怪,就係呢種反差成功吸引一班Fans。而祉呼除咗係門面,都係領唱,又睇得又唱得,抵佢咁多人鍾意。

image source:Youtube/ M2

8 EVERGLOW 怡人(140筆)

參加過Produce48嘅怡人雖然當時無成功出道,不過因為出眾外表而圈粉無數,得到好高人氣,更加係當時練習生票選顏值擔當嘅第一名。怡人喺節目結束之後,2019年3月以組合Everglow出道,來自中國浙江,擅長中國舞,跳起上嚟有一種古代美人氣質,係節目上表演嘅時候都引起大家讚嘆,未來發展絕對值得期待呀。

image source:Youtube/ Mnet Official

7 GFRIEND SinB(176筆)

SinB啱啱出道嘅時候俾人話似少女時代嘅Jessica,就咁聽落都一定係個靚女啦。Girlfriend刀群舞出曬名,SinB係門面擔當,同時都係隊內主領舞,高顏值加上舞蹈動作乾淨利落,力度到位,唱歌都唔錯,可以話係各方面實力都好平均。SinB曾經因為表演跳得太落力,而喺台上甩臼,不過都仍然單手完成表演。之前仲係台上唱歌時候懷疑太攰暈低,見佢一直唔係好舒服但都堅持到最後一刻,真係好敬業。

image source:Youtube/ M2

6 MOMOLAND 妍雨(238筆)

妍雨清純五官,被譽為「小允兒」,溫柔氣質無攻擊性嘅外貌係標準門面樣,一出道就受到好多人關注。比起濃妝,好多網友都表示其實更鍾意佢淡妝造型,因為可以更加突出佢天生麗質。練習生時期曾經體重超過60公斤嘅妍雨,為咗出道靚D用非常極端嘅方法:一日淨係食一隻雞蛋同一杯牛奶減肥,之後顏值更加去到巔峰,驚人意志力令大家好驚嘆,不過減肥呢D嘢都係要量力而為,大家唔好盲目跟住做呀。

image source:YouTube/ M2

5 MOMOLAND Nancy(246筆)

同樣係MOMOLAND成員嘅NANCY,韓美混血基因令佢可以話係贏在起跑線上。門面擔當仲有獨特嗓音,男女Fans通殺。完美五官就好似係漫畫入面行出嚟嘅女主角咁,雖然因為後來身形肥咗而被人攻擊,不過其實靚樣一樣無變,每日面對咁多惡意評論,明星都一樣好大壓力,希望大家都唔好對偶像咁高要求、咁苛刻啦。

image source:Youtube/ M2

4 Cherry Bullet 智媛(328筆)

新人女團Cherry Bullet 智媛憑精緻外貌成為團體C位,亦即係Center位。係團隊入面嘅忙內,都因為外貌望落好似Twice嘅Mina同定延合體,所以引起大家注意。曾經喺一個選秀節目入面因為美貌而引起話題,雖然後來因為實力唔夠而被淘汰,不過經過幾年練習琢磨之後,相信之後表演都值得留意。

image source:Youtube/ M2

3 Red Velet Irene(400筆)

Red Velet 隊長 Irene神顏被多次評為女團顏值第一位,就連北韓領導人金正恩都有留意佢地。Irene作為門面,雖然只有158身高,不過身材比例好,加上好似公仔咁嘅五官,雪白膚色,企舞台上就好似天使下凡咁靚,被韓國網友稱為美貌天才。無論咩造型都一樣駕馭到,被多次選咗第一門面果然無浪得虛名。

image source:YouTube / M2

2 BLACKPINK Jisoo(646筆)

BLACKPINK出道以嚟破唔少紀錄,喺全世界都好受歡迎,四個成員實力都好平均。Jisoo號稱無瑕疵、純天然顏值,由以前細細個嘅相就可以睇得出真係由細靚到大。難怪智秀當年仲做緊練習生嘅時候,去睇演唱會仲被SM星探發掘。顏值高就贏曬,就算喺著普通休閒裝出現係機場都一樣好吸引人目光,唔少機場飯拍都被瘋狂轉發。

image source:Youtube/ MBCKpop

1 Twice 周子瑜(2264筆)

Twice嘅子瑜大家應該都唔陌生啦,身為台灣人,子瑜外表同一般韓國靚女標準唔太一樣,不過超高人氣證明韓國人對子瑜顏值都十分受落。可以喺咁多女偶像入面脫穎而出,更加成為全球百大美女排行榜第二位,亞洲排名最高嘅子瑜,天然無加工顏值同可愛性格真係圈粉無數,早前新專輯造型更加被網友評為最新顏值顛峰。

image source:YouTube/ M2

分析說明:

本研究資料由《KEYPO大數據關鍵引擎》提供,分析時間範圍為2018年11月07日至2019年11月08日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『最愛女團門面』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論熱度大小,不代表網友正負評價。

推薦文章︰

難得休息唔知做咩好?2019十大Netflix原創劇睇咗未!

十大台灣必去私房秘境,你又識得幾多個?

更多新聞