長沙灣素食:【延續走肉精神!素食版頹飯/鐵板餐超有創意!】- 走肉蔬食研究所
2019年11月12日17:49

近年素食大行其道,好多新派素食餐廳都玩玩新意思,研發出多款反傳統素食,將不可能變成可能!呢間新開既走肉蔬食研究所,更加將傳統中式菜餚變成素食版,煲仔飯、鐵板餐、生菜包應有盡有!鐵板餐名為「無可能系鐵板牛扒半雜菜牛肝菌汁」,素扒甚為高質,食落真係好似牛扒!「黯然銷魂飯」素食版則用麵筋扮叉燒,味道亦唔錯!仲有「無可能系鐵板蔥花牛肉芝士汁撈丁」、生菜包等等,都非常用心研究!平時大魚大肉得得多,偶爾來一點新派表食清清腸胃都唔錯!

▲鐵版餐唔一定要啖啖肉既!呢款「無可能系鐵板牛扒半雜菜牛肝菌汁」就用左植物肉,比素食者都有得享受鐵板餐咋咋聲上碟既滋味!

▲傳統茶餐廳既「黯然銷魂飯」又點少得呢?用左麵筋扮叉燒,味道唔錯架!

▲連芝士撈丁都有素食版?

▲韓式炸雞用左杏鮑菇代替,加上秘製醬汁,又幾有風味~

▲餐廳連裝修都走小文青風格,非常舒適又符合主題走肉蔬食硏究所地址:荔枝角長義街9號D2 Place 1期3樓302號舖電話:36197581營業時間:平日11:30-15:00,18:00-21:30/禮拜六、日 11:30-16:00,18:00-21:30_____________________________________________________________________________文字來源:香港人遊香港/圖片來源:@whats.up.rainie、@her.veggie.plates

這篇文章 長沙灣素食:【延續走肉精神!素食版頹飯/鐵板餐超有創意!】- 走肉蔬食研究所 最早出現於 香港人遊香港

更多新聞