【師大夜市滷水小食店登陸銅鑼灣!】
2019年12月28日17:12

去台灣師大夜市,其中一個必食既食店就係滷味,而呢間燈籠滷味已經係20 年老字號!都係呢十幾廿年師大學生既宵夜美食之一,點最平人民既豆干加王子麵,搭配椰菜、豬大腸滷水汁翻滾,更顯濃濃香味,而且口味獨特!加上呢間滷味食店選擇多多,你想食火鍋料、肉片定時蔬,應有盡有!最重要係又平又大碗,所以有好多學生甚至係月光族追捧架,最近官方仲宣佈會黎到香港人開第一間海外店,選址銅鑼灣,真係令人好期待!

▲燈籠滷味係官方ig公佈即將係香港銅鑼灣登陸,現階段圍上木板,唔知道佢營業方式係咪同台灣一樣呢?

▲配料有好多選擇,包括:豬肉片、龍蝦沙拉丸、鑫鑫腸、豬大腸、豬血糕、米腸、杏鮑菇、金針菇、豆干、高麗菜、蘿蔔等

▲師大總店係以自助形式,選擇好自己喜歡既材料先付款同埋燙煮

▲香醇特調滷水汁加上食材,有網民認為王子麵係必點,全因王子麵會掛上滷水汁,特別惹味!

▲滷水汁係以白胡椒、肉桂、 八角、丁香、小茴香熬成,既有醬油香又有酒香。

▲師大夜市店外賣既話會用膠袋裝住,如果香港都係一樣維持台灣風味,相信一開業即成為OL Lunch 新寵

燈籠滷味

地址:香港銅鑼灣登龍街39號地鋪(未開業)

文字來源:香港人遊香港/圖片來源:@lantern.lomei.hk、@yangyounhee05、@hung_foodie

這篇文章 【師大夜市滷水小食店登陸銅鑼灣!】 最早出現於 香港人遊香港

更多新聞