旺角Tea Buffet:【士多啤梨控專屬下午茶自助餐!】- 花月庭
2020年01月03日16:35

各位士多啤梨控注意喇,又去到士多啤梨當造季節喇,呢間性價比極高既酒店下午茶自助餐就帶黎左韓國士多啤梨,果肉芳香,食落又甜又多汁,仲用佢地黎炮製一系列甜品同下午茶小食,好似有最吸睛既巨型草莓千層酥,而甜魔之選有草莓白芝士慕絲蛋糕、野草莓綠茶慕絲,d款多到數唔哂呀!唔好以為咸食唔可以有士多啤梨呀,意式風乾火腿多士配醋香草莓一樣吸到like,巴馬火腿配上香脆多士加入以香草莓醃製!

▲草莓伊甸園下午茶自助餐採用韓國士多啤梨入饌,到時有好多時令草莓甜品都有得食。

▲草莓忌廉牛角酥及意式風乾火腿多士配醋香草莓,加上士多啤梨賣相超靚!

▲野草莓綠茶慕絲、草莓玫瑰乳酪慕絲蛋糕、草莓大黃熱情果慕絲蛋糕

▲草莓白芝士慕絲蛋糕,採用法國白芝士(Fromage Frais)炮製而成的慕絲,口感更為醇厚,芝味淡香,相對其他芝士相對輕盈

▲草莓千層酥,今次呢個係16吋長巨型草莓千層酥

▲炸脆皮草莓鮮奶,炸草莓鮮奶質感軟滑無比,特別加上草莓汁製作而成的鮮奶餡料,點埋酸甜草莓醬確係好正!

草莓伊甸園下午茶自助餐@花月庭

供應日期:由2020年1月4日至3月29日 逢星期六、日及公眾假期 15:15-17:15

收費:成人HK$265 小童HK$185*另加一服務費;小童:五至十一歲

地址:旺角太子道西193號帝京酒店2樓

文字來源:香港人遊香港/圖片來源:帝京酒店

這篇文章 旺角Tea Buffet:【士多啤梨控專屬下午茶自助餐!】- 花月庭 最早出現於 香港人遊香港

更多新聞