鑽石山展覽:【首次展出日本工藝!300個手造加賀水引風鈴!】- 荷里活廣場
2020年01月13日16:09

拜完年之後去邊好?同男朋友仔女朋友仔又去邊拍拖好?唔洗諗喇,梗係嚟荷里活廣場!呢到有由立體水引技術創始人津田左右吉嘅第五代傳人 津田文佑親自製作嘅300個水引風鈴,每一個風鈴上都掛上由佢親筆提字嘅書法。對於日本人嚟講,風鈴嘅音色十分神聖,可以帶走疾病同鬼怪,新嘅一年梗係要嚟聽下清脆嘅風鈴聲趕走厄運,保佑2020年平平安安。除次以外,用水引繩編織出嘅圖案就好似拉近咗人與人之間嘅距離,最啱就係仲未有另一伴嘅朋友仔!呢個展覧仲係第一次係香港展出,機會非常難得,仲唔快啲拉埋親朋好友過嚟打卡!

▲ 5米高嘅巨型「新春開運許願風鈴」,大大力推郁風鈴,希望新嘅一年更好運,同去年種種唔如意嘅事講聲再見。

▲ 「幸福水引風鈴桃花園」,行完一圈之後,桃花加埋水引風鈴嘅加持,桃花運一定好到不得了!情侶仲可以坐喺幸福小船上,一邊賞花一邊聽住水引風鈴悅耳聲。

▲ 金澤的香氣 (金沢の香り),津田六佑希望透過書法將日本金澤市嘅靚境帶嚟香港。

▲ 「風鈴藝術鏡屋」,利用多塊鏡面製造出影像無限伸延效果。

▲ 恍如雨聲的蟬叫聲 (蝉しぐれ)。

▲ 掛喺上面嘅水引風鈴透過鏡面嘅反射佈滿屋內,猶如天空上嘅繁星般,一定可以拍好多唯美嘅相。

▲「水引風鈴手作班」,見到咁多咁靚嘅水引風鈴想帶哂番屋企?咁你一定要參加由香港手作大師Ann Yiu親自教導嘅手作班。呢到有好多種唔同顏色嘅水引繩俾你簡,等你親自整出獨一無二嘅水引風鈴,於喺屋企又得,送俾你愛嘅人都得,得咗。只要喺商場內消費滿200蚊或者以VIC 10積分就可以報名參加架喇!

▲ 鼠年將至,梗係要有一套鼠年利是封喺手。呢套以金鼠為主角嘅熨金芝士型利是封,一隻隻圓碌碌嘅金鼠仔收埋喺入面,等你嚟摸下佢軟綿綿嘅毛料。

▲ 一套有3隻色,包括粉紅色、金色、紅色。只要喺商場入面消費滿指定金額或以VIC積分就可以即刻換到一套利是封。金鼠仔等緊你地帶佢番屋企!

荷里活廣場「水引風鈴祭」

日期:2020年1月11日至2月16日

時間:12:00pm – 10:00pm

地點:鑽石山荷里活廣場1樓層明星廣場

荷里活廣場「水引風鈴祭」- 水引風鈴手作班

日期:2020年1月18日、2月8日 (星期六)

時間:2:00pm、4:00pm (每日兩場)

地點:鑽石山荷里活廣場1樓層明星廣場

換領日期: 2020年1月11日起

換領時間: 12:00pm至9:00pm

換領入場證地點:荷里活廣場1樓客戶服務中心

這篇文章 鑽石山展覽:【首次展出日本工藝!300個手造加賀水引風鈴!】- 荷里活廣場 最早出現於 香港人遊香港

更多新聞