尖沙咀餐廳:【一間餐廳帶你周遊亞洲!仲有大大隻熊仔珍珠奶茶!】- YumMee
2020年01月30日09:35

去旅行最重要嘅一定係試下當地嘅食物,咁先叫去過旅行架嘛。講起香港,一定就諗起車仔麵,咁講到日本又諗到咩嚟?無錯就係拉麵!每個地方都有佢必食嘅地道食物,而呢間餐廳就勁喇,等大家喺香港都可以食盡全亞洲嘅地道麵食同小食,例如有吉隆坡嘅龍蝦海鮮蝦麵、曼谷嘅牛腩船麵、布吉嘅大蝦冬蔭功粉、上海嘅麻辣黑毛豬扒擔擔麵。呢到主打嘅精選十款麵食,以城市為名,湯底用上至少十二個鐘熬製,仲加入咗咁高級食材,想必一定係好鮮甜惹味。呢到嘅環境亦都好休閒,俾你可以喺度放鬆心情。

▲ 京都,蟹腳醬油拉麵,湯底加入黑醬油增添濃郁感。

▲ 台北,紅燒牛𦟌麵,口味鬆軟嘅牛𦟌,入口即溶。

▲ 曼谷,牛腩船麵,特別加入咗牛血同泰國草藥等醬料喺湯度,食落去有層次感。

▲ 吉隆坡,龍蝦海鮮蝦麵,有龍蝦、豬腩肉、青口等,食落好鮮味。

▲ 布吉,大蝦冬蔭功粉,用更多嘅大頭蝦蝦膏取代椰奶同忌廉,湯底更濃稠。

▲ 上海,麻辣黑毛豬扒膽膽麵,麵條條條分明。

▲ 九龍,番茄濃湯和牛湯麵,除咗加入番茄,仲加埋洋蔥、芹菜、冰糖等加強湯底嘅口感。

▲ 河內,和牛湯河,湯底清澈有牛味。

▲ 卡哇伊冰熊特飲系列,有一系列加咗咁kawaii嘅熊熊飲品,飲之前影番張相先喇。

▲ 牛腩,咬落去好鬆軟。

▲ 蜜糖蒜蓉炸單骨雞翼,唔識食雞翼嘅朋友都可以食到!

▲ 米紙卷,薄薄嘅一層包裹著新鮮嘅食材。

▲ 粵式籠仔金蝦餃,潵上金箔,更添高貴感。

▲ 健康食物,啱哂減緊肥嘅朋友。

▲ 日本特色飲品。

▲ 仲有好多特色飲品。

▲ 每個位置都有一個插頭,方便大家一人一個。

▲ 放置大量旅行書,係時候plan個旅行俾自己。

▲ 空間大,最啱喺度plan行程!

YumMee 喫麵

地址:尖沙咀梳士巴利道18號K11 MUSEA1樓136號舖

電話:11:00 22:00

營業時間:2344 2366

文字/圖片來源:香港人遊香港

這篇文章 尖沙咀餐廳:【一間餐廳帶你周遊亞洲!仲有大大隻熊仔珍珠奶茶!】- YumMee 最早出現於 香港人遊香港

更多新聞