灣仔美食:【限時優惠晚餐!情人節撐枱腳好去處!】-Osteria Marzia
2020年02月06日12:05

就黎到情人節啦,唔知大家有無心議既餐廳?今次比多個選擇你地睇下啦!Black Sheep Restaurants旗下20間餐廳將會係2月10日至16日時段以一個超值優惠價套餐比客人享用,而家陣介紹呢間餐廳係其中一間可以係情人節繼續以呢個Black Series Promotion提供超優惠價套餐!套餐內容既菜式仲要係該餐廳既人氣招牌茶式黎嫁!今日就可以開始預訂啦!呢間餐廳主要係食意大利菜,另外餐廳裝修比客人一種舒服既感覺,客人可以慢慢係度嘆酒嘆美食都唔會比人趕走!今次介紹呢個晚餐套餐每位$388未加一,好味得黎又有幾款野食,絕對唔Dry呀!

▲前菜: 每人兩片烤麵包,另外仲會有啲鯷魚條加牛油忌廉比客人配麵包食,麵包皮脆得黎入但入面好軟鬆!

▲油甘魚前菜: 油甘魚片係來自日本,醬汁食落去酸酸地,好開胃嫁,分別係用左車厘茄、橄欖、羅勒葉製成的!

▲ 香脆魷魚配香草乳酪醬: 呢個配白酒岩晒呀! 炸魷魚食落去都幾好咬,唔會係D 完全咬唔到既魷魚,而炸粉都無點太多黎炸。大家記得一定要點個Yogurt醬黎食呀,食落去清新既感覺又可以去一去油膩,個醬入面仲會有啲青瓜同蘋果粒!

▲波士頓龍蝦吉他意粉: 意粉食落帶點蝦膏加蓄茄加龍蝦汁既味,醬汁都幾濃味唔錯,帶點酸酸地感覺,令到客人覺得開胃。龍蝦肉份量都算多,仲會有蟹鉗肉添! 呢度既食材料唔馬虎,龍蝦係來自加拿大! 意粉係用左扁意粉,食落去都幾彈牙!

以下呢兩款燒烤主菜只可以每位選一款:

▲意式香烤雞: 雞皮烤到幾脆身,雖然睇落去份量好少,但每舊都啖啖肉嫁,唔係比晒啲雞骨客人食!

▲西西里澳洲盲鰽配香橙茴香醬: 香煎盲鰽令到魚皮煎到好脆皮,而魚肉既質感都相對上滑同埋食落去都係新鮮魚肉既口感,唔係雪藏擺左好耐既貨。而個醬汁因為香橙既關係,食落去都酸酸甜甜,同魚肉一齊食都幾夾。底下仲有洋蔥條作伴菜,不過洋蔥實在太入味,食落去有點酸,鐘意酸酸甜甜同洋蔥既你絕對會食得晒啲洋蔥條!

▲意大利雪糕: 今次既雪糕口味係好香濃朱古力味,食落去好滑身,朱古力種濃度岩岩好,唔會食到覺得好流。呢種雪糕唔似平時果隻咁快溶,可以有儀態咁食!

▲A TASTE OF THE COASTAL REGIONS OF ITALY: 每位客人可以加$88 品嚐一杯。左邊係意大利氣泡酒,右邊就係白酒,兩款都係餐前酒來的。如果客人有意加$88要1杯的話,不妨問下店員當天有咩款式酒推介下。

▲餐廳既裝修入面都相對光猛,每張枱分格都遠,作為同伴侶或者朋友慶祝節日既餐廳也不錯。另外,餐廳店員數量都多,可以應付到1位對2組客人,每位對客人既服務態度絕對值得一讚,比呢個價錢享受皇帝式既服務。

Osteria Marzia

地址:灣仔菲林明道41號芬名酒店地舖

營業時間:星期一至五07:00-10:00, 12:00-15:00, 18:00-23:30 /星期六至日 07:00-10:00,18:00-23:30

電話:36072253

文字來源/圖片來源:香港人.遊香港

這篇文章 灣仔美食:【限時優惠晚餐!情人節撐枱腳好去處!】-Osteria Marzia 最早出現於 香港人遊香港

更多新聞