《辣伙頭》靚女參賽者逐個睇 網民熱門係洛兒同蘇菲!
2020年02月24日00:00

入得廚房,出得廳堂

ViuTV嘅電視劇同節目愈嚟愈受香港觀眾歡迎,尤其係依家個個都留喺屋企,睇吓佢哋嘅節目真係唔錯。最近就有個叫做《辣伙頭》嘅節目,八位靚女同場競技、大晒廚藝,再由三位主持:陶大宇、郭政鴻、楊尚友嚟試評分。唔少網民話依個節目個玩法好似《美女廚房》溝《MasterChef》,不過其實玩法都係其次,好多觀眾想睇嘅都係《辣伙頭》八位靚靚參賽者!今日DailyView就帶大家睇睇依八位參賽者邊個係網民討論得最多,再睇睇佢哋喺《辣伙頭》嘅表現啦!

DV小教室:網路溫度計透過《KEYPO大數據關鍵引擎》,觀測、爬梳港澳地區近萬個網站、頻道,其中包括新聞頻道、各大討論區、FB、IG以及Blog,從中取得資料樣本數,並以AI語意程式作數據分析。「網路熱度」為主題項目相關的網路posts和comments ,數值愈大代表主題項目的討論度愈高。

8 余逸思(628筆)

余逸思係一位香港Model,同時都係一位化妝師。而好多人認識佢都係透過ViuTV選美節目《美選D.n.A.》,余逸思喺比賽入面奪得全場總亞軍,正式出道。自此之後喺ViuTV大大小小嘅劇集入面,觀眾都可以見到佢嘅身影。今次佢喺《辣伙頭》入面表現相當亮眼,令觀眾發現原來余逸思煮嘢食都好得㗎!評判Christian仲大讚佢,話余逸思令佢擔心佢份工啦!

image source:IG/yoshi.1c

image source:IG/yoshi.1c

image source:IG/yoshi.1c

7 陳海寧(1009筆)

陳海寧出咗道幾年,參演過一啲電影同埋電視劇,係一位啱起步嘅演員。佢憑住港台電視《萬輻瑪利亞》漸漸走入觀眾眼前,唔少人見到佢嘅表現,都話呢個後生女有前途。今次佢作為《辣伙頭》八位參賽者之一,雖然唔好彩喺比賽途中俾人淘汰,不過佢都成功喺觀眾面前留下深刻印象。繼續加油啊,陳海寧!

image source:IG/isabellaaaaa

image source:IG/isabellaaaaa

image source:IG/isabellaaaaa

6 沈殷怡(1747筆)

沈殷怡除咗個樣生得靚,仲好讀得書!佢係香港中文大學法學碩士出身,雖然讀法律,不過沈殷怡好鍾意鏡頭前嘅工作,所以呢兩年好經常喺ViuTV拍劇同埋做節目主持。而呢一次拍攝《辣伙頭》,沈殷怡喺節目入面除咗煮嘢食,仲難得表現出佢楚楚可憐嘅一面,喺淘汰賽當中因為覺得對隊友唔住而爆喊,好多人見到都話好心痛呢個善良嘅女仔。

image source:IG/shamshirley

image source:IG/shamshirley

image source:IG/shamshirley

5 郭奕芯(3485筆)

講起郭奕芯,大家應該十分熟悉佢喺大銀幕前面嘅形象,喺2015年,佢十九歲嘅時候已經擔正做電影《同班同學》嘅女主角。呢套戲令佢喺好多人心目中留低好深印象。2017年佢又再次擔正拍咗套恐怖片《鬼網》,係一位非常有前途嘅演員。呢次佢喺《辣伙頭》入面煮嘢食都有好好表現,不過最令觀眾印象深刻嘅,絕對係佢嗰隻唔熟嘅「蘇格蘭夾心蛋」!

image source:IG/ashinaaa

image source:IG/ashinaaa

image source:IG/ashinaaa

4 鄧月平(4047筆)

相信好多宅男都知道鄧月平,鄧月平一開始喺網上走紅,繼而簽約做藝人,之後仲參加咗ViuTV嘅選美節目。因為佢個樣有少少似黃翠如,又真係一位靚女,所以漸漸就成為咗宅男女神。但係唔好以為鄧月平得個樣,今次參加《辣伙頭》,佢嘅表現真係可以話非常出眾,經常俾評判大讚!煮手撕雞得,劏魚又得,真係入得廚房,出得廳堂!

image source:IG/lllarine

image source:IG/lllarine

image source:IG/lllarine

3 陳欣妍(4061筆)

陳欣妍係一位新晉女演員,不過比起電視曝光率,佢喺Instagram嘅曝光率可謂為之驚人,因為佢平時鍾意Post一啲健康又Sporty嘅相,所以收穫到唔少男女Fans鍾意。而除咗樣靚身材正之餘,陳欣妍今次參加《辣伙頭》都可以話係出盡力表演,好似餐廳營運對決一集入面,佢喺餐廳門口出盡力咁拉客!陳欣妍嘅努力,相信觀眾係見得到㗎!

image source:IG/shirleyelephant

image source:IG/shirleyelephant

image source:IG/shirleyelephant

2 蘇菲(7082筆)

相信有一啲香港觀眾唔係咁熟悉蘇菲,不過睇開YouTube嘅新一代香港網民就一定有印象啦!蘇菲係澳門微辣嘅演員,成日喺網上拍搞笑片,標誌嘅外表吸引到好多宅男鍾意,漸漸就成為咗港澳網民新寵兒。今次蘇菲嚟香港拍《辣伙頭》,相信佢會走進各個年齡層嘅觀眾眼前,好似已經有一啲媽媽級嘅觀眾,讚佢個樣好乖女,吸引唔少人鍾意!

image source:IG/sophibae

image source:IG/sophibae

image source:IG/sophibae

1 洛兒(13195筆)

洛兒係今次《辣伙頭》當中最熱門、聲量最大嘅一位參賽者,喺參加ViuTV《辣伙頭》之前,其實佢已經參加過TVB嘅《美女廚房》。雖然可惜最後喺《辣伙頭》俾人淘汰,但佢嘅話題性依然非常高,唔少網民好鍾意討論佢有幾蝦碌。好似第一集著火嘅時候,佢臨危不亂又淡定嘅樣,真係好吸引人,再睇返佢嘅IG相,真係靚到Dump一聲啊!

image source:IG/lok_lokyii

image source:IG/lok_lokyii

image source:IG/lok_lokyii

網路溫度計香港版嘅Telegram開咗喇!快D嚟follow我哋啦→https://t.me/dailyviewhk

【香港網路溫度計調查結果之圖文,未經授權請勿轉載、改寫】

分析說明:

本研究資料由《KEYPO大數據關鍵引擎》提供,分析時間範圍為2019年02月21日至2020年02月20日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『辣伙頭靚女參賽者』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論熱度大小,不代表網友正負評價。

推薦文章︰

門窗緊閉蚊子卻打不完?網友揭真相:蚊子都從這裡來

女生都怎麼搭訕男生?她揭這舉動就是有意思…網友:內行人秒懂

更多新聞