【母親節】苑瓊丹憶亡母眼濕濕 慶幸與媽咪常旅行留下回憶
2020年05月08日10:45

苑瓊丹日前接受《開工大吉77》訪問,趁母親節大談與媽咪生活點滴,期間回憶與亡母相處,眼濕濕流淚:「我記得亞媽好慳,坐幾毫子巴士買平餸,過年過節買幾隻雞、十斤豬肉,所以細細個開始,都已經訓練幫手拎重嘢。亞媽係福建人,但同鄰居關係好好,所以街坊會教佢煲廣東湯水、整叉燒包,所以我好好食神!」

苑仔話媽咪不時帶佢周圍見識,逢周六都有活動,最終被班主任投訴:「因為我地星期六都好多街去,好似去遊船河、食素之類,後來班主任乍型,問我做咩逢星期六都病!」。苑媽媽鼓勵子女自由發展,即使入娛樂圈都沒反對:「其實只要我唔犯法,佢都會由得我!嗰時我都覺得自己幾靚女嘛,問亞媽不如去選美好唔好,佢話你咪去囉!」。

苑仔就話講起媽咪都眼濕濕,慶幸與媽咪常旅行留下回憶:「因為我就好怕去旅行,拍戲都周圍去啦,但媽咪就想去外地玩,所以只要能力所及,都會滿足佢!」

講到本港疫情減退,但苑仔工作都受影響:「因為內地有劇叫我拍幾組,但如果接拍,前後要隔離28日,即係成個月都冇晒,所以內地劇、商演都推晒,無理由做一日要隔離成個月,否則就拍唔到!」

視頻精選
更多新聞