高Ling被半裸猛男包圍好艷福
2020年05月14日03:00
Do姐將與姜濤合作拍廣告,陸永只視為放Do姐出去玩吓。

【星島日報報道】高海寧(高Ling)與陸永昨日出席新劇《七公主》拜神儀式,飾演司機的高Ling自爆要紮胸上陣,造型均是包到冚,陸永笑言不失望:「我也要紮一紮才可跟她合作,哈哈!」高Ling又笑認好艷福,劇中會被很多半裸猛男包圍,包括小鮮肉;陸永再放笑彈說:「但艷福是我這種質素,正唔正先?(為除衫操肌?)不用啦!我個頭咁,襯咩軀體都冇用,哈哈!」再追問高Ling與鄧智偉再傳情變,她避忌拒談,只謂目前是開心狀態。

此外,談到鄭裕玲(Do姐)飛起農夫,孖姜濤及肥仔@ERROR拍廣告,陸永笑說:「都要放Do姐出去玩吓嘅!有些網友說他們扮農夫,有乜可能姜濤扮我呀,不要侮辱姜濤啦,但C君跟肥仔的顏值的確有點似,哈哈!」

更多新聞