【醉住做節目】張紋嘉自爆張震面前醉到嘔 張惠雅公開Hotcha解散內幕
2020年06月02日07:00

Hotcha繼早前全員合體上ViuTV節目《Chill Club》獻唱後,成員張紋嘉(Crystal)和張惠雅(Regen)今次再為昨晚播出的ViuTV節目《晚吹:有酒今晚吹》擔任嘉賓。

節目上眾人邊飲酒邊聊天,Crystal自爆試過在張震嶽的台灣酒吧飲醉,更在張震面前嘔起來,覺得自己非常失禮。Regen除了大爆當年Hotcha解散內情,也在社交網站分享精彩幕後花絮。話說當日在早上錄影,她沒有準備早餐,結果空肚上陣,加上見到主持練美娟飲酒飲得豪氣,所以她也「追一追進度」,結果醉住錄影:

「人生第一次拍攝完之後係斷斷地片」。Crystal雖然有食早餐打底,但是也迅速醉倒。最爆的是拍攝完成後,飲醉的Regen做了一樣非常「肉酸」的事:「我喺化妝間見到黃真真導演,通常真係飲咗酒壯下膽先會夠薑衝埋去同人講嘢,然後我講咗:『你好啊!我好鍾意你套戲架!個套花椒之味啊!』真真佢非常得體:『多謝你,但係呢套戲唔係我既』」

Regen續稱:「我真係好希望真真導演當刻唔好以為我痴線,我只係下午12點左右飲醉咗啲, 其實我真係好鍾意佢套《閨蜜》」!

 
 
 
 
 
 
 
 
 
 
 
 
 
 

今晚viuTV播我地個集 #有酒今晚吹 之前 一定要分享返拍攝個日全日既流程比大家聽 因為人生第一次拍攝完之後係斷斷地片之餘 我仲做咗件樣衰到不能再樣衰既事 雖然話係今晚吹 但係個日我地係早上10點就開始吹 話關於飲酒傾下計 我以為都係chill飲 所以我無食早餐🙂高估一下自己既能力 去到見到 @quicheung 好緊張已經食埋個早餐 當時 我知道自己gg鳥 我喺viu個廠周圍搵 我想搵嘢食 喺地下執到塊餅都好啊 最後當然就係空肚去開始拍攝 一見面兩位主持啊娟同強尼已經飄出好飲得既氣場 開始飲既時候 都正常既 但係隔離啊娟好唔正常 佢清咗杯Gin neat 我地都話溝少少tonic啊 唔知點解見到佢咁豪氣 自己都on咗少少mode 想追一追進度 我想為自己澄清 我唔係好飲得但係應該平時都無咁快醉 好快真係轉個頭咁快 我已經醉醉地 但係我飲酒唔會點面紅既人 但係圖中呢位啊姐好快就紅曬同埋都應該醉醉地 成個拍攝到呢家 我都覺得好似發咗場夢咁 剩係好深刻最後試個款Gin好好飲 應該係我影低呢支 最肉酸既事之後先開始發生 完咗拍攝 我喺化妝間見到黃真真導演 通常真係飲咗酒壯下膽先會夠薑衝埋去同人講嘢 然後我講咗 「你好啊!我好鍾意你套戲架!個套花椒之味啊!」 🙂 真真佢非常得體 「多謝你,但係呢套戲唔係我既」 🙂 我真係好希望真真導演當刻唔好以為我痴線 我只係下午12點左右飲醉咗啲 其實我真係好鍾意佢套 #閨蜜 唉 今晚其實播出時間係幾點有無人知

RegenC 張惠雅(@regenc)分享的貼文 於 張貼

 

 

更多新聞