戥安仔復工高興 Sammi:跨過呢一步唔容易
2020年06月19日15:18

天后Sammi(鄭秀文)日前為宣傳新戲《聖荷西謀殺案》,與拍檔阿Sa(蔡卓妍)一齊上無綫節目《Do姐有問題4》擔任嘉賓,提到已停工14個月的老公安仔(許志安)日前開始復工,Sammi話好支持安仔的決定:「佢要跨過呢一步唔容易,呢一個係好大嘅心理關口,佢能夠跨過呢一步,我都好戥佢高興!」

撰文:東方新地|圖片:東方新地、IG

Sammi:承擔係必然一步

Sammi指安仔的復出之路要一步一步來︰「佢要出返嚟面對群眾、世界同自己,承擔番都係必然一步,只係咁啱唱片公司有呢個邀請,佢有問過我意見,我叫佢自己去諗,因為要企出來面對呢件事嘅人係佢唔係我,我又唔知佢心理Ready未,因為始終成一年幾,我話如果你Ready我就支持你。」

Sammi
Sammi
Sammi和阿Sa日前到無線錄影節目《Do姐有問題4》,Do姐(鄭裕玲)在社交網貼合照,留言:「今天有稀客!」
Sammi
Sammi
在錄節目之餘Sammi又接受了《東張西望》主持Fion的訪問。

為安仔高興

Sammi表示安仔能跨過這個心理關口,她也替他感到高興,她又稱有看過安仔當日的訪問片:「我叫佢要真心同自然啲,你呢年幾有咩感悟,你自己咪表達出嚟,睇完我都覺得OK,評語好難控制,如果有好差劣嘅評語都唔需要介懷,最重要佢自己係承擔番,面對自己,其他嘢交畀上帝。」

Sammi
Sammi
問到安仔現時的心情,Sammi笑言︰「替佢高興,對佢嚟講跨過呢一步唔容易,我覺得佢係舒服咗。」
Sammi
Sammi
問到雙方感情是否再進一步?Sammi說︰「我覺得一對夫妻其中一個出事,係要一齊承擔同面對,唔係佢有事我就行開。呢個係一段婚姻關係入面嘅學習階段。」

信仰幫助大

Sammi表示當時接下來演唱會要處理的事非常多,所以她要待完成演唱會之後,才會慢慢去梳理自己的情緒,她表示︰「我覺得宗教幫咗我好多,大家唔使擔心我,信仰係呢件事上面好幫到我。」

Sammi
Sammi

Sammi
Sammi

衰一次唔係壞事

她直言這件事對安仔改變亦甚大:「佢依家踏實咗,認清咩係最重要,其實有時衰一次,都唔係壞事,係人生一個階段,好痛咁錯一次,重新審視、建立自己,個過程係好慘烈,但回望返係值得嘅。」

Sammi
Sammi

Sammi
Sammi

做運動抗疫

Sammi表示她在抗疫期間,經常努力做運動Keep Fit。

Sammi
Sammi

Sammi
Sammi

照顧年老愛犬

此外Sammi又指由於愛犬Lucky已15歲年老體弱,所以現在她經常陪伴在牠身邊,希望牠可以開開心心安享晚年。

Sammi
Sammi

Sammi
Sammi

安仔復工試水溫

安仔日前現身錄影ViuTV音樂節目《Chill Club》,獨唱歌曲〈一步一生〉,又與AGA(江海迦)、Gin Lee(李幸倪)合唱〈半天假〉。

Sammi 安仔
Sammi 安仔
問到是否會全面復出?安仔說:「因為依家疫情環境,真係唔到我諗,我反而想著重話畀大家知,自己已經準備好,我唔敢講未來係點樣,但我好有信心,100%充滿信心去做得比以前更加好。」

安仔
安仔

心態要正面

安仔又表示太太鄭秀文鼓勵他上鏡時要「自然啲」:「佢話你要做呢個工作,就要100% Ready ,心態要好正面,要話畀人知呢年幾你嘅信心,我問自己係可以,但有啲緊張,要勇敢去承擔同面對。」

Joey Tang 安仔
Joey Tang 安仔

https://www.facebook.com/TVBENews/videos/1229180277459689/

延伸閱讀:

38歲譚凱琪凸肚現身孕味濃 為老公傳宗接代忍痛推劇暫別娛圈

黎耀祥拍《殺手》被難倒 「胸襲」龔嘉欣足足16次!

視頻精選
更多新聞