酒店下午茶:【馬來西亞榴槤甜品下午茶+2小時任食榴槤雪糕!】
2020年07月15日19:09

貓山王榴槤布甸+抹茶荔枝D24榴槤卷!

呢間尖沙咀Hotel ICON出名以馬來西亞直送嘅榴槤做甜品,最近再推個榴槤下午茶令榴槤控可再次品嚐啖啖榴槤香。今次下午茶甜品包括貓山王整榴槤布甸、抹茶荔枝D24榴卷、榴槤斑蘭糯米糍、金榜榴槤芝士蛋糕、D101榴槤爆谷泡芙等。仲有一系列鹹點包括有黑松露蟹肉多士、忌廉蘑菇脆米通。另外最吸引就係可以2小時任食自家制D101和D24榴槤雪糕,真係令人「榴槤忘返」。

▲貓山王榴槤布甸,布甸充滿濃郁榴槤味,而且非常creamy。

▲抹茶荔枝D24榴槤卷,入口先有淡淡的抹茶和荔枝清香之後榴槤再出榴槤香。

▲榴槤斑蘭糯米糍,煙煙靭靭的糯米糍包住滿滿的榴槤肉。

▲金榜榴槤芝士蛋糕,芝士和榴槤控制恰到好處沒有搶去對方嘅味道,鹹鹹嘅芝士香中帶出榴槤味道。

▲D101榴槤爆谷泡芙,泡芙中充滿榴槤忌廉,一口咬開忌廉馬上爆出。

▲馬來西亞貓山王榴槤,香、濃、甜。

▲榴槤斑蘭千層蛋糕,一層斑蘭一層榴槤,配合不錯。

▲D24榴槤蛋捲和自家制D101和D24榴槤雪糕,D24榴槤蛋捲點上榴槤雪糕將榴槤味double up,超濃味。

▲忌廉蘑菇脆米通,米通香脆可口配上香濃忌廉蘑菇醬。

The Market 飄香榴槤下午茶

地址:尖沙咀科學館道17號唯港薈2樓日期:即日至2020年7月31日

時間:下午3點至5點

電話:3400-1308

價錢:$368一位/ $678兩位 (另加一服務費)

文字 / 圖片:香港人遊香港

The post 酒店下午茶:【馬來西亞榴槤甜品下午茶+2小時任食榴槤雪糕!】 appeared first on 香港人遊香港.

更多新聞